Ebərəje 11:25 - Dɔnɔn kə̂ Siki: Tar kə̂ aw arə təbbə

²⁵ N̂-ndiki ta koo ndoo kə dəwje lə Lubba, uta ye kə̂ ta dda rɔ-nəəl mba gɔju kar ddəw majang tə̂.

Ebərəje 11:25 Iomraidhean Croise

Matiye 13:21

A tar le ungu ngirɛ̂ məde tə̂ ang, kure əw məde tə̂ ang. Bbo nɛ̂n kəm-to-ndoo wase nɛ̂n-singa ddee ingade mba tar lə Lubba le a, mə-kunn ləde oso njangə baa.

Luku 16:25

Abaraham ilɛ̂ tə̂ nan: ‹Ngonnəm, ole məi, ndɔ kə̂ isi kəm baa bbay le ubba maji, a Lajar tuju â ubba. Bbasinɛn Lubba bɔru maann-nɔn kəmɛ̂ tə̂ lo tə̂ nəənn, a əi, aw oo ndoo.

Kulaje 7:34

Tɔkɔrɔ moo ndoo kə̂ dəwje ləm aw ooje Ejipitə ngaâ moo ndu sɔm ləde arə m-ddee ta kɔrude bbərə tə̂. Kə̂ bbasinɛn nəənn, aw, m-ndiki ta kulai Ejipitə.›

Rɔmɛnje 5:3

Dɔ ye tə̂ənn, mə nɛ̂n kəm-to-ndooje tə̂ kə̂ aw ingaje kara jaw ddaje rɔ-nəəl, mba n-gərəje to nɛ̂n kəm-to-ndoo aw dda arə jaw tɔje wurje.

2 Kɔrɛntinyɛje 5:17

Mba yeenn bba, bbo dəw dda mə-kâra kə Kristə a, dəw le ddee to dəw kə̂ n̂-ddɛɛ̂ tokə siki ngaa. Nɛ̂nje kə̂ ləw ndayje mban, a ooje: Nɛ̂n kə̂ siki ddee ngaa.

Kolosinyɛje 1:24

Bbasinɛn maw dda rɔ-nəəl mba ndoo kə̂ maw moo mba tar ləse. Ngaâ, maw moo kəsə ndoo lə Kristə mba Egilisi kə̂ to da-rɔɛ̂.

2 Timɔte 1:8

Yeenn bba, maji karə ə-dda rɔ-kul ta pa tar-naji lə Əbbə-dəwje karə dəwje ang ddəm ə-dda rɔ-kul ləm, əman kə̂ dilam kəy-kula tə̂ mbɛɛ̂ le ang ddəm. A maji karə oo səm ndoo mba Tar kə̂ Maji ddəw singa tə̂ kə̂ Lubba arəje.

Ebərəje 10:32

A maji karə oleje məse dɔ nɛ̂n tə̂ kə̂ ingase ləw. Go kəmse tə̂ kə̂ Lubba dda arə uja le, ə-maanje gɔlse nangə̂ ə-ddaje nɛ̂n ddɔ arəje ngəng.

Ebərəje 11:37

Marɛ̂je, n̂-tilade kə ər n̂-tɔlde, n̂-tuja marɛ̂je n̂-gangəde dannâ joo kə nɛ̂n-kuja kakə, marɛ̂je n̂-tukade kə tɔkə kiya n̂-tɔlde. N̂-gərəje lo kə̂ dâ kisije tə̂ ang. Əndaar batə, ang a, əndaar binya â dɔje. Nɛ̂n kâra ɔru jide ang. Dula kəmde ndoo tə̂ ddəm n̂-ddade maji ang ddəm.

Ebərəje 4:9

Yeenn pa nan, marə ndɔ kə̂ dəwje lə Lubba a kuwaje nɛ̂n rɔde le nayn bbay. Ndɔ le to tokə ndɔ kə̂ to siri laa le.

Jakə 1:20

mba wungu lə dəw dda nɛ̂n kə̂ gatə gatə kəm Lubba tə̂ ang.

Jakə 5:5

Dɔ nangə tə̂ nəənn, isije kə majɛ̂ ngaâ isije dann nɛ̂n-kingaje tə̂ kə̂ bo. Usaje nɛ̂n arəje məse ndann, ndɔ tə̂ kə̂ dəwje aw oyje mbarakə mbarakə.

1 Piyɛr 2:10

Ləw, ə-toje to dəwje lə Lubba ang, a bbasinɛn, ə-toje to dəwje lə Lubba ngaa. Ləw, Lubba oo kəm-to-ndoo ləse ang, a bbasinɛn, Lubba oo kəm-to-ndoo ləse ngaa.

Apokalisi 18:7

N̂-ndiki kɔsu gaji rɔɛ̂ nya ddəm n̂-ndiki nɛ̂n-kinga nya ddəm. Yeenn bba, ulaje kəmɛ̂ ndoo, arəje nuwa ndoo tokə baann tɔ. Mba n̂-pa məɛ̂ tə̂ nan: ‹Misi to dɛnɛ̂n-mbay, m-to dɛnɛ̂n-ndubba ang ngaâ mâ kuwa-ndoo ndɔ kâra ang.›