Ebərəje 12:22 - Dɔnɔn kə̂ Siki: Tar kə̂ aw arə təbbə

²² A sese, ə-ddeeje ngɔsi kə ddingiri kə̂ Sinyɔ, kə̂ to bbe lə Lubba kə̂ nje-kisi kəm baa, Jerujalɛm kə̂ darâ, kə̂ anjəje toje tə̂ doro doro.

Ebərəje 12:22 Iomraidhean Croise

Matiye 16:16

Simɔn Piyɛr ilɛ̂ tə̂ nan: «Ə-to Mesi, Ngonn lə Lubba kə̂ nje-kisi kəm baa.»

Matiye 5:35

Undaje yo kə ri nangə ang tɔ, mba nangə to lo kungu gɔlɛ̂. Undaje yo kə ri Jerujalɛm ang, mba Jerujalɛm to bbe lə tɔkə mbay.

Rɔmɛnje 11:26

Baann bba ngann Ijarayɛlje tɔyn a kingaje kaji tokə Makəturu lə Lubba pa tarɛ̂ nan: «Nje-kaji-dəwje a kin Sinyɔ bba a ddee, Nâ kɔru tar majang lə dəwje kə̂ gəl Jakobbo tə̂ dɔde tə̂.»

Rɔmɛnje 9:26

Lo kə̂ daw pa darəde tə̂ nan: ‹Ə-toje to dəwje ləm ang!› Dâ bbarde to ngann lə Lubba kə̂ nje-kisi kəm baa.»

Galatəje 4:26

A Jerujalɛm kə̂ darâ to bbərə ang. Ne a n̂-to kɔnjeje.

Epɛjinyɛje 2:19

Yeenn a, sese kə̂ ə-toje to Jiipije ang le ə-toje to njê-mbaje ang ngaa ddəm ə-toje to dəwje kə̂ aw ndayje to nday ang ngaa ddəm. A sese kə njê-mə-kunnje ə-toje to ngann njê-bbeje kə̂ kâra baa, eeje mə nuju tə̂ lə Lubba.

Pilipinyɛje 3:20

A jeje, bbe ləje to darâ. Jeje jaw ngəbbə Əbbə-dəwje Jeju-Kristə kə̂ to Nje-kajije kə̂ a kin darâ ddee.

1 Tesalonisinyɛje 1:9

Dəwje tɔyn aw paje tar tee kə̂ n-tee rɔse tə̂, ndɔ tə̂ kə̂ jaw nɛ̂n bbeê ləse kə gusu kə̂ inyaje nɛ̂n kɔrje kə̂ aw poloje, a ə-turuje rɔse kə rɔ Lubba tə̂ ta dda saa, ne Lubba kə̂ nisi kəm baa ddəm n̂-to Lubba kə̂ tɔkɔrɔ ddəm le

2 Timɔte 4:18

Əbbə-dəwje a kɔrum ta nɛ̂nje tə̂ kə̂ maji ang tɔyn ngaâ nâ kajim karə mandə mə Bbe-kɔn tə̂ laa darâ. Maji karə piti to laa kə ndɔ kə ndɔ. Amɛnn.

Ebərəje 10:31

To nɛ̂n-bbəəl nya ta koso mə ji Lubba kə̂ nje-kisi kəm baa tə̂.

Ebərəje 11:10

Abaraham aw nginan ta kisi tɔkə bbe tə̂ kə̂ dungu gɔlɛ̂ nangə̂ darə ngəng, kə̂ Lubba â tɔju gusu kə̂ n̂-dda nɛ̂n ddəm Lubba â to nje-ddɛɛ̂ ddəm.

Ebərəje 11:16

A kə̂ tɔkɔrɔ njaa, daw ndikije ta kinga marə bbe kə̂ maji uta ye kə̂ kete le. To bbe kə̂ darâ. Mba yeenn bba, bbo dəw bbar Lubba to Lubba ləde a, rɔ Lubba wul ang. Tɔkɔrɔ njaa n̂-gɔl marə bbe mba tar ləde.

