Ebərəje 11:7 - Dɔnɔn kə̂ Siki: Tar kə̂ aw arə təbbə

⁷ Ddəw mə-kunn tə̂ â Nowe oo tar nɛ̂nje kə̂ a ta ddeeje kə̂ Lubba pa arɛ̂. Yeenn bba, noo tar kə̂ Lubba pa arɛ̂ le to tar kə̂ tɔkɔrɔ ngaâ n̂-dda tɔkə to ta kaji nɛ̂n njê kə̂ laa. Nɛ̂n kə̂ n̂-dda le tɔju to nɛ̂n-dda lə dəwje kə̂ dɔ nangə tə̂ to nɛ̂n-dda kə̂ maji ang. Lubba ooe kəmɛ̂ tə̂ to dəw kə̂ gatə gatə mba mə-kunn laa.

Ebərəje 11:7 Iomraidhean Croise

Matiye 2:12

Goe tə̂ a, Lubba ndɔru mbide mə nin tə̂ karə n̂-təlje rɔ Erodə tə̂ ang, ta dunnje ddəw kə̂ dang n̂-təlje nɛ̂n bbe ləde.

Matiye 24:15

«Â kooje ‹nɛ̂n kə̂ maji ang kə̂ aw tuju lo› kə̂ to lo tə̂ kə̂ n̂-sangə dang mba Lubba, nɛ̂n kə̂ Daniyɛl kə̂ to tɔkə nje-kila mbər tar lə Lubba ila mbəre le. Maji karə dəw kə̂ aw tura Makəturu nəənn gərə kandɛ̂ kə majɛ̂!

Matiye 24:25

Ye â nəənn, m-ndɔru mbise kete mban.

Matiye 24:38

Mba kar tə̂ənn le, kete bba karə maann ndi taa lo, kula lə dəwje njaa to kusa kə kay. Daw taaje naan, daw darəje ngaw wase dɛnɛ̂n ngannde ndərəng ndɔ tə̂ kə̂ Nowe andə nɛ̂n mə tɔkə to tə̂.

Matiye 3:7

Jan oo Parijinyɛje kə Sadusinyɛje nya nya kə̂ aw ddeeje karə n̂-ddade batɛm le a, n̂-pa narəde nan: «See əmbakaraje, nân bba tɔjuse karə aynje sariya lə Lubba kə̂ aw ddee wa?

Luku 17:26

Ndɔ kə̂ Ngonn lə dəw a təl ddee nɛ̂n le, nɛ̂nje a toje tokə dɔ ndɔ tə̂ lə Nowe.

Rɔmɛnje 1:17

Tar kə̂ Maji le tɔju ddəw kə̂ Lubba aw dda arə dəwje aw ddeeje nɛ̂n gatə gatə kəmɛ̂ tə̂ kə ddaka: Ddəw mə-kunn tə̂ kâra baa, kunn-kutu nɛ̂n tə̂ ndərəng kɔnyɛ̂ tə̂. Ddəw kâra baa tokə makəturu lə Lubba pa nan: «Dəw kə̂ ddee gatə gatə ddəw mə-kunn tə̂ a kisi kə təbbə.»

Rɔmɛnje 10:6

A ta ddee gatə gatə ddəw mə-kunn tə̂ le, n̂-pa tarɛ̂ nan: Maji karə ə-pa tar nəənn məi tə̂ ang: «Nân bba a kin kaw darâ wa?» Bbo ə-pa baann a, nayn to a ta kaw kuwa Kristə darâ ddee saa nangə̂.

Rɔmɛnje 3:22

Lubba dda arə dəwje ddeeje gatə gatə kəmɛ̂ tə̂ mba məde kə̂ dunnje darə Jeju-Kristə. N̂-dda baann mba dəwje tɔyn kə̂ unnje məde arə Kristə, mba Lubba ɔru kəm dəw ang.

Rɔmɛnje 4:11

Kete bba karə Abaraham uja ganja le, Lubba ooe to dəw kə̂ gatə gatə, mba noo məɛ̂ tə̂ saa. Goe tə̂ guku bba nuja ganja to marə əndaji kə̂ tɔju to Lubba ooe to dəw kə̂ gatə gatə ɔju dɔ mə-kunn laa. Mba yeenn bba, n̂-ddee nɛ̂n to bɔ dəwje tɔyn kə̂ ujaje ganja ang, a ooje məde tə̂. Lubba oode to dəwje kə̂ gatə gatə.

Rɔmɛnje 4:13

Lubba pa arə Abaraham kə ngakɛɛ̂jê nan, na karəde nangə nəənn to ləde. Mba nɛ̂n kə̂ Abaraham dda kə turu Ndu Lubba bba Lubba unn nɛ̂n ndue baann ang. Nunn ndue baann mba mə-kunn lə Abaraham. Mba yeenn bba, Lubba ooe nɛ̂n to dəw kə̂ gatə gatə.

