Ebərəje 10:28 - Dɔnɔn kə̂ Siki: Tar kə̂ aw arə təbbə

²⁸ Bbo dəw mbətə Ndu lə Mɔyijə, â bbo njê-tar-najije joo wase mota paje nan n̂-dda nɛ̂n le tɔkɔrɔ a, maji karə n̂-tɔlɛ̂ ta dəjə ang.

Ebərəje 10:28 Iomraidhean Croise

Matiye 18:16

Bbo noo tar ləi ang a, ə-bbar dəw kâra wase joo ungude dɔi tə̂. Yeenn bba karə tar kə̂ Makəturu lə Lubba pa le ddee to nɛ̂n tɔkɔrɔ. Tar le nan: ‹Dâ gɔl tar nɔn njê-tar-najije tə̂ joo wase mota.›

Tar kə̂ Maji kə̂ Jan dda makəturu tə̂ 8:17

N̂-dda mə Makəturu-Ndu tə̂ ləse nan: ‹Bbo dəwje joo paje tar-naji kə̂ kâra baa a, to tar-naji kə̂ tɔkɔrɔ.›

Rɔmɛnje 9:15

Mba Lubba pa arə Mɔyijə nan: «Maw moo kəm-to-ndoo lə dəw kə̂ m-ndiki ta koo kəm-to-ndoo laa, ngaâ maw dda mə-maji kə dəw kə̂ m-ndiki ta dda saa mə-maji.»

2 Kɔrɛntinyɛje 13:1

Gɔl mota laa ngaa â maw maw kə bbe ləse nəənn. A Makəturu lə Lubba pa nan: «Maji ta koo tar-najije lə dəwje joo wase mota bba ta gangə sariya»

Ebərəje 12:25

Aaje rɔse! Ə-mbətəje ta koo ta Lubba kə̂ aw pa tar arəse nəənn ang. Mba dede kə̂ ləw n̂-mbətəje ta koo ta Mɔyijə dɔ nangə tə̂ nəənn le, n̂-teeje ta kunda tə̂ ang. A jeje, bbo n-turuje girije jarə Lubba kə̂ nje-kisi darâ nu kə̂ aw ndɔru mbije le a, ja tee ta kunda tə̂ tokə baânn wa?

Ebərəje 2:2

Mba ləw, tar kə̂ Lubba arə anjəje paje to baa ang, dəwje kə̂ aaje lo kə tar tə̂ le ang ngaâ ddaje nɛ̂n kə turu ndu tar le ang ingaje kunda kə dɔgɔlɛ̂ njaa.

Jakə 2:13

Dəw kə̂ oo kəm-to-ndoo lə nje-marɛ̂ ang, Lubba a koo kəm-to-ndoo laa ndɔ gangə sariya tə̂ ang tɔ. A dəw kə̂ oo kəm-to-ndoo lə nje-marɛ̂ a tee ta sariya tə̂.