Ebərəje 13:14 - Dɔnɔn kə̂ Siki: Tar kə̂ aw arə təbbə

¹⁴ Mba, nangə̂ nəənn marə bbe ləje kə̂ a to nyɔm goto arə jaw sangəje bbe kə̂ a to ndɔ tə̂ kə̂ bara.

Ebərəje 13:14 Iomraidhean Croise

1 Kɔrɛntinyɛje 7:29

Ngakɔnʼmje, m-pa marəse: Ndɔ nayn banya ang ngaa. Unn kute bbokənɛn, maji karə dingawje kə̂ taaje dɛnɛ̂n isije tokə n̂-taaje dɛnɛ̂n ang.

2 Kɔrɛntinyɛje 4:17

Mba nɛ̂n kəm-to-ndooje kə̂ aw ingajeje mba gɔju kar le, turude goto. A piti kə̂ a to kə ndɔ kə ndɔ kə̂ nɛ̂njeenn le a karəje a to piti kə̂ bo nya.

Epɛjinyɛje 2:19

Yeenn a, sese kə̂ ə-toje to Jiipije ang le ə-toje to njê-mbaje ang ngaa ddəm ə-toje to dəwje kə̂ aw ndayje to nday ang ngaa ddəm. A sese kə njê-mə-kunnje ə-toje to ngann njê-bbeje kə̂ kâra baa, eeje mə nuju tə̂ lə Lubba.

Pilipinyɛje 3:20

A jeje, bbe ləje to darâ. Jeje jaw ngəbbə Əbbə-dəwje Jeju-Kristə kə̂ to Nje-kajije kə̂ a kin darâ ddee.

Ebərəje 10:34

Ngaâ ooje kəm-to-ndoo lə njê kə̂ dungude kəy-kula tə̂. A bbo duwa nɛ̂nje ləse n̂-taaje a, aw ndikije tə̂ kə rɔ-nəəl. Mba ə-gərəje to eeje kə nɛ̂n-kingaje kə̂ maji uta yejeenn ddəm nɛ̂n-kingaje kə̂ a toje kə ndɔ kə ndɔ ddəm.

Ebərəje 12:22

A sese, ə-ddeeje ngɔsi kə ddingiri kə̂ Sinyɔ, kə̂ to bbe lə Lubba kə̂ nje-kisi kəm baa, Jerujalɛm kə̂ darâ, kə̂ anjəje toje tə̂ doro doro.

Ebərəje 12:27

Tarje kə̂ nan: «Gɔl kâra bbay» le tɔju to nɛ̂nje kə̂ Lubba dda a yəkəje ngaâ a gotoje, ta nɛ̂nje kə̂ asəje ta yəkə ang â ta naynje.

Ebərəje 2:5

Duninya kə̂ bara kə̂ jaw pa tarɛ̂ nəənn le, anjəje â Lubba arəde singa mba kɔn dɔɛ̂ ang.

Ebərəje 4:9

Yeenn pa nan, marə ndɔ kə̂ dəwje lə Lubba a kuwaje nɛ̂n rɔde le nayn bbay. Ndɔ le to tokə ndɔ kə̂ to siri laa le.

Ebərəje 9:11

A Kristə ddee mban. N̂-to tɔkə nje-polo Lubba kə̂ aw arəje nɛ̂nje kə̂ maji kə̂ toje tə̂ənn mban. Nandə mə kəy-tande tə̂ kə̂ ngəng uta ye kə̂ kete ddəm asə tɔyn ddəm. To dəw â dda kəy-tande le ang, yeenn pa nan to nɛ̂n kə̂ nangə̂ nəənn ang.

1 Piyɛr 4:7

Nɛ̂nje tɔyn naynje ngɔsi baa ta kɔsu kɔyn ngaa. Yeenn a, maji karə ə-gərəje dɔ jise, arəje kəmse kətərə ta ə-dujuje Lubba.

Apokalisi 3:12

Dəw kə̂ tətə ddɔ a, mâ ddɛɛ̂ to kakə gaji mə kəy-polo Lubba tə̂ ləm ngaâ nâ tee ddaka ndɔ kâra ang ngaa. Mâ dda ri Lubba ləm kə ri bbe lə Lubba ləm dɔɛ̂ tə̂. Ri bbe lə Lubba ləm le nan «Jerujalɛm kə̂ siki» kə̂ in rɔ Lubba tə̂ ləm darâ ddisi kə nangə̂. Mâ kunda rim kə̂ siki dɔɛ̂ tə̂ tɔ.