Ebərəje 12:2 - Dɔnɔn kə̂ Siki: Tar kə̂ aw arə təbbə

² Jarəje kəmje to kə dɔ Jeju tə̂ kə̂ ɔru ta-ddəw mə-kunn arəje ngaâ aw dda arə mə-kunn ləje le aw sangə kə majɛ̂ le. N̂-ndiki tə̂ ta koy dɔ kakə-dəsə tə̂ bbo n̂-dda rɔ-kule ang. N̂-ndiki tə̂ mba noo rɔ-nəəl kə̂ nâ kinga goe tə̂ tokə kete ngaâ bbasinɛn, nisi dɔ ji-kɔl Lubba tə̂.

Ebərəje 12:2 Iomraidhean Croise

Matiye 16:21

Dɔ ndɔɛ̂ tə̂ənn njaa, Jeju unn kutu pa kə ddaka karə njê-njaje goe tə̂ nan to tar laa ta kaw Jerujalɛm, ta koo ndoo ji tɔkəje tə̂ lə Jiipije kə mbayje lə njê-poloje Lubba kə njê-gərəje-Ndu. Dâ karə n̂-tɔlɛ̂ ta ndɔ mota goe tə̂ a, nâ ndol.

Matiye 20:28

Ddəw kâra baa, Ngonn lə dəw ddee karə dəwje ddaje kula arɛ̂ ang. N̂-ddee ta dda kula karə dəwje, ta kunn rɔɛ̂ to nɛ̂n-kuka dɔ dəwje tokə banya.»

Marke 14:36

N̂-pa nan: «Aba! Bɔy, əi asə ta dda nɛ̂n tɔyn, uta əngo kəm-to-ndoo nəənn dɔm tə̂ kə ddang. A ə-dda nɛ̂n kə̂ məm ndiki ang, nɛ̂n kə̂ məi əi njaa ndiki â ta ə-dda.»

Marke 15:28

Yeenn bba, tar kə̂ n̂-dda Makəturu tə̂ lə Lubba ddee to tar kə̂ tɔkɔrɔ. Tar le nan: «Dilɛ̂ horo njê-tɔl dəwje tə̂.»]

Marke 16:19

Go tar tə̂ kə̂ Əbbə-dəwje Jeju pa arəde tokə baann a, Lubba unnɛ̂ aw saa darâ ngaâ nisi dɔ ji-kɔlɛ̂ tə̂.

Marke 9:12

Jeju ilade tə̂ nan: «Tɔkɔrɔ, Eli a ddee dɔngɔr bba njaa, mba mɔsɛ nɛ̂nje tɔyn ture tə̂. A mba ddi bba Makəturu lə Lubba pa nan: ‹Ngonn lə dəw a koo ndoo nya ngaâ dəwje a mbəteje› wa?

Marke 9:24

Njangə baa njaa bɔ ngonnje le uru əkii kə taar nan: «Moo məm tə̂! A ə-ddee umam mba mə-kunn ləm goto.»

Luku 17:5

Njê-kaw-kulaje paje arə Əbbə-dəwje nan: «Ə-dda mə-kunn ləje arə bo.»

Luku 23:11

Erodə kə mbambaje laa ooeje maji ang kəmde tə̂. N̂-kokeje ngaâ dulɛ̂je kubbu kə̂ ndɔnrɛn. Goe tə̂ a, dulɛ̂je darə Pilatə guku.

Luku 24:26

Maji karə Kristə le oo ndoo tokə baann kete bba karə ninga piti ji Lubba tə̂ ang wa?»

Tar kə̂ Maji kə̂ Jan dda makəturu tə̂ 1:29

Lo-karɛ̂ kə̂ goe tə̂ a, Jan oo Jeju kə̂ aw ddee kə rɔɛ̂ tə̂ ngaâ pa nan: «Ngonn batə lə Lubba kə̂ to nje-kɔru majang lə dəwje kə̂ duninya tə̂ â nəənn.

