Ebərəje 12:1 - Dɔnɔn kə̂ Siki: Tar kə̂ aw arə təbbə

¹ Jeje, dəwje nya kə̂ ddaje nɛ̂n ddəw mə-kunn tə̂ le gukujeje. Yeenn a, maji karə n-mbətəje nɛ̂nje tɔyn kə̂ aw ɔɔyjeje, uta tɔyn majang kə̂ aw unguje mə bandə tə̂ laa kə ngɔru baa, ta jaynje ngɔru kə̂ Lubba dujuje karə jaynje le bbo jinyaje ddəwe ang.

Ebərəje 12:1 Iomraidhean Croise

Matiye 10:22

Dəwje tɔyn a mbətəjese mbam. A dəw kə̂ uwa arə ngəng ndərəng ddutu ndɔ tə̂ a, a kinga kaji.

Matiye 24:13

A dəw kə̂ uwa arə ngəng ndərəng tee kɔnyɛ̂ tə̂ a, a kinga kaji.

Marke 10:50

N̂-bin tɔkə kubbu laa nila nangə̂, nubba nangə nin nar taar ngaâ naw rɔ Jeju tə̂.

Luku 12:15

Goe tə̂ a, Jeju pa arəde tɔyn nan: «Ə-ngəmje rɔse arə bbo nɛ̂n-kingaje ddase nya nya ang. Mba le dəw to tɔkə nje-nɛ̂n-kinga kara, nɛ̂n-kingaje laa le â nâ kisi nɛ̂n kə təbbə ang!»

Luku 16:28

mba ngakɔnʼmje kə̂ dingaw min eeje nunn. Maji karə naw ndəjəde narə n̂-ddeeje lo kəm-to-ndoo tə̂ nəənn tɔ ang.›

Luku 21:34

«Aaje rɔse! Arəje məse to kə dɔ kay koto tə̂ karə uta dɔse kə kusa nɛ̂n karə uta dɔse dɔrɔ ang, arəje kəjə-tar mba nɛ̂nje kə̂ nangə̂ nəənn uta dɔse ang. Bbo baann ang a, ndɔ nəənn le a ddee dɔse tə̂ busu

Tar kə̂ Maji kə̂ Jan dda makəturu tə̂ 3:32

Naw pa tar-naji nɛ̂nje kə̂ noo kə mbia ddəm kə kəmɛ̂ ddəm. A dəw kâra ndiki tə̂ kə tar-naji laa le ang.

Tar kə̂ Maji kə̂ Jan dda makəturu tə̂ 4:39

Dəwje nya kə̂ Sikar nangə Samari tə̂ ooje məde tə̂ kə̂ Jeju mba tar lə dɛnɛ̂n kə̂ Samari le. Mba n̂-pa narəde nan: «Dingaw le pa nɛ̂nje kə̂ m-dda tɔyn arəm.»

Tar kə̂ Maji kə̂ Jan dda makəturu tə̂ 4:44

Mba ne njaa n̂-pa nan: «Dəwje aw walje nje-kila mbər tar lə Lubba bbeê laa ang.»

Rɔmɛnje 12:12

Maji karə ə-ddaje rɔ-nəəl mba nɛ̂n kə̂ aw undaje məse dɔɛ̂ tə̂. Maji karə ə-tɔje wurse mə nɛ̂n kəm-to-ndooje tə̂ kə̂ aw ingajese, ə-dujuje Lubba kə ndɔ tɔyn.

Rɔmɛnje 2:7

Marə dəwje sangəje ddəw ta dda maji kə ndɔ tɔyn mba karə Lubba pitide, karə n̂-walde ngaâ karə narəde təbbə kə̂ a tuju ang. Lubba a karəde təbbə kə̂ to kə ndɔ kə ndɔ.

2 Kɔrɛntinyɛje 7:1

See ngakɔnʼmje kə̂ m-ndikise nya, Lubba unn ndue ta dda nɛ̂njeenn tɔyn mba tar ləje. Yeenn a, maji karə jeje njaa jɔru nɛ̂n-yərəwje tɔyn da-rɔje tə̂ kə kəjə tə̂ ləje kə ddang. Maji karə n-ddaje singa ta ddee maji tɔyn ddəw bbəəl Lubba tə̂.

Galatəje 2:2

Maw nunn, mba Lubba â pa arəm karə maw. Lo tə̂ənn, mɔru gəl Tar kə̂ Maji kə̂ maw mila mbəre marə dəwje kə̂ toje to Jiipije ang le. Mɔru gəle marə tɔkəje kə̂ dɔ Egilisi tə̂ marə mbɔn-naan tə̂ kə̂ m-dda kə de dang tɔ. M-dda baann mba m-ndiki karə kulaje ləm kə̂ takənɛn kə yəje kə̂ bbokənɛn kara toje to kulaje kə̂ baa ang.

Galatəje 5:7

Dɔngɔr, aw ddaje nɛ̂n kə majɛ̂. A nân bba gangəse ddəwe tə̂ ngaâ ɔkuse ddəw karə ə-ddaje nɛ̂n ddəw tar tə̂ kə̂ tɔkɔrɔ wa?

Epɛjinyɛje 4:25

Yeenn a, maji karə inyaje ngəm, ta dəw kâra kâra pa tar kə̂ tɔkɔrɔ arə nje-marɛ̂, mba jeje tɔyn njaa n-toje da-rɔ kə̂ kâra baa.

