Ebərəje 11:32 - Dɔnɔn kə̂ Siki: Tar kə̂ aw arə təbbə

³² Tar ddi bba mâ pa bbay wa? Bbo ta pa tar dɔ Jedeyɔn tə̂, dɔ Barak tə̂, dɔ Samsɔn tə̂, dɔ Jɛpete tə̂, dɔ Dabbiti tə̂, dɔ Samuwɛl tə̂ kə dɔ njê-kilaje mbər tar lə Lubba tə̂ a, kar a goto.

Ebərəje 11:32 Iomraidhean Croise

Matiye 5:12

Ə-ddaje rɔ-nəəl, arəje rɔ-nəəl ləse uta dɔɛ̂, mba kuka ləse kə̂ darâ a bo nya. Njê-kilaje mbər tar lə Lubba kə̂ toje kete arəse kara, n̂-ddaje singa kə de tokə baann tɔ.»

Luku 13:28

Lo tə̂ənn, â nɔnje ngaâ â ngəərje ngangəse kar tə̂ kə̂ â kooje Abaraham kə Ijakə kə Jakobbo kə njê-kilaje mbər tar tɔyn mə Bbe-kɔn tə̂ lə Lubba. A dâ kilase ddaka.

Luku 16:31

Abaraham le pa arɛ̂ nan: ‹Bbo dooje ndu lə Mɔyijə kə tarje lə njê-kilaje mbər tar lə Lubba ang a, le marə dəw kə̂ oy ndol aw pa tar arəde njaa kara dâ kooje tar laa ang tɔ.› »

Tar kə̂ Maji kə̂ Jan dda makəturu tə̂ 21:25

Jeju dda marə nɛ̂nje nya bbay. Bbo n̂-dda nɛ̂njeenn tɔyn kə goe goe Makəturu tə̂ a, məjə to dɔ nangə tə̂ nəənn tɔyn njaa lo a kasə ta kungu makəturuje le tə̂ ang.

Kulaje 10:43

Njê-kilaje mbər tar lə Lubba tɔyn paje tar laa nan: ‹Dəw kə̂ unn məɛ̂ arə Jeju a, Lubba ɔru tar majang laa dɔɛ̂ tə̂ kə ri Jeju le.› »

Kulaje 13:20

Nɛ̂njeenn tɔyn goe əw ngɔsi kə bbal kɔr sɔ kə dɔmin. Goe tə̂ a, narə kajejedede le njê-gangəje sariya ndərəng tee dɔ ndɔ tə̂ lə Samuwɛl kə̂ to nje-kila mbər tar lə Lubba.

Kulaje 3:24

Njê-kilaje mbər tar lə Lubba tɔyn, unn kute dɔ Samuwɛl tə̂ kə njê-kilaje mbər tar lə Lubba kə̂ ddeeje goe tə̂ tɔyn paje tar ndɔje kə̂ jisije tə̂ nəənn le.

Rɔmɛnje 3:5

Majang kə̂ jaw dda â dəwje gərəje nɛ̂n to Lubba to gatə gatə. Yeenn a, tar ddi â ja paje wa? Ja pa nan Lubba to gatə gatə ang mba kunda kə̂ naw nundaje kə ndəy mba majang ləje wa? (Tar-pa lə dəwje â maw pa nəənn.)

Rɔmɛnje 4:1

Bbasinɛn nəənn, tar ddi bba ja paje dɔ kajeje Abaraham tə̂ wa? Ddi â ninga kə dɔ rɔɛ̂ njaa wa?

Rɔmɛnje 6:1

Yeenn a, tar ddi bba ja paje wa? Ja paje nan, maji ta nayn mə majang tə̂ bba karə Lubba dda kə je mə-maji arə uta dɔɛ̂ wa?

Rɔmɛnje 7:7

Yeenn a, ja paje nan ddi wa? Ja paje nan Ndu to majang wa? Baann ang! Ndu â tɔjum majang arə m-gərə. N̂-dda makəturu tə̂ lə Lubba nan: «Maji karə unda kəm-nda ang» Yeenn a bbo ndu goto a, mâ gərə nɛ̂n kə̂ to kunda kəm-nda le ang.

Jakə 5:10

Ngakɔnʼmje, njê-kilaje mbər tar lə Əbbə-dəwje kə̂ paje tar kə ria ləw ooje ndoo nya ddəm oreje wurde ddəm. Dede â unnje nɛ̂n-ddaje ləde to nɛ̂n-kɔju-marɛ̂.

2 Piyɛr 1:21

Mba dəw ila mbər tar lə Lubba kə mə-ndiki laa njaa ang. Ndil-mə-nda â aw kə dəwje arə ilaje mbər tar kə̂ in ta Lubba tə̂.

2 Piyɛr 3:2

Maji karə oleje məse dɔ tarje tə̂ lə njê-kilaje mbər tar lə Lubba kə̂ unnje rɔde tɔyn arɛ̂je, oleje məse dɔ ndu tə̂ kə̂ Əbbə-dəwje kə̂ to Nje-kaji-dəwje unn ngaâ njê-kaw-kulaje pa arəse le.