Ebərəje 11:16 - Dɔnɔn kə̂ Siki: Tar kə̂ aw arə təbbə

¹⁶ A kə̂ tɔkɔrɔ njaa, daw ndikije ta kinga marə bbe kə̂ maji uta ye kə̂ kete le. To bbe kə̂ darâ. Mba yeenn bba, bbo dəw bbar Lubba to Lubba ləde a, rɔ Lubba wul ang. Tɔkɔrɔ njaa n̂-gɔl marə bbe mba tar ləde.

Ebərəje 11:16 Iomraidhean Croise

Matiye 25:34

Yeenn ngaâ tɔkə mbay le a pa karə njê kə̂ dɔ ji-kɔlɛ̂ tə̂ nan: ‹Sese kə̂ Bɔmje bbar tar kə̂ maji dɔse tə̂ le, ə-ddeeje. Ə-taaje Bbe-kɔn kə̂ Lubba gɔl mba tar ləse ləw baa kə̂ duninya to le.

Marke 12:26

Tar kə̂ ɔju dɔ ndol lə dəwje kə̂ oyje le, ə-turaje tar kə̂ makəturu tə̂ lə Mɔyijə le ang wa? Lubba pa arə Mɔyijə mbɔr bər-kam tə̂ kə̂ aw ɔn puru pa nan: ‹M-to Lubba lə Abaraham, Lubba lə Ijakə, Lubba lə Jakobbo.›

Marke 8:38

Dəw kə̂ dda rɔ-kul ləm kə rɔ-kul tar ləm kəm dəwje tə̂ kə̂ bbokənɛn nəənn, Ngonn lə dəw a dda rɔ-kul laa ndɔ tə̂ kə̂ nâ ddee kə anjəje laa kə̂ majije tɔyn mə piti tə̂ lə Bɔɛ̂je. Mba dəwje kə̂ bbasinɛn nəənn le toje to njê-nɛ̂n-ddaje kə̂ maji ang ddəm dəwje kə̂ pa-nja ləde to kə dannâ ang ddəm.»

Luku 12:32

Sese kə̂ ə-toje tokə lə nɛ̂n-kuulje kə̂ banya ang le ə-bbəəlje ang, mba Bɔsese oo maji ta karəse Bbe-kɔn le.»

Luku 20:37

Mɔyijə tɔju kə majɛ̂ nan dəwje kə̂ oyje ndolje. Mba nɛ̂n kə̂ Mɔyijə oo bər-kam tə̂ kə̂ dda tarɛ̂ makəturu tə̂ le, Mɔyijə bbar ri Əbbə-dəwje nan Lubba lə Abaraham, Lubba lə Ijakə, Lubba lə Jakobbo.

Tar kə̂ Maji kə̂ Jan dda makəturu tə̂ 14:2

Lo-to to nya mə kəy tə̂ lə Bɔmje. Baann ang a, mâ pa karəse. Mba, maw ta dda lo karəse.

Kulaje 7:32

‹M-to Lubba lə kaijedede, Lubba lə Abaraham, lə Ijakə kə lə Jakobbo.› Mɔyijə le isa ngaâ ndiki ta kaa lo kə nɛ̂n tə̂ le ang ngaa.

Pilipinyɛje 3:20

A jeje, bbe ləje to darâ. Jeje jaw ngəbbə Əbbə-dəwje Jeju-Kristə kə̂ to Nje-kajije kə̂ a kin darâ ddee.

2 Timɔte 4:18

Əbbə-dəwje a kɔrum ta nɛ̂nje tə̂ kə̂ maji ang tɔyn ngaâ nâ kajim karə mandə mə Bbe-kɔn tə̂ laa darâ. Maji karə piti to laa kə ndɔ kə ndɔ. Amɛnn.

Ebərəje 10:34

Ngaâ ooje kəm-to-ndoo lə njê kə̂ dungude kəy-kula tə̂. A bbo duwa nɛ̂nje ləse n̂-taaje a, aw ndikije tə̂ kə rɔ-nəəl. Mba ə-gərəje to eeje kə nɛ̂n-kingaje kə̂ maji uta yejeenn ddəm nɛ̂n-kingaje kə̂ a toje kə ndɔ kə ndɔ ddəm.

Ebərəje 11:10

Abaraham aw nginan ta kisi tɔkə bbe tə̂ kə̂ dungu gɔlɛ̂ nangə̂ darə ngəng, kə̂ Lubba â tɔju gusu kə̂ n̂-dda nɛ̂n ddəm Lubba â to nje-ddɛɛ̂ ddəm.

Ebərəje 11:14

Dəwje kə̂ paje tar tokə baann tɔjuje kə ddaka to daw sangəje bbe ləde njaa.

Ebərəje 11:40

Mba Lubba gɔl marə nɛ̂n kə̂ maji nya uta bbay mbaje. Mba yeenn bba, n̂-ndiki karə jeje kə de tɔyn jinga nɛ̂njeenn le naan tə̂.

Ebərəje 12:22

A sese, ə-ddeeje ngɔsi kə ddingiri kə̂ Sinyɔ, kə̂ to bbe lə Lubba kə̂ nje-kisi kəm baa, Jerujalɛm kə̂ darâ, kə̂ anjəje toje tə̂ doro doro.

Ebərəje 13:14

Mba, nangə̂ nəənn marə bbe ləje kə̂ a to nyɔm goto arə jaw sangəje bbe kə̂ a to ndɔ tə̂ kə̂ bara.

Ebərəje 2:11

A ne kə̂ naw dda narə dəwje aw ddeeje to dəwje lə Lubba le, ne de kə dəwje lə Lubba le tɔyn njaa bɔdede kâra baa. Mba yeenn bba bbo n̂-bbarde to ngakɔɛ̂n a, to rɔ-kul laa ang.

Apokalisi 21:2

Ngaâ moo tɔkə bbe kə̂ maji tɔyn kə̂ to Jerujalɛm kə̂ siki kə̂ in rɔ Lubba tə̂ darâ aw ddisi. Tɔkə bbe le to tokə lə dɛnɛ̂n kə̂ dda mandə ngaâ ar dɔgɔlɛ̂ tə̂ aw nginan ngawɛ̂je.