2 Piyɛr 3:7 - Dɔnɔn kə̂ Siki: Tar kə̂ aw arə təbbə

⁷ A ddəw tar kə̂ tɛɛ̂ tə̂ ne Lubba le njaa naw ngəm nɛ̂n dara kə nangə kə̂ bbokənɛn nəənn ta nginan nɛ̂n ndɔ kə̂ puru a kɔnde. Dara kə nangə le a nginanje ndɔ kə̂ nâ gangə nɛ̂n sariya dɔ njê-nɛ̂n-ddaje tə̂ kə̂ maji ang kə ndɔ kə̂ nâ tuju nɛ̂n de nyɔm.

2 Piyɛr 3:7 Iomraidhean Croise

Matiye 10:15

M-pa tar kə̂ tɔkɔrɔ marəse. Ndɔ gangə sariya a, sariya kə̂ dɔ dəwje tə̂ kə̂ dɔ nangə tə̂ənn a ngəng kuta sariya kə̂ dɔ bbeje tə̂ kə̂ Sɔdɔm kə Gɔmɔr.»

Matiye 11:22

Mba yeenn bba, m-pa marəse: Ndɔ gangə sariya a, sariya kə̂ dɔse tə̂ a ngəng kuta sariya kə̂ dɔ Tir kə Sidɔn tə̂.

Matiye 11:24

Mba yeenn bba, m-pa marəse, ndɔ gangə sariya a, sariya kə̂ dɔse tə̂ a ngəng kuta sariya kə̂ dâ gangə dɔ dəwje tə̂ kə̂ Sɔdɔm.»

Matiye 12:36

M-pa marəse, tarje kə̂ baa baa tɔyn kə̂ dəwje aw paje, dâ kɔruje gəle ndɔ gangə sariya tə̂.

Matiye 24:35

«Dara kə nangə a ndayje, a tarje ləm a ndayje ang.»

Matiye 25:41

«Goe tə̂ a, nâ pa karə njê kə̂ eeje dɔ ji-gəle tə̂ le nan: ‹Ɔtuje mbɔrəm tə̂ kə ddang, sese kə̂ ndu-ndɔɔl to dɔse tə̂. Awje dann puru tə̂ kə̂ aw ɔn kə ndɔ kə ndɔ, kə̂ Lubba gɔl mba əsu kə anjəje laa.

Marke 6:11

Bbo dəwje kə̂ marə bbe tə̂ ndikije ta taase kə kə̂y ang ngaâ dooje tar ləse ang a, bbo a ta kɔtuje lo tə̂ənn le a, ə-tundaje bum nangə kə̂ gɔlse tə̂. Nayn to naji ləse â ɔruje.»

Tar kə̂ Maji kə̂ Jan dda makəturu tə̂ 12:48

Bbo dəw mbətəm ngaâ taa tar ləm ang a, ddutu ndɔ tə̂, nɛ̂n kə̂ a gangə sariya dɔɛ̂ tə̂ to tarje kə̂ m-pa â a gangəje sariya dɔɛ̂ tə̂.

Rɔmɛnje 2:5

A məi kətərə arə ə-ndiki ta turu ddəw ləi ang. Aw mbɔn wungu lə Lubba dɔi tə̂ mba nginan nɛ̂n ndɔ kə̂ Lubba a gangə nɛ̂n sariya laa kə̂ gatə gatə dɔ dəwje tə̂.

1 Kɔrɛntinyɛje 3:13

kula lə dəw kâra kâra a tee kə ddaka kəm dəwje tə̂ ndɔ gangə sariya tə̂. Dâ nan kula lə dəw kâra kâra kə puru ta gərə.

Pilipinyɛje 1:28

Ə-bbəəlje njê-baanje le ang. Yeenn bba a tɔjujede to dunnje ddəw yo, a sese unnje ddəw kaji, mba nɛ̂ɛnn le in rɔ Lubba tə̂.

2 Tesalonisinyɛje 2:3

Dang bba arəje marə dəw ərəse kə marə gusu ang. Dɔngɔrɛ̂, dəwje a kunnje kutu dda dɔ-kətərə kə Lubba bba. Ngaâ dəw kə̂ mbətə ta dda nɛ̂n kə turu ndu Lubba a tɔju rɔɛ̂ kə ddaka. Ne le Lubba undɛ̂ karə n̂-nayn kə kɔrɔ̂ nyɔm.

