3 Jan 1:2 - Dɔnɔn kə̂ Siki: Tar kə̂ aw arə təbbə

² Ngokɔnʼm kə̂ m-ndikii nya, m-duju Lubba karə nɛ̂nje tɔyn njaa maji to maji ari. M-duju tɔ karə rɔi kara to kə majɛ̂ tokə lə kəwn ləi kə̂ aw to kə majɛ̂ le.

3 Jan 1:2 Iomraidhean Croise

Matiye 9:12

Jeju oo tar le ngaâ pa nan: «Dəwje kə̂ rɔde to kə majɛ̂ aw ndikije ta koo nje-karə-kuman ang. Dəwje kə̂ rɔde tode bba.»

Pilipinyɛje 2:27

Tɔkɔrɔ njaa, rɔɛ̂ toe ngɔsi kə yo, a Lubba oo kəm-to-ndoo laa. Noo kəm-to-ndoo laa kə karɛ̂ baa ang, noo kəm-to-ndoo ləm tɔ, yeenn bba karə nɛ̂n kəm-to-ndoo təl ddee dɔ marɛ̂ tə̂ bbay ang.

Pilipinyɛje 2:4

Maji karə dəw kâra kâra sangə nɛ̂n mba kisi maji laa njaa ang. A n̂-sangə nɛ̂n mba kisi maji lə njê-marɛ̂je tɔ.

2 Tesalonisinyɛje 1:3

Ngakɔnje, to tar ləje ta karə wooyo Lubba kə kar tɔyn mbase. To nɛ̂n kə to kə dɔgɔlɛ̂ njaa. Mba mə-kunn ləse aw bo kə kete kete ngaâ aw ndikije naan kə kete kete.

2 Tesalonisinyɛje 2:13

See ngakɔnje kə̂ Əbbə-dəwje ndikise nya, to tar ləje ta karə wooyo Lubba mbase kə ndɔ tɔyn, mba Lubba mbərəse kunn-kutu duninya tə̂ nu karə ingaje kaji ddəw Ndil tə̂ kə̂ aw dda arə ə-ddeeje maji tɔyn kə ddəw məse tə̂ kə̂ unnje arəje tar kə̂ tɔkɔrɔ.

Jakə 5:12

Uta tɔyn, ngakɔnʼmje, maji karə undaje yo kə ri dara ang ddəm nangə ang ddəm undaje marə yo-kunda dang ang. A maji karə bbo nɛ̂n kə̂ to ye njaa a, ə-paje nan: «Ye njaa», bbo nɛ̂n kə̂ to ye ang a, ə-paje nan: «Ye ang». Baann bba Lubba a gangə sariya dɔse tə̂ ang.

1 Piyɛr 4:8

Dɔngɔr nɛ̂n, arəje ndiki naan ləse to kə lo-toe, mba ndiki ɔnn dɔ majangje nya.

2 Piyɛr 3:18

A maji karə ə-sangəje kə kete kete ddəw mə-maji tə̂ lə Əbbəjeje kə̂ Nje-kajije Jeju-Kristə ddəm ddəw gərə tə̂ kə̂ ə-gəreje ddəm. Maji karə piti to laa, bbasinɛn nəənn nyɔm kə ləw. Amɛnn!

3 Jan 1:1

Əman tɔkə le, m-dda makəturu nəənn mari əi Gayus kə̂ m-ndikii kə ndiki kə̂ tɔkɔrɔ.

Apokalisi 2:9

M-gərə nɛ̂n-singaje kə̂ aw ingai kə ndoo kə̂ ə-ndoo. A kə̂ tɔkɔrɔ tə̂, ə-to nje-nɛ̂n-kinga. M-gərə tarje kə̂ maji ang kə̂ dəwje kə̂ toje to Jiipije ang, a aw ddaje rɔde to Jiipije aw paje dɔi tə̂. N̂-toje to dəwje kə̂ mə mbɔn-naan tə̂ lə Satan.