Ebərəje 12:28 - Dɔnɔn kə̂ Siki: Tar kə̂ aw arə təbbə

²⁸ Lubba aw arəje Bbe-kɔn kə̂ nɛ̂n a kasə ta yəkə ang. Yeenn bba, maji karə jarɛ̂je wooyo ngaâ n-poleje kə ddəw kə̂ a karɛ̂ rɔ-nəəl, n-ngəmje rɔje mba tar laa ddəm n-bbəəleje ddəm.

Ebərəje 12:28 Iomraidhean Croise

Matiye 25:34

Yeenn ngaâ tɔkə mbay le a pa karə njê kə̂ dɔ ji-kɔlɛ̂ tə̂ nan: ‹Sese kə̂ Bɔmje bbar tar kə̂ maji dɔse tə̂ le, ə-ddeeje. Ə-taaje Bbe-kɔn kə̂ Lubba gɔl mba tar ləse ləw baa kə̂ duninya to le.

Luku 1:33

Nâ kɔn dɔ njê kə̂ gəl Jakobbo tə̂ ndɔ kə ndɔ. Kɔn-mbay laa a kɔsu kɔyn ndɔ kâra ang.»

Rɔmɛnje 11:20

Dɔgɔlɛ̂ njaa. Lubba tuka barkəmde mba dooje məde tə̂ saa ang, a əi ə-nayn aw tinya kakə tə̂ le mba oo məi tə̂ kə Lubba le. Yeenn a, maji karə bbəəl â ə-bbəəl bbo unda gui ang.

Epɛjinyɛje 1:6

Yeenn a, maji karə jɔsuje gaji Lubba mba mə-maji kə̂ n̂-dda kə je kə nangə̂ baa, ddəw tə̂ lə Ngonnɛ̂ kə̂ n̂-ndike nya.

Epɛjinyɛje 5:10

Maji karə ə-sangəje ddəw ta gərə nɛ̂n kə̂ nəəl kəm Əbbə-dəwje tə̂.

Pilipinyɛje 4:18

Minga nɛ̂n tɔyn jim tə̂ asə loe mban. M-təl minga uta dɔɛ̂ bbay. Nɛ̂n kə̂ arəje Epaporoditə ddee nɛ̂n arəm le minga kə majɛ̂. Nɛ̂n dum ang ngaa. Nɛ̂n kə̂ arəmje le to tokə yambo kə̂ ətə maji nya wase nɛ̂n-polo kə̂ maji kəm Lubba tə̂ ddəm nəəle ddəm.

Ebərəje 10:19

Yeenn a, ngakɔnʼmje, jee kə ddəw tɔyn njaa ta kandə lo tə̂ kə̂ n̂-sangə dang nya bbay mba Lubba le ddəw məsə Jeju tə̂ kə̂ kayn nangə̂.

Ebərəje 13:15

Ddəw tə̂ lə Jeju, maji karə n-walje Lubba tokə nɛ̂n-polo kə̂ jaw jarɛ̂je ddəw paje tə̂ kə ddəw tarje tə̂ kə̂ taje tə̂ kə̂ tɔjuje to Lubba to Əbbə-dəwje.

Ebərəje 13:21

Maji karə ne Lubba le narə ingaje singa ta dda nɛ̂n nɛ̂nje tɔyn kə̂ maji, bba karə ə-ddaje nɛ̂n nɛ̂n kə̂ məɛ̂ ndiki. Nɛ̂n kə̂ nəəl kəmɛ̂ tə̂ â maji karə n̂-dda məje tə̂ ddəw tə̂ lə Jeju-Kristə. Ne Jeju kə̂ piti to laa kə ndɔ kə ndɔ. Amɛnn!

Ebərəje 3:6

A bbasinɛn, Kristə dda kula kə dɔgɔlɛ̂ to Ngonn lə Lubba njaa kə̂ undɛ̂ karə ɔn dɔ kəy laa. Jeje, bbo n-naynje jaw jundaje məje dɔ nɛ̂n tə̂ kə̂ jaw nginanje ngaâ jaw ddaje nɛ̂n rɔ-nəəl le a, n-toje to kəy lə Lubba njaa.

Ebərəje 4:16

Yeenn a, maji karə n-ddeeje ngɔsi kə ngende-mbay lə Lubba kə̂ to nje-mə-maji ta jarə məje oso pɔn. Baann bba nâ koo kəm-to-ndoo ləje ngaâ nâ dda kə je mə-maji ta nâ kumanje mə karje tə̂ kə̂ asə karə numanje.

Ebərəje 5:7

Kar kə̂ Jeju nayn nɛ̂n dɔ nangə tə̂ bbay le n̂-duju Lubba n̂-dda nɛ̂n rɔɛ̂ to ndoo, nuru nɛ̂n əkii ləm ang ddəm nɔn Lubba tə̂ kə̂ asə ta kajɛ̂ ta yo tə̂. Yeenn bba Lubba oo ndu-nɔn laa le mba nunn rɔɛ̂ narə Lubba.

1 Piyɛr 1:17

Lubba aw gangə sariya dɔ dəwje tə̂ asə kəm kula-ddaje ləde, a naw nɔru kəm dəw ang. A bbo mə dujuje tə̂ kə̂ aw dujuje Lubba le aw bbarɛ̂je to Bɔ a, maji karə ə-bbəəleje kar tə̂ kə̂ ə-naynje nɛ̂n dɔ nangə tə̂ nəənn.

1 Piyɛr 2:20

Bbo dəw aw oo ndoo mba majang kə̂ n̂-dda ngaâ naw tɔ wure a, piti kə̂ baânn â nâ kinga goe tə̂ wa? A bbo ə-ddaje maji bba daw dula kəmse ndoo tə̂ a, Lubba oo nɛ̂ɛnn kəmɛ̂ tə̂ to nɛ̂n kə̂ maji.

1 Piyɛr 2:5

Sese njaa kara, ə-toje tokə lə ərje kə̂ naynje kəm baa tɔ, yeenn a, maji karə unnje rɔse kə̂ to ər le ə-ddaje nɛ̂n kəy lə Ndil-mə-nda. Baann bba a ddeeje to njê-poloje Lubba kə̂ dundade dang mba kula laa, ta kunn nɛ̂n-polo ddəw Ndil tə̂ karɛ̂, nɛ̂n-polo kə̂ maji kəmɛ̂ tə̂ ddəw tə̂ lə Jeju-Kristə.

Apokalisi 1:6

N̂-ddaje to dəwje kə̂ mə Bbe-kɔn tə̂ laa ddəm njê-poloje Bɔɛ̂je Lubba ddəm. Maji karə piti kə singa-mɔngu toje to laa, ndɔ kə ndɔ. Amɛnn.

Apokalisi 15:4

Əbbə-dəwje, nân bba a bbəəl rii ang ngaâ a kɔsu gaji rii ang wa? Mba əi kâra baa â ə-maji tɔyn. Gəl-dəwje tɔyn a ddee kɔsuje məkəjə-gɔlde nangə̂ nɔin tə̂, mba dede tɔyn dooje nɛ̂n-ddaje ləi kə̂ gatə gatə.»

Apokalisi 5:10

Ə-ddade to dəwje kə̂ mə Bbe-kɔn tə̂ lə Lubba ddəm njê-poloje Lubba ddəm karə n̂-ddaje kula laa. Dâ kɔn-mbay dɔ nangə tə̂.»