Ebərəje 10:14 - Dɔnɔn kə̂ Siki: Tar kə̂ aw arə təbbə

¹⁴ Mba ddəw nɛ̂n-karə-baa tə̂ kə̂ kâra baa njaa, n̂-dda narə dəwje kə̂ n̂-toko majang ləde ddeeje maji tɔyn kə ndɔ kə ndɔ.

Ebərəje 10:14 Iomraidhean Croise

Kulaje 20:32

«A bbasinɛn minyase ji Lubba tə̂ kə tar mə-maji tə̂ laa kə̂ asə ta dda karə ə-sangəje ddəm karə ingaje nɛ̂nje kə̂ maji kə̂ n̂-gɔl mba dəwje laa ddəm.

Kulaje 26:13

Tɔkə mbay, mee ddəw-boô maw maw ngaâ kar ar dannâ a, moo marə lo-karɛ in darâ uru dɔm tə̂, əman kə njê-buwa lo-kawje ləm. Lo-karɛ le ndoko laa uta ndoko lə kar.

Rɔmɛnje 15:16

karə m-ddee to nje-kula lə Jeju-Kristə horo dəwje tə̂ kə̂ toje to Jiipije ang. Nundam dang karə mila mbər Tar kə̂ Maji. Yeenn bba dəwje kə̂ toje to Jiipije ang a ddeeje tokə nɛ̂n-karə-baa kə̂ maji kəm Lubba tə̂. Ndil-mə-nda â dda arə nɛ̂n-karə-baa le maji tɔyn.

1 Kɔrɛntinyɛje 1:2

jula kə makəturu nəənn jarə njê-mə-kunnje kə̂ mə Egilisi tə̂ lə Lubba kə̂ bbe tə̂ kə̂ Kɔrɛntə ddəm jarə dəwje kə̂ Lubba bbarde ddəw tə̂ lə Jeju-Kristə ngaâ undade dang arə n̂-toje to njê-mə-ndaje ddəm. Jula kə makəturu nəənn jarə dəwje tɔyn kə̂ aw bbarje ri Əbbəjeje Jeju-Kristə loje tə̂ tɔyn. Jeju-Kristə kə̂ to Əbbədede ddəm Əbbəjeje ddəm.

Epɛjinyɛje 5:26

N̂-dda baann karə Egilisi ddee to nɛ̂n kə̂ dunda dang mba Lubba. Mba n̂-toko Egilisi le kə maann ddəm kə Tar ddəm.

Ebərəje 10:1

Ndu lə Mɔyijə to ndil nɛ̂nje kə̂ maji kə̂ a toje ndɔ tə̂ kə̂ bara, bbo tɔju nɛ̂nje le kə dɔgɔlɛ̂ tɔyn ang. Mba yeenn bba, ddəw nɛ̂n-poloje tə̂ kə̂ daw darə kə bbal kâra kâra tɔyn le, Ndu asə ta dda karə dəw kə̂ ndiki ta ddee ngɔsi kə Lubba ddee maji tɔyn ndɔ kâra ang.

Ebərəje 10:10

Jeju-Kristə dda nɛ̂n kə̂ Lubba ndiki ddəw da-rɔɛ̂ tə̂ kə̂ nunn gɔl kâra baa njaa narə to dɔbɔnyɛ̂ bba karə n̂-toko nɛ̂n-yərəw ləje.

Ebərəje 10:12

A Kristə arə nɛ̂n-polo kâra baa mba majangje. Goe tə̂ a, nisi dɔ ji-kɔl Lubba tə̂ nyɔm kə ləw.

Ebərəje 13:12

Mba yeenn bba Jeju njaa kara oy giri bbe tə̂ ddaka mba toko nɛ̂n nɛ̂n-yərəw lə dəwje kə məse njaa.

Ebərəje 2:11

A ne kə̂ naw dda narə dəwje aw ddeeje to dəwje lə Lubba le, ne de kə dəwje lə Lubba le tɔyn njaa bɔdede kâra baa. Mba yeenn bba bbo n̂-bbarde to ngakɔɛ̂n a, to rɔ-kul laa ang.

Ebərəje 7:19

Mba nɛ̂n kâra kə̂ Ndu lə Mɔyijə dda arə ddee maji tɔyn goto. A jingaje marə nɛ̂n kə̂ maji nya uta, ta kunda məje dɔɛ̂ tə̂. Ddəw nɛ̂n tə̂ənn â jaw ddeeje nɛ̂n ngɔsi kə Lubba.

Ebərəje 7:25

Mba yeenn bba, dəwje kə̂ aw ddeeje ngɔsi kə Lubba ddəw tə̂ laa le, nasə ta kajide nyɔm kə ləw. Mba n̂-nayn kəm baa kə ndɔ tɔyn arə nasə ta duju Lubba mba tar ləde.

Ebərəje 9:10

Nɛ̂njeenn toje to nɛ̂nje kə̂ dəwje â aw ddaje rɔde tə̂ ddaka baa ɔju dɔ nɛ̂n-kusaje kə toko nɛ̂n-yərəwje. Nɛ̂njeenn le toje to nduje kə̂ naynje kə singade ndərəng kar tə̂ kə̂ Lubba turu nɛ̂n nɛ̂nje tɔyn arə ddeeje tokə siki.

Ebərəje 9:14

Bbo baann a, məsə Kristə ngəng uta məsə dajeenn le. Ddəw tə̂ lə Ndil kə̂ to kə ndɔ kə ndɔ, Kristə unn rɔɛ̂ njaa arə Lubba to nɛ̂n-polo kə̂ maji tɔyn. Yeenn a, məse a toko kəjə nɛ̂n-ddaje kə̂ aw awje kə je karə jingaje yo le, karə n-ddaje kula lə Lubba kə̂ nje-kisi kəm baa le.

Judə 1:1

Əman Judə ngokɔn Jakə kə̂ m-to bbərə-kula lə Jeju-Kristə, m-dda makəturu nəənn marə dəwje kə̂ Lubba bbarde kə ddaka, dəwje kə̂ Lubba kə̂ Bɔ ndikide nya ngaâ ngəmde mba Jeju-Kristə.