Ebərəje 10:32 - Dɔnɔn kə̂ Siki: Tar kə̂ aw arə təbbə

³² A maji karə oleje məse dɔ nɛ̂n tə̂ kə̂ ingase ləw. Go kəmse tə̂ kə̂ Lubba dda arə uja le, ə-maanje gɔlse nangə̂ ə-ddaje nɛ̂n ddɔ arəje ngəng.

Ebərəje 10:32 Iomraidhean Croise

Kulaje 26:18

Mulai rɔde tə̂ karə ə-təəyn kəmde ta ɔrude lo ndul tə̂ ə-tee kə de lo-karɛ tə̂. Karə ɔrude ji Satan tə̂ kə̂ ɔn dɔde ə-ddee kə de rɔ Lubba tə̂. Yeenn bba Lubba a kɔru tar majang ləde dɔde tə̂ ngaâ dâ kingaje lo horo dəwje tə̂ kə̂ ooje məde tə̂ səm kə̂ majije tɔyn.› »

Rɔmɛnje 12:12

Maji karə ə-ddaje rɔ-nəəl mba nɛ̂n kə̂ aw undaje məse dɔɛ̂ tə̂. Maji karə ə-tɔje wurse mə nɛ̂n kəm-to-ndooje tə̂ kə̂ aw ingajese, ə-dujuje Lubba kə ndɔ tɔyn.

2 Kɔrɛntinyɛje 4:6

Mba Lubba kə̂ pa nan: «Maji karə lo ndoko lo tə̂ kə̂ ndul» le, ne njaa n̂-ndoko məje tə̂, ta dda karə joo ndoko laa kə̂ aw ndoko kəm Kristə tə̂.

Pilipinyɛje 3:16

Mə nɛ̂n tə̂ tɔyn, ddəw kə̂ junnje ndərəng bbokənɛn nəənn le, maji karə yeenn njaa jawje nɛ̂n nyɔm.

Kolosinyɛje 2:1

M-ndiki karə ə-gərəje to ddɔ kə̂ maw dda to ddɔ kə̂ ngəng nya: Maw dda ddɔ mba tar ləse, mba tar lə dəwje kə̂ Lawodise kə marə dəwje nya kə̂ oomje ndɔ kâra ang.

Ebərəje 12:4

Mba ddɔ kə̂ aw ddɔje kə majang le, ə-ddɔje ndərəng ə-teeje nɛ̂n yo tə̂ ang bbay.

Ebərəje 5:12

Kuru lo əw nya karə ə-ddeeje to njê-nɛ̂n-tɔjuje ngaa. A sese le tɔ bbay â ə-ndikije karə n̂-təl n̂-tɔjuse dɔngɔr nɛ̂nje kə̂ dɔ tar tə̂ lə Lubba wa? Ə-ddeeje to dəwje kə̂ ndikije ta kil mba bbay, bbo asəje ta kusa nɛ̂n kə̂ kətərə ang.

Ebərəje 6:10

Lubba to gatə gatə ang bba məɛ̂ a koy dɔ nɛ̂nje kə̂ aw ddaje le ang ddəm ndiki kə̂ ə-ndikeje le ang ddəm. Ə-tɔjuje ndiki ləse le ddəw maji tə̂ kə̂ ə-ddaje kə kəsə njê-mə-kunnje ləw ngaâ ə-naynje aw ddaje bbay bbasinɛn le.

Ebərəje 6:4

Marə dəwje, lo-karɛ lə Lubba dda arə kəmde uja, dingaje nɛ̂n-karə-baa kə̂ in darâ ngaâ dingaje Ndil-mə-nda.

2 Jan 1:8

Aaje rɔse, mba karə nɛ̂n kə̂ jinga ddəw kula tə̂ ləje tuju ang, yeenn bba karə ingaje kuka kə̂ bo.

Apokalisi 2:5

Maji karə ole məi dɔ pa-nja tə̂ ləi kə̂ dɔngɔr. Ə-turu məi bbo ə-təl kula-ddai tə̂ kə̂ dɔngɔr le. Bbo baann ang a, mâ ddee rɔi tə̂, ta mâ kɔru nɛ̂n-kunda lambe ləi lo-toe tə̂ kə ddang.

Apokalisi 3:3

Maji karə ole məi dɔ tar tə̂ kə̂ n̂-pa darəse kə gusu kə̂ ooje nɛ̂n tar le. Ə-ngəm tar le ta ə-turu məi. Bbo ə-ndol ang a, mâ ddee kuwai dɔ jii tə̂ tokə lə nje-bboko. Â gərə gɔl kar kə̂ mâ ddee kɔsi nɛ̂n busu ang.