Tar kə̂ Maji kə̂ Jan dda makəturu tə̂ 12:24

Tɔkɔrɔ njaa, m-pa marəse, bbo kandə-ko kə̂ to ble oso nangə̂ ngaâ oy ang a, n̂-nayn to kandə ble kə̂ kâra le njaa. A bbo noy a, nandə banya banya.

Tar kə̂ Maji kə̂ Jan dda makəturu tə̂ 12:32

A əman, bbo dunnum dɔ nangə tə̂ nəənn n̂-tɔm taar a, mâ ndɔru dəwje tɔyn kə rɔm tə̂.»

Tar kə̂ Maji kə̂ Jan dda makəturu tə̂ 13:3

Jeju gərə to Bɔ inya nɛ̂n tɔyn mə jia tə̂ ngaâ nin rɔ Lubba tə̂ bba n̂-ddee arə nâ təl kə rɔɛ̂ tə̂.

Tar kə̂ Maji kə̂ Jan dda makəturu tə̂ 6:40

Nɛ̂n kə̂ mə Bɔmje ndiki â nəənn: Karə dəwje tɔyn kə̂ ooje Ngonn le ngaâ ooje məde tə̂ saa, ingaje təbbə kə̂ to kə ndɔ kə ndɔ. Ngaâ əman, ddutu ndɔ tə̂ a, mâ ndolde.»

Tar kə̂ Maji kə̂ Jan dda makəturu tə̂ 8:56

Bɔsese Abaraham əjə ndɔ kə̂ mâ ddee nɛ̂n a, dda rɔ-nəəl nya. Noo ndɔ le arə rɔɛ̂ nəəle nya.»

Kulaje 2:36

«Maji karə dəwje tɔyn kə̂ Ijarayɛl gərəje kə majɛ̂: Jeju kə̂ ə-tɔlɛ̂je kakə-dəsə tə̂ le, Lubba arə n̂-to Kristə ddəm Əbbə-dəwje ddəm.»

Kulaje 3:15

Dəw kə̂ nje-karə təbbə kə̂ ə-tɔlɛ̂je le, Lubba ndole arə n-to njê-tar-naji nɛ̂ɛnn le.

Kulaje 5:31

Lubba le unnɛ̂ undɛ̂ dɔ ji-kɔlɛ̂ tə̂ to mbay ddəm Nje-kaji-dəwje ddəm. Baann bba karə ngann Ijarayɛlje ingaje ddəw ta turu məde ddəm karə tar majang ləde ɔru dɔde tə̂ ddəm.

Kulaje 5:41

Njê-kaw-kulaje le inje lo gangə sariya tə̂ lə Jiipije le teeje ddaka kə rɔ-nəəl, mba Lubba oode to dəwje kə̂ asə karə dula kəmde ndoo tə̂ mba ri Jeju.

1 Kɔrɛntinyɛje 1:18

Tɔkɔrɔ, tar koy lə Kristə dɔ kakə-dəsə tə̂ to nɛ̂n-mbə baa kəm dəwje tə̂ kə̂ aw unnje ddəw yo. A tar le to singa-mɔngu lə Lubba kəmje jeje tə̂ kə̂ naw najije.

1 Kɔrɛntinyɛje 1:23

A jeje, jaw jila mbər tar lə Kristə kə̂ n̂-tɔlɛ̂ kakə-dəsə tə̂. Jiipije ooje tar le to tar-kɔbbu, a Gɛrɛkəje ooje to tar mbə.

Epɛjinyɛje 2:16

Ddəw koy tə̂ laa dɔ kakə-dəsə tə̂, Kristə mbɔnde arə n̂-ddeeje to dəwje kə̂ kâra baa ngaâ nungude naan tə̂ kə Lubba. Ddəw koy tə̂ laa le n̂-dda narə mbətə-naan unda ngangɛ̂.

Epɛjinyɛje 5:2

Ə-ndikije njê-marəse tokə Kristə ndikije ngaâ unn təbbə laa arə Lubba to nɛ̂n-karə-baa ddəm to nɛ̂n-polo kə̂ tokə dukann kə̂ ətə maji ddəm.

