Ebərəje 11:17 - Dɔnɔn kə̂ Siki: Tar kə̂ aw arə təbbə

¹⁷ Ddəw mə-kunn tə̂ â Abaraham unn Ijakə arə Lubba to nɛ̂n-polo kar tə̂ kə̂ Lubba nɛɛ̂n nɛ̂n. To ngonnɛ̂ kə̂ kâra baa â nunn ta karə Lubba kə̂ unn ndue arɛ̂ pa nan:

Ebərəje 11:17 Iomraidhean Croise

Tar kə̂ Maji kə̂ Jan dda makəturu tə̂ 3:16

«Mba Lubba ndiki duninya nya. Yeenn bba nunn Ngonnɛ̂ kə̂ kâra baa narə, karə dəwje tɔyn kə̂ ooje məde tə̂ saa naynje kə kɔrɔ̂ ang, a dingaje təbbə kə̂ to kə ndɔ kə ndɔ.

2 Kɔrɛntinyɛje 8:12

Bbo dəw ee kə kəjə kə̂ maji ta karə nɛ̂n nɛ̂n kə̂ to jia tə̂ a, Lubba a koo nɛ̂n le maji kəmɛ̂ tə̂. Nɛ̂n kə̂ to ji dəw tə̂ ang â Lubba a duju ang.

Ebərəje 11:13

Dəwjeenn le tɔyn naynje ddəw mə-kunn tə̂ ndərəng oyje nɛ̂n. A dingaje nɛ̂nje kə̂ Lubba unn ndue ta karəde le ang. N̂-naynje ddəw əw bba dooje ngaâ n̂-ddaje rɔ-nəəl mbɛɛ̂. N̂-paje kə tade to n̂-toje to njê-mbaje ddəm dəwje kə̂ aw ndayje to nday dɔ nangə tə̂ ddəm.

Ebərəje 7:6

A Mɛlkisedɛk kə̂ to dəw kə̂ gəl Lebi tə̂ ang taa dim ji Abaraham tə̂ ngaâ bbar tar kə̂ maji dɔ Abaraham tə̂ kə̂ Lubba unn ndue ta karɛ̂ nɛ̂nje.

Jakə 5:11

Ooje, jaw pitije dəwje kə̂ aw oreje wurde. Ooje tar kore-wur lə Jobbo ngaâ ə-gərəje maji kə̂ Əbbə-dəwje dda saa goe tə̂. Mba Əbbə-dəwje to nje-koo kəm-to-ndoo lə dəwje ddəm nje-dda mə-maji kə dəwje ddəm.

1 Piyɛr 4:12

Ngakɔnʼmje kə̂ m-ndikise nya, nɛ̂n-nan kə̂ to horose tə̂ tokə lə puru kə̂ aw ɔn lo le, maji karə ooje to nɛ̂n kə̂ siki ang ta arəje dɔse ayn ang.

Apokalisi 3:10

Ə-ngəm ndəjə ləm kə̂ mari karə uwa arə ngəng le. Yeenn bba, əman njaa kara mâ ngəmi kar tə̂ kə̂ nɛ̂n-nanje a ddeeje mba nan mə dəwje tɔyn kə̂ dɔ nangə tə̂.