Ebərəje 10:20 - Dɔnɔn kə̂ Siki: Tar kə̂ aw arə təbbə

²⁰ Nɔru ddəw kə̂ siki kə̂ jasəje ta kunn ta kinga nɛ̂n təbbə narəje. Ddəw le nday mə tɔkə bəl-kubbu tə̂ kə̂ n̂-gangə nɛ̂n mə kəy-tande kinga-naan le. Yeenn pa nan ddəw da-rɔɛ̂ tə̂ njaa.

Ebərəje 10:20 Iomraidhean Croise

Matiye 27:51

Karɛ̂ tə̂ənn njaa, kubbu kə̂ n̂-tɔ n̂-gangə nɛ̂n mə kəy-polo Lubba tiir dannâ joo, in taar uru bəər. Nangə yəkə ngaâ ərje ribbaje.

Marke 15:38

Yeenn ngaâ kubbu kə̂ n̂-tɔ n̂-gangə nɛ̂n mə kəy-polo Lubba tiir dannâ joo, in taar uru bəər.

Luku 23:45

Kar ɔsu ang ngaâ kubbu kə̂ n̂-gangə nɛ̂n mə kəy-polo Lubba tiir dannâ joo.

Tar kə̂ Maji kə̂ Jan dda makəturu tə̂ 10:7

Jeju təl pa bbay nan: «Tɔkɔrɔ njaa, m-pa marəse: M-to ta-ddəw singa lə batəje.

Tar kə̂ Maji kə̂ Jan dda makəturu tə̂ 10:9

M-to ta-ddəw. Dəw kə̂ andə kə ta-ddəw kə̂ to əman le a, a kinga kaji. Nâ kandə, nâ tee ngaâ nâ kinga nɛ̂n-kusa.

Tar kə̂ Maji kə̂ Jan dda makəturu tə̂ 14:6

Jeju ilɛ̂ tə̂ nan: «M-to ddəw, m-to tar kə̂ tɔkɔrɔ, m-to təbbə. Dəw kâra a kasə tee rɔ Bɔ tə̂ kə ddəw kə̂ dang ang, ddəw tə̂ ləm kâra baa.

Epɛjinyɛje 2:15

Nɔru Ndu lə Mɔyijə kə tarje kə̂ məɛ tə̂ kə ddang. N̂-dda baann ta mbɔn Jiipije kə dəwje kə̂ toje to Jiipije ang karə n̂-ddeeje to gəl-dəwje kə̂ siki kə̂ kâra baa ddəw mə-kâra tə̂ kə̂ n̂-ddaje kə Kristə ngaâ karə mə-wul-lɔm to horode tə̂.

1 Timɔte 3:16

Tɔkɔrɔ njaa, tar mə-kunn kə̂ n̂-tee kə gəle kə ddaka le to nɛ̂n kə̂ ngəng nya. Tarɛ̂ le tokə be: Kristə unn da-rɔ dəw, Ndil-mə-nda pa tar-naji laa nan n̂-to gatə gatə, anjəje ooeje, dəwje ilaje mbər tar laa horo gəl-dəwje tə̂, dəwje kə̂ dɔ nangə tə̂ unnje məde arɛ̂, Lubba unnɛ̂ aw saa darâ lo piti tə̂ laa.

Ebərəje 6:19

Əngaje jeje, nɛ̂n kə̂ jaw junda məje dɔɛ tə̂ le to tokə andə-narɛ kə̂ ɔɔy kə̂ n̂-tɔ tɔkə to tə̂ darə uwa ar nɛ̂n lo kâra. Nɛ̂n le nday kubbu kə̂ n̂-gangə nɛ̂n mə kəy-polo Lubba kə̂ mə dara tə̂ ngaâ aw tee lo tə̂ kə̂ n̂-sangə nya bbay mba Lubba.

Ebərəje 9:3

Giri kubbu tə̂ kə̂ to joo laa kə̂ n̂-gangə nɛ̂n mə kəy le, to lo kə̂ daw bbar nan «Lo kə̂ n̂-sangə dang nya bbay mba Lubba.»

Ebərəje 9:8

Ndil-mə-nda tɔju tokə baann to, bbo dɔngɔr kəy-tande le nayn bbay a, ddəw kandə lo tə̂ kə̂ n̂-sangə dang nya bbay mba Lubba nayn ɔru ang bbay tɔ.

1 Piyɛr 3:18

Mba Kristə le njaa oy gɔl kâra baa mba majangje lə dəwje. Ne kə̂ n̂-to gatə gatə, noy mba dəwje kə̂ toje gatə gatə ang, mba kaw kə se rɔ Lubba tə̂. Dəwje tɔl da-rɔɛ̂, a Lubba ndole arə n̂-təl nisi kəm baa ddəw tə̂ lə Ndil-mə-nda.

1 Jan 4:2

Ddəw kə̂ â gərəje nɛ̂n Ndil lə Lubba tokə be: Dəw kə̂ pa kə tɛɛ̂ nan Jeju-Kristə unn da-rɔ dəw bba ddee a, Ndil kə̂ in rɔ Lubba tə̂ to məɛ̂ tə̂.

2 Jan 1:7

Njê-kərəje dəwje tokə banya taaje lo dɔ nangə tə̂. N̂-paje nan Jeju-Kristə unn da-rɔ dəw bba ddee nɛ̂n ang. Dede le n̂-toje to njê-kərəje dəwje kə njê-baanje lə Kristə.