Ebərəje 10:25 - Dɔnɔn kə̂ Siki: Tar kə̂ aw arə təbbə

²⁵ Maji karə n-tusuje lo mbɔn-naan ləje jinyaje ang, mba marɛ̂je aw ddaje tokə baann. A maji karə n-ndəjəje naan, mba ooje, ndɔ lə Əbbə-dəwje ddee ngɔsi ngaa.

Ebərəje 10:25 Iomraidhean Croise

Matiye 10:15

M-pa tar kə̂ tɔkɔrɔ marəse. Ndɔ gangə sariya a, sariya kə̂ dɔ dəwje tə̂ kə̂ dɔ nangə tə̂ənn a ngəng kuta sariya kə̂ dɔ bbeje tə̂ kə̂ Sɔdɔm kə Gɔmɔr.»

Matiye 18:20

Mba lo kə̂ dəwje joo wase mota uwaje dɔ naan tə̂ kə rim, mee horode tə̂.»

Tar kə̂ Maji kə̂ Jan dda makəturu tə̂ 12:48

Bbo dəw mbətəm ngaâ taa tar ləm ang a, ddutu ndɔ tə̂, nɛ̂n kə̂ a gangə sariya dɔɛ̂ tə̂ to tarje kə̂ m-pa â a gangəje sariya dɔɛ̂ tə̂.

Kulaje 16:16

Marə ndɔ jaw kə lo duju Lubba tə̂ a, marə ngonn mandə kə̂ to nje-kula lə marə dəw tee ingaje. Ndil nɛ̂n-ndɔn kə̂ maji ang isi mə ngonn mandə tə̂ le. Nɛ̂n-ndɔn laa le dda arə əbbeejedede ingaje nɛ̂n nya.

Kulaje 2:1

Kar kə̂ ndɔ Pantekotə asə a, njê-mə-kunnje isije dɔ naan tə̂ kâra baa.

Kulaje 2:42

Njê-mə-kunnje le unnje rɔde tɔyn mba kaw koo nɛ̂n-tɔju lə njê-kaw-kulaje kə ndɔ tɔyn. Daw dulaje nuju naan tə̂, daw ddaje mə-kâra ddəw muru mə-kâra tə̂ ngaâ daw dujuje Lubba.

Kulaje 20:7

N-mbɔn naan kə ndɔ-kuwa-rɔ ta kɔn muru mə-kâra a, Pɔl pa tar arə njê-mə-kunnje ndərəng lo mɔngu, mba lo-karɛ̂ a, nâ ta kɔtu.

Rɔmɛnje 12:8

Dəw kə̂ Lubba arɛ̂ gusu karə n̂-ndəjə dəwje a, maji karə n̂-ndəjə dəwje. Maji karə dəw kə̂ to nje-nɛ̂n-karə, arə nɛ̂n kə mə-kâra. Maji karə dəw kə̂ nje-tɔju ddəw dəwje, tɔju kə dɔgɔlɛ̂, dəw kə̂ aw dda maji kə dəwje, dda kə rɔ-nəəl.

1 Kɔrɛntinyɛje 11:20

Yeenn bba bbo uwaje dɔ naan a, nɛ̂n kə̂ aw ɔnje le to muru lə Əbbə-dəwje ang.

1 Kɔrɛntinyɛje 14:23

Bbo njê-mə-kunnje tɔyn uwaje dɔ naan lo tə̂ kâra baa ngaâ dede tɔyn daw paje ndɔn-tarje kə̂ dang dang ngaâ bbo dəwje kə̂ baa wase dəwje kə̂ ooje məde tə̂ ang aw ingade a, dâ koode to njê-wooyje ang wa?

1 Kɔrɛntinyɛje 14:3

A dəw kə̂ aw ila mbər tar lə Lubba, ila mbər le arə dəwje karə mə-kunn ləde sangə, karə dingaje singa ngaâ məde wul.

1 Kɔrɛntinyɛje 3:13

kula lə dəw kâra kâra a tee kə ddaka kəm dəwje tə̂ ndɔ gangə sariya tə̂. Dâ nan kula lə dəw kâra kâra kə puru ta gərə.

1 Kɔrɛntinyɛje 5:4

Ndɔ kə̂ uwaje dɔ naan a, ndilim a to kə se kâra baa ngaâ kə ri Əbbəjeje Jeju kə singa-mɔngu laa,

Pilipinyɛje 4:5

Maji karə dəwje tɔyn gərəje mə-maji ləse. Əbbə-dəwje a təl ngɔsi baa.

1 Tesalonisinyɛje 4:18

Yeenn a, maji karə ə-ndəjəje naan kə tarje nəənn bba karə ubbaje singa.

1 Tesalonisinyɛje 5:11

Yeenn bba, maji karə ə-ndəjəje naan, ə-ddaje arəje njê-marəse ubbaje singa ddəw kâra baa tokə aw ddaje mban le.

Ebərəje 10:24

Maji karə jundaje kəmje dɔ naan tə̂, jarə ndiki to məje tə̂ ddəm n-ddaje nɛ̂nje kə̂ maji ddəm.

Ebərəje 10:37

Mba Makəturu lə Lubba pa nan: «Tɛn be, mbɔr ang njaa a, dəw kə̂ a ta ddee le a ddee, nâ tila ang.»

Ebərəje 13:22

Ngakɔnʼmje, m-dujuse karə ə-tɔje wurse ooje nɛ̂n ndəjəje nəənn. Mba makəturu kə̂ mula nɛ̂n marəse nəənn ngal ang.

Ebərəje 3:13

Lubba nayn aw bbarse «bbokənɛn» bbay. Maji karə ə-ndəjəje naan kə ndɔ tɔyn. Baann bba karə majang dda arə marə dəw horose tə̂ dda dɔ-kətərə ang.

Jakə 5:8

Sese kara, maji karə oreje wurse, uwaje arə ngəng mba ndɔ ddee lə Əbbə-dəwje nayn ngɔsi ngaa.

1 Piyɛr 4:7

Nɛ̂nje tɔyn naynje ngɔsi baa ta kɔsu kɔyn ngaa. Yeenn a, maji karə ə-gərəje dɔ jise, arəje kəmse kətərə ta ə-dujuje Lubba.

2 Piyɛr 3:11

Nɛ̂njeenn tɔyn a gotoje, yeenn a, maji karə nɛ̂n-yərəw ɔru pa-nja ləse ang ngaâ ə-ngəmje rɔse mba Lubba.

2 Piyɛr 3:14

Mba yeenn bba, ngakɔnʼmje kə̂ m-ndikise nya, kar tə̂ kə̂ aw nginanje ndɔ le bbay le, maji karə ə-ddaje singa karə marə nɛ̂n-yərəw ɔruse ang ddəm karə marə tar to dɔse tə̂ ang ddəm ngaâ ta ə-naynje kə mə-wul-lɔm kə Lubba.

2 Piyɛr 3:9

Marə dəwje aw paje nan Əbbə-dəwje aw tila nya bba ta dda nɛ̂n kə̂ nunn ndue ta dda le. A nɛ̂ɛnn to tokə baann ang. Naw tɔ wure mbase, mba n̂-ndiki ta karə dəw kâra nayn kə kɔrɔ̂ ang. N̂-ndiki ta karə dəwje tɔyn njaa turuje ddəw ləde.

Judə 1:19

Dede le njaa daw ddaje darə dəwje aw tinje naan. Kəjə ləde to kəjə nɛ̂n kə̂ dɔ nangə tə̂ ngaâ Ndil lə Lubba isi məde tə̂ ang.