Ebərəje 10:19 - Dɔnɔn kə̂ Siki: Tar kə̂ aw arə təbbə

¹⁹ Yeenn a, ngakɔnʼmje, jee kə ddəw tɔyn njaa ta kandə lo tə̂ kə̂ n̂-sangə dang nya bbay mba Lubba le ddəw məsə Jeju tə̂ kə̂ kayn nangə̂.

Ebərəje 10:19 Iomraidhean Croise

Rɔmɛnje 5:2

Ddəw tə̂ lə Jeju kə̂ junnje məje jarɛ̂ le â Lubba dda nɛ̂n kə je mə-maji ngaâ n-naynje ddəwe tə̂. Yeenn bba, jaw ddaje rɔ-nəəl, mba jundaje məje to jeje kara ja kingaje piti lə Lubba.

Rɔmɛnje 8:15

Mba Ndil kə̂ Lubba arəse le to Ndil kə̂ aw ddase bbərə tə̂ ang ddəm aw ula bbəəl məse tə̂ ang ddəm. To Ndil-mə-nda kə̂ ddase to ngannje lə Lubba ngaâ arəje ddəw karə juru əkii kə rɔ Lubba tə̂ nan: «Aba! Bɔy!»

Epɛjinyɛje 2:18

Mba ddəw tə̂ lə Kristə le â jeje tɔyn ja kasəje ta ddee nɔn Bɔjeje Lubba tə̂, ddəw tə̂ lə Ndil-mə-nda kə̂ kâra baa le.

Epɛjinyɛje 3:12

Ddəw məje tə̂ kə̂ junnje jarəje Jeju-Kristə ngaâ n-ddaje mə-kâra saa le jingaje ddəw ta ddee ngɔsi kə Lubba kə bbəəl ang.

2 Timɔte 1:7

Mba to Ndil bbəəl â Lubba arəje ang. To Ndil singa, ndiki kə tɔ bbo kə̂ da-rɔje tə̂.

Ebərəje 10:18

A n-gərə kə majɛ̂ to, bbo Lubba ɔru tar majang dɔ dəw tə̂ mban a, dəw le a karə nɛ̂n mba kɔru nɛ̂n tar majang laa le ang ngaa.

Ebərəje 10:35

Yeenn a, məse kə̂ undaje le, maji karə ə-tusuje inyaje ang. Mba kuka kə̂ bo nya to ddəwe tə̂.

Ebərəje 12:28

Lubba aw arəje Bbe-kɔn kə̂ nɛ̂n a kasə ta yəkə ang. Yeenn bba, maji karə jarɛ̂je wooyo ngaâ n-poleje kə ddəw kə̂ a karɛ̂ rɔ-nəəl, n-ngəmje rɔje mba tar laa ddəm n-bbəəleje ddəm.

Ebərəje 3:1

Mba yeenn bba, see ngakɔnʼm kə̂ Lubba bbarse arə ə-ddeeje to dəwje laa, arəje kəmse to kə dɔ Jeju tə̂. N̂-to nje-kaw-kula lə Lubba ddəm tɔkə nje-polo Lubba kə̂ jooje məje tə̂ ddəw tə̂ laa ngaâ jaw pa tarɛ̂ kə taje ddəm.

Ebərəje 3:6

A bbasinɛn, Kristə dda kula kə dɔgɔlɛ̂ to Ngonn lə Lubba njaa kə̂ undɛ̂ karə ɔn dɔ kəy laa. Jeje, bbo n-naynje jaw jundaje məje dɔ nɛ̂n tə̂ kə̂ jaw nginanje ngaâ jaw ddaje nɛ̂n rɔ-nəəl le a, n-toje to kəy lə Lubba njaa.

Ebərəje 4:16

Yeenn a, maji karə n-ddeeje ngɔsi kə ngende-mbay lə Lubba kə̂ to nje-mə-maji ta jarə məje oso pɔn. Baann bba nâ koo kəm-to-ndoo ləje ngaâ nâ dda kə je mə-maji ta nâ kumanje mə karje tə̂ kə̂ asə karə numanje.

Ebərəje 7:25

Mba yeenn bba, dəwje kə̂ aw ddeeje ngɔsi kə Lubba ddəw tə̂ laa le, nasə ta kajide nyɔm kə ləw. Mba n̂-nayn kəm baa kə ndɔ tɔyn arə nasə ta duju Lubba mba tar ləde.

Ebərəje 9:12

Kristə andə lo tə̂ kə̂ n̂-sangə dang nya bbay le gɔl kâra baa njaa a bbayɛ̂. Məsə bal-binyaje kə məsə ngann mangəje â naw nɛ̂n to nɛ̂n-polo ang. Məse njaa naw nɛ̂n bba nɔru nɛ̂n je kə ddang mə majang tə̂ ləje nyɔm nyɔm.

Ebərəje 9:3

Giri kubbu tə̂ kə̂ to joo laa kə̂ n̂-gangə nɛ̂n mə kəy le, to lo kə̂ daw bbar nan «Lo kə̂ n̂-sangə dang nya bbay mba Lubba.»

1 Jan 4:17

Ddəw nɛ̂n tə̂ kə̂ be â ja gərəje to ndiki laa to məje tə̂ kə majɛ̂. Baann bba məje a koso pɔn ndɔ gangə sariya tə̂, mba kisi ləje dɔ nangə tə̂ to ddəw kâra baa kə ənga Jeju.