Ebərəje 10:10 - Dɔnɔn kə̂ Siki: Tar kə̂ aw arə təbbə

¹⁰ Jeju-Kristə dda nɛ̂n kə̂ Lubba ndiki ddəw da-rɔɛ̂ tə̂ kə̂ nunn gɔl kâra baa njaa narə to dɔbɔnyɛ̂ bba karə n̂-toko nɛ̂n-yərəw ləje.

Ebərəje 10:10 Iomraidhean Croise

Tar kə̂ Maji kə̂ Jan dda makəturu tə̂ 17:19

Ngaâ, m-ngəm rɔm dang mbade, bba karə dede kara n̂-ngəmje rɔde dang ddəw tar tə̂ kə̂ tɔkɔrɔ.

Tar kə̂ Maji kə̂ Jan dda makəturu tə̂ 19:34

A marə mbamba kâra ɔsu kar Jeju le kə ninga. Njangə baa njaa, məsə ddəm maann ddəm teeje kəm do tə̂ le.

Tar kə̂ Maji kə̂ Jan dda makəturu tə̂ 6:51

M-to mapa kə̂ nayn kəm baa kə̂ in darâ ddee. Dəw kə̂ usa mapa nəənn le a kisi kə təbbə kə̂ to kə ndɔ kə ndɔ. Mapa kə̂ mâ karɛ̂ to da-rɔm kə̂ a karə təbbə dəwje kə̂ dɔ nangə tə̂.»

1 Kɔrɛntinyɛje 1:30

Ddəw mə-maji tə̂ lə Lubba â ə-ddaje nɛ̂n mə-kâra kə Jeju-Kristə kə̂ to kəm-karɛ kə̂ in rɔ Lubba tə̂. Kristə le dda arə n-ddeeje gatə gatə kəm Lubba tə̂, narə n-ngəm rɔje dang ngaâ nɔruje mə-majang tə̂.

1 Kɔrɛntinyɛje 6:11

Marə dəwje horose tə̂ toje tokə baann ləw. A Lubba tokose, nundase dang. Narə ə-ddeeje to dəwje kə̂ gatə gatə kə ri Əbbəjeje Jeju-Kristə ddəw tə̂ lə Ndil-mə-nda.

Epɛjinyɛje 5:2

Ə-ndikije njê-marəse tokə Kristə ndikije ngaâ unn təbbə laa arə Lubba to nɛ̂n-karə-baa ddəm to nɛ̂n-polo kə̂ tokə dukann kə̂ ətə maji ddəm.

Epɛjinyɛje 5:26

N̂-dda baann karə Egilisi ddee to nɛ̂n kə̂ dunda dang mba Lubba. Mba n̂-toko Egilisi le kə maann ddəm kə Tar ddəm.

Ebərəje 10:12

A Kristə arə nɛ̂n-polo kâra baa mba majangje. Goe tə̂ a, nisi dɔ ji-kɔl Lubba tə̂ nyɔm kə ləw.

Ebərəje 10:14

Mba ddəw nɛ̂n-karə-baa tə̂ kə̂ kâra baa njaa, n̂-dda narə dəwje kə̂ n̂-toko majang ləde ddeeje maji tɔyn kə ndɔ kə ndɔ.

Ebərəje 10:20

Nɔru ddəw kə̂ siki kə̂ jasəje ta kunn ta kinga nɛ̂n təbbə narəje. Ddəw le nday mə tɔkə bəl-kubbu tə̂ kə̂ n̂-gangə nɛ̂n mə kəy-tande kinga-naan le. Yeenn pa nan ddəw da-rɔɛ̂ tə̂ njaa.

Ebərəje 10:29

Yeenn a, dəw kə̂ oo Ngonn lə Lubba to nɛ̂n ang kəmɛ̂ tə̂ ngaâ oo məsə dɔnɔn kə̂ Lubba ɔsu karə toko nɛ̂n-yərəwje laa to nɛ̂n kə̂ baa ngaâ taji Ndil-mə-nda kə̂ aw dda saa mə-maji le, kunda laa a bo nya.

Ebərəje 10:5

Mba yeenn bba, kar tə̂ kə̂ Kristə a ta ddee dɔ nangə tə̂ le, n̂-pa narə Lubba nan: «Ə-ndiki nɛ̂n-polo ang ddəm nɛ̂n-karə-baa ang ddəm a ə-dda arə da-rɔm to.

Ebərəje 13:12

Mba yeenn bba Jeju njaa kara oy giri bbe tə̂ ddaka mba toko nɛ̂n nɛ̂n-yərəw lə dəwje kə məse njaa.