Ebərəje 13:14

Mba, nangə̂ nəənn marə bbe ləje kə̂ a to nyɔm goto arə jaw sangəje bbe kə̂ a to ndɔ tə̂ kə̂ bara.

Ebərəje 3:12

Ngakɔnʼmje, aaje rɔse arəje marə dəw kâra horose tə̂ arə məɛ̂ maji ang ang ddəm mbətə ta koo məɛ̂ tə̂ ang ddəm aw ddəw əw kə Lubba kə̂ Nje-kisi kəm baa le ang ddəm.

Ebərəje 9:14

Bbo baann a, məsə Kristə ngəng uta məsə dajeenn le. Ddəw tə̂ lə Ndil kə̂ to kə ndɔ kə ndɔ, Kristə unn rɔɛ̂ njaa arə Lubba to nɛ̂n-polo kə̂ maji tɔyn. Yeenn a, məse a toko kəjə nɛ̂n-ddaje kə̂ aw awje kə je karə jingaje yo le, karə n-ddaje kula lə Lubba kə̂ nje-kisi kəm baa le.

Judə 1:14

Enɔkə kə̂ to kajeje kə̂ to siri laa go kajeje Adam tə̂, ila mbər tar dɔde tə̂ nan: «Ooje, Əbbə-dəwje kə anjəje laa doro doro dâ ddeeje,

Apokalisi 14:1

Maa lo bbay a, moo Ngonn batə le ar dɔ ddingiri tə̂ kə̂ Sinyɔ. Dəwje doro kɔr kâra kə dɔsɔ gire sɔ (144 000) eeje mbɔrɛ̂ tə̂. Ri Ngonn batə le kə ri bɔɛ̂je toje əngo-nɔnde tə̂.

Apokalisi 21:10

Ndil uwam ngaâ anjə le unnum aw səm dɔ ddingiri tə̂ kə̂ bo kə̂ ndəw. N̂-tɔjum Jerujalɛm kə̂ to tɔkə bbe kə̂ maji tɔyn kə̂ in darâ rɔ Lubba tə̂ aw ddisi le.

Apokalisi 21:2

Ngaâ moo tɔkə bbe kə̂ maji tɔyn kə̂ to Jerujalɛm kə̂ siki kə̂ in rɔ Lubba tə̂ darâ aw ddisi. Tɔkə bbe le to tokə lə dɛnɛ̂n kə̂ dda mandə ngaâ ar dɔgɔlɛ̂ tə̂ aw nginan ngawɛ̂je.

Apokalisi 22:19

 bbo dəw ɔru marə tarje kə̂ dila nɛ̂n mbər makəturu tə̂ nəənn kə ddang a, kandə kakə kə̂ aw arə dəw təbbə kə tɔkə bbe kə̂ maji tɔyn kə̂ n̂-gɔl mbɛɛ̂ kə̂ n̂-dda tarɛ̂ makəturu tə̂ nəənn, Lubba a kɔru jia tə̂ kə ddang.

Apokalisi 3:12

Dəw kə̂ tətə ddɔ a, mâ ddɛɛ̂ to kakə gaji mə kəy-polo Lubba tə̂ ləm ngaâ nâ tee ddaka ndɔ kâra ang ngaa. Mâ dda ri Lubba ləm kə ri bbe lə Lubba ləm dɔɛ̂ tə̂. Ri bbe lə Lubba ləm le nan «Jerujalɛm kə̂ siki» kə̂ in rɔ Lubba tə̂ ləm darâ ddisi kə nangə̂. Mâ kunda rim kə̂ siki dɔɛ̂ tə̂ tɔ.

Apokalisi 7:2

Moo marə anjə dang in ər kəm kar tə̂ ngaâ uwa nɛ̂n-kuja əndaji lə Lubba kə̂ nje-kisi kəm baa jia tə̂. Nila ko narə anjəje sɔ kə̂ darəde ddəw karə n̂-tujuje nangə ddəm ba-katə ddəm le. N̂-pa nan: