Ebərəje 12:24 - Dɔnɔn kə̂ Siki: Tar kə̂ aw arə təbbə

²⁴ Ə-ddeeje ngɔsi mban kə Jeju kə̂ to nje-gɔl-tar dɔnɔn kə̂ siki ddəm ngɔsi kə məsə Jeju kə̂ kayn nangə̂ ngaâ aw pa tar maji nya uta məsə Abɛl ddəm.

Ebərəje 12:24 Iomraidhean Croise

Matiye 23:35

Yeenn bba karə tar məsə dəwje kə̂ gatə gatə tɔyn kə̂ ə-tɔljede dɔ nangə tə̂ nəənn le təl dɔse tə̂. Unn kute dɔ məsə Abɛl tə̂ kə̂ to dəw kə̂ gatə gatə le ndərəng dɔ Jakari tə̂ kə̂ to ngonn lə Barasi kə̂ ə-tɔlɛ̂je horo kəy-polo Lubba tə̂ kə bann le.

Matiye 26:28

yeenn to məsəm. Məsə kə̂ Lubba ɔsu nɛ̂n dɔnɔn kə dəwje kə̂ banya, məsə kə̂ kayn mba kɔru tar majangje kə ddang.

Marke 14:24

Jeju pa arəde nan: «Yeenn to məsəm. To məsə kə̂ Lubba ɔsu nɛ̂n dɔnɔn, məsə kə̂ kayn nangə̂ mba dəwje tokə banya.

Luku 11:51

A kunn-kute dɔ məsə Abɛl tə̂ ndərəng məsə Jakari tə̂ kə̂ n̂-tɔlɛ̂ horo bann tə̂ kə kəy-polo Lubba le. Tɔkɔrɔ m-pa marəse, Lubba a duju məsəde ji dəwje tə̂ kə̂ bbasinɛn nəənn.

Luku 22:20

N̂-dda tokə baann kə maann-binyə kə̂ əngo tə̂ le tɔ. Go nɛ̂n-kusa tə̂ le a, nunn maann-binyə kə̂ əngo tə̂ le narəde ngaâ n̂-pa nan: «Maann-binyə kə̂ əngo tə̂ nəənn, to dɔnɔn kə̂ siki kə̂ Lubba ɔsu kə se ddəw məsəm tə̂ kə̂ kayn mba tar dɔse.

Galatəje 3:20

Nje-gɔl-tar to mba dəw kâra baa ang. A Lubba kâra baa.

1 Timɔte 2:5

Mba Lubba kâra baa, nje-gɔl-tar horo Lubba tə̂ kə dəwje kâra baa tɔ. N̂-to dəw, Jeju-Kristə,

Ebərəje 10:22

Yeenn a, maji karə n-ddeeje ngɔsi kə Lubba kə mə-kâra ddəm junnje məje tɔyn njaa jarɛ̂je ddəm. Mba məje le, n̂-toko kəjəje kə̂ maji ang kə̂ toje tə̂ kə ddang. Ngaâ da-rɔje le, maann kə̂ maji â n̂-toko nɛ̂n.

Ebərəje 11:28

Ddəw mə-kunn tə̂ â Mɔyijə unda gɔl kusu Pakə nangə̂ ngaâ arə n̂-tusu məsə dɔ kakə ta-kəyje tə̂. Baann bba anjə kə̂ nje-tɔl dəwje tɔl ngann-dərəje lə ngann Ijarayɛlje ang.

Ebərəje 11:4

Ddəw mə-kunn tə̂ â Abɛl unn nɛ̂n nɛ̂n-polo kə̂ maji uta lə Kayn arə Lubba. Mba mə-kunn laa le â Lubba ooe nɛ̂n to dəw kə̂ gatə gatə ngaâ ndiki tə̂ kə nɛ̂n-polo laa le. Abɛl oy mban njaa, a ddəw mə-kunn tə̂ laa, n̂-nayn naw pa tar baa bbay.

