Ebərəje 10:38 - Dɔnɔn kə̂ Siki: Tar kə̂ aw arə təbbə

³⁸ Lubba pa nan: «Dəw ləm kə̂ ddee gatə gatə ddəw mə-kunn tə̂ a kisi kə təbbə. A bbo n̂-təl kə guku a, mâ kinga rɔ-nəəl ddəw tə̂ laa ang.»

Ebərəje 10:38 Iomraidhean Croise

Matiye 12:18

«Lubba pa nan: Ne nəənn â n̂-to Nje-kula ləm kə̂ m-mbəre. Ne kə̂ m-ndike nya ngaâ minga rɔ-nəəl mbɛɛ̂. Mâ karə Ndil ləm isi dɔɛ̂ tə̂, karə nila mbər nɛ̂n-dda kə̂ gatə gatə narə dəwje kə̂ toje to Jiipije ang.

Matiye 13:21

A tar le ungu ngirɛ̂ məde tə̂ ang, kure əw məde tə̂ ang. Bbo nɛ̂n kəm-to-ndoo wase nɛ̂n-singa ddee ingade mba tar lə Lubba le a, mə-kunn ləde oso njangə baa.

Rɔmɛnje 1:17

Tar kə̂ Maji le tɔju ddəw kə̂ Lubba aw dda arə dəwje aw ddeeje nɛ̂n gatə gatə kəmɛ̂ tə̂ kə ddaka: Ddəw mə-kunn tə̂ kâra baa, kunn-kutu nɛ̂n tə̂ ndərəng kɔnyɛ̂ tə̂. Ddəw kâra baa tokə makəturu lə Lubba pa nan: «Dəw kə̂ ddee gatə gatə ddəw mə-kunn tə̂ a kisi kə təbbə.»

Galatəje 3:11

Tɔkɔrɔ njaa, dəw a kasə ddee gatə gatə kəm Lubba tə̂ ddəw ngəm Ndu tə̂ ang. Mba Makəturu lə Lubba pa nan: «Dəw kə̂ ddee gatə gatə ddəw mə-kunn tə̂ a kisi kə təbbə.»

1 Tesalonisinyɛje 2:15

Jiipije â tɔlje Əbbə-dəwje Jeju kə njê-kilaje mbər tar lə Lubba. Dulaje kəmje ndoo tə̂ tɔ. N̂-nəəlje kəm Lubba tə̂ ang ngaâ n̂-toje to njê-baanje lə dəwje tɔyn.

Ebərəje 10:39

A jeje, dəwje kə̂ təlje kə guku ngaâ naynje kə kɔrɔ̂ le jeeje horode tə̂ ang. Jeeje horo dəwje tə̂ kə̂ ooje məde tə̂ ta kinga nɛ̂n kaji.

Jakə 5:6

Ə-gangəje sariya dɔ dəwje tə̂ kə̂ gatə gatə ngaâ ə-tɔljede, a n̂-ddaje dɔ-ngəng kə se ang.

1 Jan 2:19

Dinje horoje tə̂ bba n̂-teeje, a n̂-toje to dəwje ləje ang. Bbo n̂-toje to dəwje ləje a, dâ naynje kə je. N̂-teeje horoje tə̂ kə̂ ddang karə tɔju kə ddaka to dede tɔyn n̂-toje to dəwje ləje ang.