Pilipinyɛje 1:30

Ndoo le to ddɔ kə̂ aw ddaje tokə m-dda le ngaâ m-nayn tɛɛ̂ tə̂ baa bbay arə aw ooje tarɛ̂ le.

Pilipinyɛje 2:16

sese kə̂ aw paje tar kə̂ aw arə təbbə arəjede le. Yeenn bba ndɔ kə̂ Kristə təl a, mâ kunda gum mbase. Nɛ̂ɛnn le a tɔju to m-dda kula m-tuju nɛ̂n singam baa ang ddəm moo nɛ̂n ndoo baa ang ddəm.

2 Timɔte 2:4

Dəw kə̂ unn rɔɛ̂ to mbamba ngaâ ndiki ta dda karə rɔ dəw kə̂ ɔn dɔɛ̂ nəəle, aa lo kə nɛ̂nje tə̂ lə siwilje ang ngaa.

2 Timɔte 4:7

M-dda ddɔ kə̂ maji, mayn ngɔru m-tee mban, m-ngəm mə-kunn ləm.

Ebərəje 6:15

Abaraham tɔ wure nginan ngaâ ninga nɛ̂n kə̂ Lubba unn ndue ta karɛ̂ le.

Jakə 1:3

Mba ə-gərəje to nɛ̂nje kə̂ aw nanje mə-kunn ləse a dda karə ə-gərəje ddəw kore wurse.

1 Piyɛr 2:1

Maji karə inyaje nɛ̂n-ddaje kə̂ maji ang tɔyn kə nɛ̂n-dda kə̂ kə gusu tɔyn. Maji karə tar kə̂ tase tə̂ to dang kə ye kə̂ məse tə̂ ang, ə-ddaje bbo nɛ̂n lə dəw ang ddəm ə-nanɛnje kə dəw ang ddəm.

1 Piyɛr 4:2

Yeenn bba karə kəsə ndɔje kə̂ n̂-nayn nɛ̂n dɔ nangə tə̂ nəənn kə da-rɔɛ̂ bbay le, n̂-nja kə ddəw kə̂ mə Lubba ndiki, bbo ddəw bboje tə̂ kə̂ da-rɔ tə̂ ang ngaa.

1 Piyɛr 5:1

Bbasinɛn, m-ndiki ta ndəjə dəwje kə̂ dɔ Egilisi tə̂ kə̂ toje horose tə̂. Əman kə̂ m-to dəw kə̂ dɔ Egilisi tə̂ marde tɔ le, m-to nje-tar-naji ndooje kə̂ Kristə oo. Mâ kinga piti kə̂ Lubba a tee nɛ̂n kə̂ ddaka le tɔ.

1 Piyɛr 5:12

Silas kə̂ mooe to ngokɔnje kə̂ asə karə munda məm dɔɛ̂ tə̂ â marə dda marə tarje nəənn makəturu tə̂ karə mula nɛ̂n marəse, mba ndəjə nɛ̂n se ddəm mba pa nɛ̂n karəse to mə-maji lə Lubba kə̂ tɔkɔrɔ njaa â ə-naynje ddəwe tə̂ənn ddəm.

2 Piyɛr 1:6

Nɛ̂n-gərə le, ilaje tɔ-bbo kə̂ da-rɔ tə̂ dɔɛ̂ tə̂, tɔ-bbo kə̂ da-rɔ tə̂ le, ilaje kuwa karə ngəng dɔɛ̂ tə̂, kuwa karə ngəng le, ilaje ngəm-rɔ mba Lubba dɔɛ̂ tə̂,

Apokalisi 1:9

Əman ngokɔnse Jan, moo ndoo kə se kâra baa. Əman kə sese tɔyn n-ddeeje to dəwje kə̂ mə Bbe-kɔn tə̂ lə Jeju ngaâ jaw juwaje jarə ngəng ddəw tə̂ laa. Duwam dulam dɔ dərə-ba tə̂ kə̂ ria nan Patəmos mba tar lə Lubba kə̂ mila mbəre ddəm mba tar-naji lə Jeju kə̂ maw pa ddəm.

Apokalisi 13:10

Bbo dəw kə̂ to ta karə duwɛ̂ bbərə tə̂ a, dâ kuwɛ̂ bbərə tə̂. Bbo dəw kə̂ to karə n̂-tɔlɛ̂ kə tɔkə kiya a, dâ tɔlɛ̂ kə tɔkə kiya. Kar nəənn to kar kə̂ ta karə dəwje lə Lubba tɔje wurde ngaâ uwaje mə-kunn ləde arə ngəng.

Apokalisi 22:16

«Əman Jeju, mula anjə ləm karə pa tar-najije nəənn tɔyn arəse mə Egilisije tə̂. M-to dəw kə̂ gəl nuju tə̂ lə Dabbiti. M-to əndɛtɛrɛndɛn kə̂ ta lo-karɛ tə̂ kə̂ ndoko nya.»

Apokalisi 3:10

Ə-ngəm ndəjə ləm kə̂ mari karə uwa arə ngəng le. Yeenn bba, əman njaa kara mâ ngəmi kar tə̂ kə̂ nɛ̂n-nanje a ddeeje mba nan mə dəwje tɔyn kə̂ dɔ nangə tə̂.