Apokalisi 1:3 - Dɔnɔn kə̂ Siki: Tar kə̂ aw arə təbbə

³ Maji arə dəw kə̂ tura makəturu nəənn. Maji arəde, de dəwje kə̂ dooje tarje kə̂ Lubba tee nɛ̂n kə ddaka nəənn ngaâ n̂-ngəmje tarje kə̂ n̂-dda makəturu tə̂ le. Mba kar kə̂ nɛ̂njeenn le a teeje nɛ̂n le nayn ngɔsi.

Maketuru le Lubba ke tar kabba

³ Rɔ-neel to le dew ke tura maketuru neenn. Rɔ-neel to le dewje ke ooje tarje ke Lubba tee ne ke ddaka neenn, ngaa ngemje tarje ke n̂-dda maketuru te le. Mba kare ke nejeenn le a teeje ne le nayn ngɔsi.

Apokalisi 1:3 Iomraidhean Croise

Matiye 24:15

«Â kooje ‹nɛ̂n kə̂ maji ang kə̂ aw tuju lo› kə̂ to lo tə̂ kə̂ n̂-sangə dang mba Lubba, nɛ̂n kə̂ Daniyɛl kə̂ to tɔkə nje-kila mbər tar lə Lubba ila mbəre le. Maji karə dəw kə̂ aw tura Makəturu nəənn gərə kandɛ̂ kə majɛ̂!

Luku 11:28

A Jeju ilɛ̂ tə̂ nan: «Uta tɔyn, maji arə dede kə̂ dooje tar lə Lubba a, ngəmje.»

Rɔmɛnje 13:11

Yeenn a, maji karə ə-ddaje tokə baann. Mba ə-gərəje kar kə̂ jee tə̂ nəənn kə majɛ̂. Bbasinɛn to kar kə̂ ta karə ə-ndolje, mba kar kə̂ Lubba a kaji nɛ̂n je le nayn ngɔsi baa nya kə je uta kar kə̂ jooje nɛ̂n məje tə̂.

Rɔmɛnje 13:12

Ta lo-karɛ ngaa. Yeenn a, maji karə jinyaje nɛ̂n-ddaje kə̂ dəwje aw ddaje lo ndul tə̂ ta julaje nɛ̂n-ddɔje kə̂ dəwje aw ddaje nɛ̂n ddɔ dann karâ rɔje tə̂.

1 Piyɛr 4:7

Nɛ̂nje tɔyn naynje ngɔsi baa ta kɔsu kɔyn ngaa. Yeenn a, maji karə ə-gərəje dɔ jise, arəje kəmse kətərə ta ə-dujuje Lubba.

2 Piyɛr 3:8

A ngakɔnʼmje kə̂ m-ndikise nya, marə nɛ̂n to kə̂ ta karə məse oy ang: Kəm Əbbə-dəwje tə̂, ndɔ kâra to tokə bbal doro kâra, a bbal doro kâra to tokə ndɔ kâra.

Apokalisi 22:10

Goe tə̂ a, n̂-pa narəm nan: «Ə-kusu tarje lə Lubba kə̂ dila mbəre makəturu tə̂ nəənn ang. Mba kar nayn ngɔsi baa ngaa.

Apokalisi 22:12

Jeju pa nan: «Oo, maw ddee ngɔsi baa. Maw ddee kə kuka lə dəw kâra kâra asə kula-ddɛɛ̂.

Apokalisi 22:20

Dəw kə̂ pa tar-naji nɛ̂nje nəənn le, pa nan: «Tɔkɔrɔ, maw ddee ngɔsi baa.» Amɛnn! Ə-ddee, Əbbə-dəwje Jeju!

Apokalisi 3:11

Maw ddee bbasinɛn baa. Maji karə uwa nɛ̂n kə̂ ee nɛ̂n le arə ngəng nan karə marə dəw in taa əjɔkudɔ ləi jii tə̂.