Ebərəje 13:20

Lubba kə̂ to nje-karə mə-wul-lɔm dda arə Əbbəjeje Jeju kə̂ to tɔkə nje-kuul batəje le oy, a ndol. Ddəw məsə Jeju tə̂ kə̂ arə to nɛ̂n-polo le â Lubba ɔsu nɛ̂n kə je dɔnɔn kə̂ a to kə ndɔ kə ndɔ.

Ebərəje 7:22

Mba yeenn bba, n-gərə kə majɛ̂ to Jeju le a dda karə jandə dɔnɔn tə̂ kə̂ maji uta ye kə̂ kete.

Ebərəje 8:13

Bbo Lubba pa tar dɔnɔn kə̂ siki a, yeenn pa nan n̂-dda narə ye kə̂ dɔngɔr le ddee to konn nɛ̂n ngaa. A nɛ̂n kə̂ to konn nɛ̂n ngaâ bbuka nya to nɛ̂n kə̂ a nday mbɔr ang.

Ebərəje 8:6

A bbasinɛn kula kə̂ uta ənga kəsə njê-poloje Lubba â darə Jeju, mba n̂-to nje-gɔl-tar dɔnɔn kə̂ maji uta ye kə̂ kete. Mə dɔnɔn tə̂ kə̂ siki le, Lubba unn ndue ta karə dəwje laa nɛ̂nje kə̂ maji nya uta yeje kə̂ mə dɔnɔn tə̂ kə̂ ləw le.

Ebərəje 8:8

A Lubba oo a, dəwje laa naynje aw ddaje nɛ̂nje kə̂ toje kə dɔgɔlɛ̂ ang bbay ngaâ pa nan: «Əbbə-dəwje pa nan: Dɔ ndɔje tə̂ kə̂ aw ddeeje, mâ kɔsu dɔnɔn kə̂ siki kə dəwje kə̂ Ijarayɛl ddəm dəwje kə̂ Juda ddəm.

Ebərəje 9:15

Mba yeenn bba, Kristə to nje-gɔl-tar marə dɔnɔn kə̂ siki, bba karə dəwje kə̂ Lubba bbarde ingaje nɛ̂n-kingaje kə̂ a to kə ndɔ kə ndɔ, kə̂ nunn ndue ta karə dəwje laa. Dasəje ta kinga nɛ̂nje le, mba Kristə oy ta kɔru dəwje mə majangje tə̂ kə̂ n̂-ddaje kar tə̂ kə̂ n̂-naynje nɛ̂n kɔ dɔnɔn tə̂ kə̂ dɔngɔr le.

Ebərəje 9:19

Mɔyijə tura tarje kə̂ mə ndu tə̂ le kâra kâra kəm dəwje tə̂ tɔyn. Goe tə̂ a, nunn məsə ngann mangəje kə bal-binyaje, nunn maann kə ngonn kakə kə̂ ria nan ijopə kə ta-kubbu lɛnn kə̂ kasɛ ngaâ nula mə məsə tə̂ le n̂-tusu dɔ makəturu-Ndu tə̂ le ddəm dɔ dəwje tə̂ le tɔyn ddəm.

Ebərəje 9:21

Goe tə̂ a, n̂-tusu məsə dɔ kəy-tande kinga-naan tə̂ kə dɔ nɛ̂nje tə̂ tɔyn kə̂ daw dda nɛ̂n kula lə Lubba tokə baann tɔ.

1 Piyɛr 1:2

Lubba kə̂ Bɔ mbərəse undase dang, ddəw kâra baa kə nɛ̂n kə̂ n̂-gɔl tokə kete, ddəw tə̂ lə Ndil-mə-nda karə ooje ta Jeju-Kristə ngaâ karə məse tokose arə nɛ̂n-yərəw ɔruse ang. Maji karə Lubba dda kə se mə-maji nya ddəm narə məse wul nya ddəm.