Ebərəje 2:11

A ne kə̂ naw dda narə dəwje aw ddeeje to dəwje lə Lubba le, ne de kə dəwje lə Lubba le tɔyn njaa bɔdede kâra baa. Mba yeenn bba bbo n̂-bbarde to ngakɔɛ̂n a, to rɔ-kul laa ang.

Ebərəje 2:14

Ngannje nəənn le toje tɔyn to dəwje. Yeenn bba Jeju kara ddee to dəw tokə dede tɔ. Baann bba ddəw koy tə̂ laa, n̂-guru singa Əsu kə̂ ee kə singa tɔl dəw,

Ebərəje 5:7

Kar kə̂ Jeju nayn nɛ̂n dɔ nangə tə̂ bbay le n̂-duju Lubba n̂-dda nɛ̂n rɔɛ̂ to ndoo, nuru nɛ̂n əkii ləm ang ddəm nɔn Lubba tə̂ kə̂ asə ta kajɛ̂ ta yo tə̂. Yeenn bba Lubba oo ndu-nɔn laa le mba nunn rɔɛ̂ narə Lubba.

Ebərəje 7:27

Kəsə tɔkə njê-poloje Lubba aw arəje nɛ̂n-polo Lubba kə ndɔ kâra kâra tɔyn, dɔngɔrɛ̂ darəje mba majang ləde dede njaa ngaa bba goe tə̂ a darəje mba majang lə kəsə dəwje. A Jeju to tokə baann ang. Narə nɛ̂n-polo gɔl kâra baa, to da-rɔɛ̂ njaa kə̂ nunn narə to nɛ̂n-polo.

Ebərəje 9:12

Kristə andə lo tə̂ kə̂ n̂-sangə dang nya bbay le gɔl kâra baa njaa a bbayɛ̂. Məsə bal-binyaje kə məsə ngann mangəje â naw nɛ̂n to nɛ̂n-polo ang. Məse njaa naw nɛ̂n bba nɔru nɛ̂n je kə ddang mə majang tə̂ ləje nyɔm nyɔm.

Ebərəje 9:14

Bbo baann a, məsə Kristə ngəng uta məsə dajeenn le. Ddəw tə̂ lə Ndil kə̂ to kə ndɔ kə ndɔ, Kristə unn rɔɛ̂ njaa arə Lubba to nɛ̂n-polo kə̂ maji tɔyn. Yeenn a, məse a toko kəjə nɛ̂n-ddaje kə̂ aw awje kə je karə jingaje yo le, karə n-ddaje kula lə Lubba kə̂ nje-kisi kəm baa le.

Ebərəje 9:26

Mba bbo tokə baann a, nâ koo ndoo koy nɛ̂n gɔl banya nya, kunn-kute tə̂ kə̂ Lubba dda nɛ̂n duninya. A bbasinɛn nəənn, ddutu ndɔje tə̂ nəənn, Kristə ddee gɔl kâra baa to dɔbɔyn. Nunn rɔɛ̂ njaa narə to nɛ̂n-polo ta kɔru nɛ̂n majang kə ddang.

Ebərəje 9:28

Ddəw kâra baa, Kristə unn rɔɛ̂ arə to nɛ̂n-polo gɔl kâra baa ta kɔru nɛ̂n tar majang lə dəwje kə̂ banya. Nâ təl ddee kə̂ gɔl joo laa ta kaji dəwje kə̂ aw nginɛ̂nje, bbo ta kɔru tar majang ang ngaa.

1 Piyɛr 2:24

Noto majangje ləje dɔɛ̂ tə̂ dɔ kakə-dəsə tə̂ mba karə jeje kə̂ jɔruje rɔje majang tə̂, ddəw koy tə̂ kə̂ joyje saa mban le jisije kəm baa mba dda nɛ̂n kə̂ gatə gatə. Ddəw doje tə̂ kə̂ ninga, najije rɔ-toje tə̂ ləje.

1 Piyɛr 3:18

Mba Kristə le njaa oy gɔl kâra baa mba majangje lə dəwje. Ne kə̂ n̂-to gatə gatə, noy mba dəwje kə̂ toje gatə gatə ang, mba kaw kə se rɔ Lubba tə̂. Dəwje tɔl da-rɔɛ̂, a Lubba ndole arə n̂-təl nisi kəm baa ddəw tə̂ lə Ndil-mə-nda.

1 Jan 5:6

Ne Jeju-Kristə, kə̂ n̂-ddee ddəw maann tə̂ kə ddəw məsə tə̂. N̂-ddee kə maann kâra baa ang, n̂-ddee kə maann ddəm kə məsə ddəm. Tar-naji kə̂ Ndil pa dɔ nɛ̂n tə̂ənn to tar kə̂ tɔkɔrɔ, mba n̂-to Ndil tar kə̂ tɔkɔrɔ.