Pilipinyɛje 1:6

Nɛ̂n kə̂ m-gərə â tokə be: Lubba kə̂ unn kutu kula kə̂ maji tɔyn nəənn ddəw tə̂ ləse a kaw nɛ̂n ndərəng karə tunga ndɔ tə̂ kə̂ Jeju-Kristə a təl.

Pilipinyɛje 3:20

A jeje, bbe ləje to darâ. Jeje jaw ngəbbə Əbbə-dəwje Jeju-Kristə kə̂ to Nje-kajije kə̂ a kin darâ ddee.

2 Timɔte 4:8

Bbasinɛn, Lubba ngəm nɛ̂n kə̂ maji mbam to kuka ləm, nɛ̂n kə̂ maji kə̂ to mba dəwje kə̂ gatə gatə. Əbbə-dəwje kə̂ to nje-gangə sariya kə̂ gatə gatə a karəm nɛ̂n kə̂ maji le ndɔ gangə sariya tə̂. Nâ karəm kə karəm baa ang, nâ karə dəwje tɔyn kə̂ aw ndikije tar ddee laa le tɔ.

Ebərəje 1:13

Ta pa karə marə anjə nan: «Ə-ddee isi dɔ ji-kɔləm tə̂, mâ dda karə njê-baanje ləi ddeeje to lo kungu gɔli.» Lubba pa tar baann ndɔ kâra ang.

Ebərəje 1:3

Ddəw tə̂ lə Ngonn le â dəwje ooje piti lə Lubba kə̂ aw ndoko ngaâ n̂-to tokə Lubba njaa. Tar laa kə̂ ee kə singa nya aw dda arə nɛ̂nje tɔyn naynje kə lo-tode. N̂-toko majang lə dəwje ngaâ goe tə̂ a, naw nisi darâ dɔ ji-kɔl Lubba tə̂ kə̂ to nje-singa-mɔngu.

Ebərəje 10:14

Mba ddəw nɛ̂n-karə-baa tə̂ kə̂ kâra baa njaa, n̂-dda narə dəwje kə̂ n̂-toko majang ləde ddeeje maji tɔyn kə ndɔ kə ndɔ.

Ebərəje 10:33

Marɛ̂jeenn a, n̂-tajise, dula kəmse ndoo tə̂ kəm dəwje tə̂ tɔyn. Marɛ̂jeenn a, aw umanje njê kə̂ daw dula kəmde ndoo tə̂.

Ebərəje 11:36

Marɛ̂je dɔjude n̂-koko nɛ̂n, n̂-tundade kə ndəy. N̂-tɔ marɛ̂je kə kula njamji ngaâ dungude kəy-kula tə̂.

Ebərəje 12:3

Maji karə əjəje dɔ Jeju tə̂ kə̂ oo ndoo tokə baann ji njê-nɛ̂n-ddaje tə̂ kə̂ maji ang kə̂ mbəteje, a n̂-tɔ wure le. Yeenn bba rɔse a koy njururu ang ddəm â tusuje ddəwe kinyaje ang ddəm.

Ebərəje 13:13

Yeenn a, maji karə n-teeje jawje rɔɛ̂ tə̂ ddaka, ta n-tɔ wurje jarə dəwje tajijeje saa tɔ.

Ebərəje 5:9

Ddəw nɛ̂nje tə̂ənn le, Kristə ddee to dəw kə̂ asə tɔyn ta karə dəwje tɔyn kə̂ ddaje nɛ̂n kə turu ndue kaji kə̂ to kə ndɔ kə ndɔ.

Ebərəje 7:19

Mba nɛ̂n kâra kə̂ Ndu lə Mɔyijə dda arə ddee maji tɔyn goto. A jingaje marə nɛ̂n kə̂ maji nya uta, ta kunda məje dɔɛ̂ tə̂. Ddəw nɛ̂n tə̂ənn â jaw ddeeje nɛ̂n ngɔsi kə Lubba.