Rɔmɛnje 9:30

Yeenn a, ja paje nan ddi wa? Dəwje kə̂ toje to Jiipije ang kə̂ aw sangəje ddəw ta ddee gatə gatə kəm Lubba tə̂ ang ddəm â Lubba oode to dəwje kə̂ gatə gatə kəmɛ̂ tə̂, mba dooje məde tə̂ saa.

Galatəje 5:5

Jeje, jaw junda məje dɔ Lubba tə̂ kə̂ a dda karə n-ddee gatə gatə kəmɛ̂ tə̂ ddəw mə-kunn tə̂. Ndil-mə-nda â a dda karə n-nginan nɛ̂ɛnn le.

Pilipinyɛje 3:9

ngaâ m-dda mə-kâra saa. M-ddee gatə gatə mba məm kə̂ munn marə Kristə bbo mba ngəm kə̂ m-ngəm ndu lə Mɔyijə le ang. Lubba â to nje-karə ddəw dəw karə ddee to dəw kə̂ gatə gatə, tokə dəw le unn məɛ̂ arɛ̂.

Ebərəje 11:1

Mə-kunn, to karə dəw arə məɛ̂ oso pɔn dɔ nɛ̂nje tə̂ kə̂ naw nunda məɛ̂ dɔɛ̂ tə̂, to karə dəw tɔju to nɛ̂nje kə̂ kəmɛ̂ aw oo ang ddəm le toje tə̂ənn njaa.

Ebərəje 12:25

Aaje rɔse! Ə-mbətəje ta koo ta Lubba kə̂ aw pa tar arəse nəənn ang. Mba dede kə̂ ləw n̂-mbətəje ta koo ta Mɔyijə dɔ nangə tə̂ nəənn le, n̂-teeje ta kunda tə̂ ang. A jeje, bbo n-turuje girije jarə Lubba kə̂ nje-kisi darâ nu kə̂ aw ndɔru mbije le a, ja tee ta kunda tə̂ tokə baânn wa?

Ebərəje 5:7

Kar kə̂ Jeju nayn nɛ̂n dɔ nangə tə̂ bbay le n̂-duju Lubba n̂-dda nɛ̂n rɔɛ̂ to ndoo, nuru nɛ̂n əkii ləm ang ddəm nɔn Lubba tə̂ kə̂ asə ta kajɛ̂ ta yo tə̂. Yeenn bba Lubba oo ndu-nɔn laa le mba nunn rɔɛ̂ narə Lubba.

Ebərəje 8:5

A kula lə njê-poloje Lubba le to ndil nɛ̂nje baa kə̂ undaje rɔ nɛ̂nje kə̂ tɔkɔrɔ kə̂ mə dara tə̂. Ddəw kâra baa tokə Lubba pa arə Mɔyijə kar tə̂ kə̂ nâ ta dda nɛ̂n kəy-tande kinga-naan le, n̂-pa nan: «Oo, maji karə ə-dda nɛ̂nje le tɔyn tokə ye kə̂ m-tɔji dɔ ddingiri tə̂ le.»

1 Piyɛr 3:20

To ndil dəwje kə̂ ddaje dɔ-kətərə kə Lubba ləw, kar tə̂ kə̂ naw tɔ nɛ̂n wure naw nginan nɛ̂n de, dɔ ndɔje tə̂ kə̂ Nowe aw dda nɛ̂n tɔkə to le. Dəwje jijoo baa â andəje mə tɔkə to tə̂ le ngaâ Lubba ajide ddəw maann tə̂ le.

2 Piyɛr 1:1

Əman Simɔn Piyɛr kə̂ m-to bbərə-kula lə Jeju-Kristə ddəm nje-kaw-kula lə Jeju-Kristə ddəm m-dda makəturu nəənn marə dəwje kə̂ ingaje mə-kunn kə̂ ngəng kə̂ kâra baa kə̂ jinga le. Dingaje mə-kunn le ddəw nɛ̂n-dda tə̂ kə̂ gatə gatə lə Jeju-Kristə kə̂ to Lubba ləje ddəm Nje-kajije ddəm.

2 Piyɛr 2:5

Dəwje kə̂ duninya tə̂ kə̂ ləw toje to njê-nɛ̂n-ddaje kə̂ maji ang le Lubba inyade arə disije ddekeke ang tɔ. Kar tə̂ kə̂ narə maann uwade le, Nowe kə̂ aw ila mbər nɛ̂n-dda kə̂ gatə gatə le â najɛ̂, ne de kə marə dəwje siri.

2 Piyɛr 3:6

Ddəw maann tə̂ le njaa tɔ â, dɔ nangə kə ləw tuju. Maann taa dɔ nangə le.