Ebərəje 11:39 - Dɔnɔn kə̂ Siki: Tar kə̂ aw arə təbbə

³⁹ Dede tɔyn, ddəw mə-kunn tə̂ ləde â Lubba pa nɛ̂n tar ləde maji. A dingaje nɛ̂nje kə̂ Lubba unn ndue ta karəde le ang.

Ebərəje 11:39 Iomraidhean Croise

Ebərəje 10:36

Maji karə uwaje arə ngəng bba â ddaje nɛ̂n kə̂ mə Lubba ndiki. Ngaâ goe tə̂ a, â kingaje nɛ̂n kə̂ nunn ndue ta karəse.

Ebərəje 11:13

Dəwjeenn le tɔyn naynje ddəw mə-kunn tə̂ ndərəng oyje nɛ̂n. A dingaje nɛ̂nje kə̂ Lubba unn ndue ta karəde le ang. N̂-naynje ddəw əw bba dooje ngaâ n̂-ddaje rɔ-nəəl mbɛɛ̂. N̂-paje kə tade to n̂-toje to njê-mbaje ddəm dəwje kə̂ aw ndayje to nday dɔ nangə tə̂ ddəm.

Ebərəje 11:2

Ddəw mə-kunn tə̂ lə kajejedede â Lubba pa nɛ̂n tar ləde maji.

Ebərəje 9:15

Mba yeenn bba, Kristə to nje-gɔl-tar marə dɔnɔn kə̂ siki, bba karə dəwje kə̂ Lubba bbarde ingaje nɛ̂n-kingaje kə̂ a to kə ndɔ kə ndɔ, kə̂ nunn ndue ta karə dəwje laa. Dasəje ta kinga nɛ̂nje le, mba Kristə oy ta kɔru dəwje mə majangje tə̂ kə̂ n̂-ddaje kar tə̂ kə̂ n̂-naynje nɛ̂n kɔ dɔnɔn tə̂ kə̂ dɔngɔr le.

1 Piyɛr 1:12

Lubba pa kə ddaka arə njê-kilaje mbər tar le to tarje le to mba dede njaa ang. Tarjeenn le toje mbase. Njê-kilaje mbər Tar kə̂ Maji â ilaje mbər tar nəənn le arəse bbasinɛn nəənn. N̂-paje tarɛ̂ darəse ddəw singa-mɔngu tə̂ lə Ndil-mə-nda kə̂ Lubba ulɛ̂ arə nin darâ n̂-ddee le. Anjəje kara ndikije ta gərə tar nəənn le tɔ.