Ebərəje 8:1

Tar kə̂ ngəng uta kəseje kə̂ ja ta pa â nəənn: Tɔkə nje-polo Lubba ləje to darâ. Nisi dɔ ji-kɔl ngende-mbay tə̂ lə Lubba kə̂ to nje-singa-mɔngu kə̂ uta tɔyn.

Ebərəje 9:28

Ddəw kâra baa, Kristə unn rɔɛ̂ arə to nɛ̂n-polo gɔl kâra baa ta kɔru nɛ̂n tar majang lə dəwje kə̂ banya. Nâ təl ddee kə̂ gɔl joo laa ta kaji dəwje kə̂ aw nginɛ̂nje, bbo ta kɔru tar majang ang ngaa.

Jakə 2:1

Ngakɔnʼmje, unnje məse arəje Əbbəjeje Jeju-Kristə kə̂ piti to laa mban. Maji karə ɔruje kəm dəw ang ngaa.

1 Piyɛr 1:11

Ndil lə Kristə kə̂ to məde tə̂ pa tar ndoo kə̂ Kristə a koo kə tar piti kə̂ a ddee goe tə̂ arəde tokə kete. Mba yeenn bba, dunnje rɔde tɔyn ta gərə se kar kə̂ baânn wase ddi â a to bba nɛ̂nje kə̂ Ndil lə Kristə pa le a ddeeje wa?

1 Piyɛr 3:18

Mba Kristə le njaa oy gɔl kâra baa mba majangje lə dəwje. Ne kə̂ n̂-to gatə gatə, noy mba dəwje kə̂ toje gatə gatə ang, mba kaw kə se rɔ Lubba tə̂. Dəwje tɔl da-rɔɛ̂, a Lubba ndole arə n̂-təl nisi kəm baa ddəw tə̂ lə Ndil-mə-nda.

1 Piyɛr 3:22

Jeju-Kristə le in aw darâ ngaâ isi dɔ ji-kɔl Lubba tə̂. Naw nɔn dɔ anjəje ddəm ndilje kə̂ aw ɔnje mbay ddəm singa-mɔnguje ddəm.

Judə 1:21

Ə-naynje ddəw ndiki tə̂ lə Lubba mba nginan nɛ̂n Əbbə-dəwje Jeju-Kristə. Ne kə̂ nâ dda kə je maji karə jingaje təbbə kə̂ to kə ndɔ kə ndɔ.

Apokalisi 1:11

Ndu le pa nan: «Nɛ̂n kə̂ aw oo nəənn, ə-dda makəturu tə̂ ta ula nɛ̂n arə Egilisije kə̂ siri nəənn: Ula nɛ̂n arə Egilisi kə̂ Epɛjə, Ismirnə, Pɛrgam, Tiyatir, Sardə, Piladɛlpi kə Lawodise.»

Apokalisi 1:17

Mooe a, m-tee moso kɔ gɔlɛ̂ tə̂ tokə dəw kə̂ oy. A nila jia kə̂ kɔl dɔm tə̂ ngaâ n̂-pa nan: «Ə-bbəəl ang, m-to dɔngɔr dəw ddəm dɔbɔyn dəw ddəm.

Apokalisi 1:8

Əbbə-dəwje Lubba pa nan: «M-to Alpa ddəm Omega ddəm. M-to ne kə̂ n̂-to bbokənɛn, ne kə̂ n̂-to ləw kə ne kə̂ naw ddee. M-to nje-singa-mɔngu.»

Apokalisi 2:8

«Ə-dda makəturu ula nɛ̂n arə anjə kə̂ Egilisi tə̂ kə̂ Ismirnə: «Tar kə̂ dəw kə̂ to dɔngɔr dəw ddəm dɔbɔyn dəw ddəm nɛ̂n kə̂ noy ngaâ n̂-təl nisi kəm baa n̂-pa â nəənn: