Ebərəje 10:35 - Dɔnɔn kə̂ Siki: Tar kə̂ aw arə təbbə

³⁵ Yeenn a, məse kə̂ undaje le, maji karə ə-tusuje inyaje ang. Mba kuka kə̂ bo nya to ddəwe tə̂.

Ebərəje 10:35 Iomraidhean Croise

Matiye 10:32

«Yeenn a, dəw kə̂ pa kəm dəwje tə̂ nan n̂-to dəw ləm a, əman kara mâ pa nɔn Bɔy tə̂ kə̂ isi darâ nan n̂-to dəw ləm tɔ.

Matiye 10:42

M-pa tar kə̂ tɔkɔrɔ marəse, dəw kə̂ maann kə̂ wul kə̂ əngo tə̂ baa njaa bba arə dəw kə̂ ngaji horo ngamarɛ̂je tə̂ nəənn, mba dəw kə̂ ngaji le to nje-nja gom tə̂ a, kuka laa a koso nangə̂ ang tɔ.»

Matiye 5:12

Ə-ddaje rɔ-nəəl, arəje rɔ-nəəl ləse uta dɔɛ̂, mba kuka ləse kə̂ darâ a bo nya. Njê-kilaje mbər tar lə Lubba kə̂ toje kete arəse kara, n̂-ddaje singa kə de tokə baann tɔ.»

Luku 14:14

Yeenn bba a kisi kə rɔ-nəəl, mba dingaje nɛ̂n ta kari ture tə̂ ang. A Lubba a təl nɛ̂n kari ndɔ tə̂ kə̂ dəwje kə̂ gatə gatə kə̂ oyje a ndolje.»

1 Kɔrɛntinyɛje 15:58

Yeenn a, ngakɔnʼmje kə̂ m-ndikise nya, uwaje arə ngəng, arəje nɛ̂n yəkəse ang. Ə-ddaje arə kula lə Əbbə-dəwje aw kə kete kete bbo inyaje ddəwe ang, mba ə-gərəje kə majɛ̂ to kula kə̂ aw ddaje ddəw mə-kâra tə̂ kə Əbbə-dəwje a to baa ang.

Epɛjinyɛje 3:12

Ddəw məje tə̂ kə̂ junnje jarəje Jeju-Kristə ngaâ n-ddaje mə-kâra saa le jingaje ddəw ta ddee ngɔsi kə Lubba kə bbəəl ang.

Ebərəje 10:19

Yeenn a, ngakɔnʼmje, jee kə ddəw tɔyn njaa ta kandə lo tə̂ kə̂ n̂-sangə dang nya bbay mba Lubba le ddəw məsə Jeju tə̂ kə̂ kayn nangə̂.

Ebərəje 11:26

Noo a, kə̂ ta karə dəwje tajɛ̂je tokə n̂-tajije Kristə to nɛ̂n-kinga kə̂ ngəng uta nɛ̂n-kingaje kə̂ Ejipitə. Mba nunda kəmɛ̂ njaa nyɔm kə dɔ kuka tə̂ kə̂ Lubba a kukɛ̂ ndɔ tə̂ kə̂ bara.

Ebərəje 2:2

Mba ləw, tar kə̂ Lubba arə anjəje paje to baa ang, dəwje kə̂ aaje lo kə tar tə̂ le ang ngaâ ddaje nɛ̂n kə turu ndu tar le ang ingaje kunda kə dɔgɔlɛ̂ njaa.

Ebərəje 3:14

Bbo n-naynje jaw juwaje jarə ngəng ndərəng jɔsuje kɔnyɛ̂ a, Lubba a karə n-ddeeje to nje-kula mar Kristə.

Ebərəje 3:6

A bbasinɛn, Kristə dda kula kə dɔgɔlɛ̂ to Ngonn lə Lubba njaa kə̂ undɛ̂ karə ɔn dɔ kəy laa. Jeje, bbo n-naynje jaw jundaje məje dɔ nɛ̂n tə̂ kə̂ jaw nginanje ngaâ jaw ddaje nɛ̂n rɔ-nəəl le a, n-toje to kəy lə Lubba njaa.

Ebərəje 4:14

Tɔkə nje-polo Lubba ləje to. Ne kə̂ nuta kəseje tɔyn, kə̂ naw ndərəng n̂-tee nɔn Lubba tə̂ darâ: To Jeju Ngonn lə Lubba. Yeenn bba joo nɛ̂n məje tə̂ mban arə maji karə juwaje jarə ngəng.

2 Jan 1:8

Aaje rɔse, mba karə nɛ̂n kə̂ jinga ddəw kula tə̂ ləje tuju ang, yeenn bba karə ingaje kuka kə̂ bo.