1 Timɔte 6:9

A dəwje kə̂ ndikije ta ddee to njê-nɛ̂n-kingaje osoje mə nɛ̂n-kərə tə̂. Dosoje mə bandə tə̂ ddəw bbo nɛ̂nje tə̂ kə̂ maji ang dang dang kə̂ aw tuju dəwje ngaâ aw aw kə dəwje arə naynje kə kɔrɔ̂.

Ebərəje 12:29

Mba Lubba ləje to tokə puru kə̂ aw ɔn nɛ̂n tɔyn.

2 Piyɛr 2:9

Yeenn tɔju to Əbbə-dəwje gərə gusu kə̂ ta kɔru nɛ̂n dəwje kə̂ unnje rɔde arɛ̂je mə nɛ̂n-nan tə̂ kə ddang. A naw ngəm njê kə̂ toje gatə gatə ang mba gangə sariya dɔde tə̂ ndɔ gangə sariya tə̂.

2 Piyɛr 3:10

Ndɔ lə Əbbə-dəwje a ddee tokə ddee lə nje-bboko. Ndɔɛ̂ tə̂ənn le, dara a kɔtu. Kar kɔtu laa a, kɔrɛ̂ a bbar kə singa nya. Puru a kɔn nɛ̂nje kə̂ mə dara tə̂ ngaâ nangə kə nɛ̂nje kə̂ dɔ nangə tə̂ a gotoje.

2 Piyɛr 3:12

Maji karə ə-nginanje ddee le ndɔ lə Lubba le ta ə-ddaje arəje ndɔ le ddee njangə. Mba ndɔɛ̂ le puru a kɔn dara, puru a kɔn nɛ̂nje kə̂ darâ ngaâ a lɛɛnje.

1 Jan 4:17

Ddəw nɛ̂n tə̂ kə̂ be â ja gərəje to ndiki laa to məje tə̂ kə majɛ̂. Baann bba məje a koso pɔn ndɔ gangə sariya tə̂, mba kisi ləje dɔ nangə tə̂ to ddəw kâra baa kə ənga Jeju.

Judə 1:7

Oleje məse dɔ tar tə̂ lə dəwje kə̂ bbeje tə̂ kə̂ Sɔdɔm kə Gɔmɔr kə lə dəwje kə̂ mə bbeje tə̂ kə̂ mbɔrde tə̂. N̂-ddaje maji ang tokə lə anjəje le tɔ. Dunnje rɔde dilaje kula kaya tə̂. N̂-ndikije ta dda nɛ̂n kə̂ asə karə dəw dda ang. Yeenn bba, Lubba gangə sariya dɔde tə̂ arə puru kə̂ to kə ndɔ kə ndɔ aw ɔnde. N̂-təlje to nɛ̂n-kɔju-marɛ̂ horo dəwje tə̂.

Apokalisi 17:11

Da kə̂ to ləw bba goto ngaa le, ne njaa n̂-to tɔkə mbay kə̂ to jijoo laa le. N̂-to horo njê kə̂ siri tə̂ le tɔ. Naw ta nayn kə kɔrɔ̂ baa nyɔm.

Apokalisi 17:8

Da kə̂ ooe le to ləw, a n̂-to ang ngaa. Nâ kin tɔkə buwa tə̂ kə̂ sunrɛ̂ goto le tee ta kaw nayn kə kɔrɔ̂ nyɔm. Bbo dəwje kə̂ kunn-kutu duninya tə̂ nu duja ride makəturu təbbə tə̂ ang ooje da le a, məde a kunda dɔ binya. Mba n̂-to ləw, a n̂-to ang ngaa, a nâ təl kunda lo tee bbay.

Apokalisi 20:11

Goe tə̂ a, moo tɔkə ngende-mbay kə̂ nda kə dəw kə̂ isi dɔɛ tə̂. Nangə kə dara ɔtuje aynje nɔɛ̂n tə̂ kə ddang arə dəw təl oode ang ngaa.

Apokalisi 21:1

Goe tə̂ a, moo dara kə̂ siki kə nangə kə̂ siki. Mba dara kə̂ dɔngɔr kə nangə kə̂ dɔngɔr ikije ngaâ ba-katə goto ngaa.