Ebərəje 12:25 - Dɔnɔn kə̂ Siki: Tar kə̂ aw arə təbbə

²⁵ Aaje rɔse! Ə-mbətəje ta koo ta Lubba kə̂ aw pa tar arəse nəənn ang. Mba dede kə̂ ləw n̂-mbətəje ta koo ta Mɔyijə dɔ nangə tə̂ nəənn le, n̂-teeje ta kunda tə̂ ang. A jeje, bbo n-turuje girije jarə Lubba kə̂ nje-kisi darâ nu kə̂ aw ndɔru mbije le a, ja tee ta kunda tə̂ tokə baânn wa?

Ebərəje 12:25 Iomraidhean Croise

Matiye 17:5

N̂-nayn naw pa tar bbay a, marə mum kə̂ ndɔnrɛn ddee kiri dɔde. Marə ndu bbar mə mum tə̂ le nan: «Dəw nəənn to ngonn ndiki ləm kə̂ rɔm nəələm nya mbɛɛ̂. Maji karə ooje tɛɛ̂.»

Matiye 8:4

Jeju pa arɛ̂ nan: «Oo kə majɛ̂, ə-pa tarɛ̂ arə dəw ang. A, aw tɔju rɔi arə nje-polo Lubba, ta arə nɛ̂n-polo kə̂ Ndu lə Mɔyijə pa le, mba kɔru nɛ̂n naji ləi karəde.»

Kulaje 7:35

«Mɔyijə kə̂ ngann Ijarayɛlje mbəteje ngaâ paje arɛ̂je nan: ‹Nân bba undai to mbay ddəm nje-gangə sariya ddəm dɔje tə̂ wa le›, ne â Lubba ulɛ̂ to mbay ddəm nje-kɔrude bbərə tə̂ ddəm ddəw tə̂ lə anjə kə̂ Mɔyijə ooe mə bər-kam tə̂ le.

1 Tesalonisinyɛje 5:15

Aaje kə majɛ̂ arə dəw kâra ila barə majang kə̂ dəw dda saa ang. A, maji karə ə-sangəje ddəw ta dda maji horose tə̂ ddəm ta dda maji kə dəwje tɔyn ddəm.

2 Timɔte 4:4

Dâ kutuje mbide karə tar kə̂ tɔkɔrɔ ngaâ dâ tukaje mbide ta koo nɛ̂n əsuje kə̂ ləw kə̂ to tar kə̂ tɔkɔrɔ ang.

Ebərəje 1:1

Ləw, Lubba pa tar kə kajejedede gɔl banya nya kə gusu kə̂ dang dang ddəw tə̂ lə njê-kilaje mbər tar laa.

Ebərəje 11:7

Ddəw mə-kunn tə̂ â Nowe oo tar nɛ̂nje kə̂ a ta ddeeje kə̂ Lubba pa arɛ̂. Yeenn bba, noo tar kə̂ Lubba pa arɛ̂ le to tar kə̂ tɔkɔrɔ ngaâ n̂-dda tɔkə to ta kaji nɛ̂n njê kə̂ laa. Nɛ̂n kə̂ n̂-dda le tɔju to nɛ̂n-dda lə dəwje kə̂ dɔ nangə tə̂ to nɛ̂n-dda kə̂ maji ang. Lubba ooe kəmɛ̂ tə̂ to dəw kə̂ gatə gatə mba mə-kunn laa.

Ebərəje 12:19

kɔru təbbə aw bbar tə̂, ndu dəw aw bbar tə̂ tɔ. Kar kə̂ Ngann Ijarayɛlje ooje ndu dəw le baann a, ndu le ngəng nya arə n̂-ndikije ta tɔ wurde koo nɛ̂n kəse ang ngaa.

Ebərəje 3:12

Ngakɔnʼmje, aaje rɔse arəje marə dəw kâra horose tə̂ arə məɛ̂ maji ang ang ddəm mbətə ta koo məɛ̂ tə̂ ang ddəm aw ddəw əw kə Lubba kə̂ Nje-kisi kəm baa le ang ddəm.

Ebərəje 3:17

Njê kə̂ wungu ɔn Lubba dɔde tə̂ bbal dɔsɔ le toje to njê kə̂ dda wa? Wungu ɔɛ̂n dɔ dəwje tə̂ kə̂ ddaje majang, dede le njaa doyje mə kɔr tə̂.

Ebərəje 8:5

A kula lə njê-poloje Lubba le to ndil nɛ̂nje baa kə̂ undaje rɔ nɛ̂nje kə̂ tɔkɔrɔ kə̂ mə dara tə̂. Ddəw kâra baa tokə Lubba pa arə Mɔyijə kar tə̂ kə̂ nâ ta dda nɛ̂n kəy-tande kinga-naan le, n̂-pa nan: «Oo, maji karə ə-dda nɛ̂nje le tɔyn tokə ye kə̂ m-tɔji dɔ ddingiri tə̂ le.»

1 Piyɛr 1:22

Maji karə ə-ddaje nɛ̂n ddəw tar tə̂ kə̂ tɔkɔrɔ, arəje nɛ̂n-yərəw ɔruse ang mba ndiki nɛ̂n ngakɔnse tokə tɔkɔrɔ tə̂ njaa. Yeenn a, maji karə ə-ndikije naan kə mə-kâra kə ndɔ tɔyn.

Apokalisi 19:10

M-tee moso kɔ gɔlɛ̂ tə̂ ta pole, a n̂-pa narəm nan: «Ə-dda nɛ̂ɛnn ang! M-to nje-kula mari ddəm nje-kula mar ngakɔinje kə̂ aw ngəmje tar-najije lə Jeju ddəm. Lubba â maji karə ə-pole!» Tar-najije lə Jeju toje to tarje kə̂ ddeeje dɔ njê-kilaje mbər tarje tə̂ lə Lubba bba aw paje.

Apokalisi 22:9

A n̂-pa narəm nan: «Ə-dda nɛ̂ɛnn ang! M-to nje-kula mari kə nje-kula mar ngakɔinje kə̂ toje to njê-kilaje mbər tar lə Lubba kə nje-kula mar dəwje kə̂ ngəmje tarje kə̂ makəturu tə̂ nəənn. Lubba â maji karə ə-pole.»