2 Piyɛr 3:12 - Dɔnɔn kə̂ Siki: Tar kə̂ aw arə təbbə

¹² Maji karə ə-nginanje ddee le ndɔ lə Lubba le ta ə-ddaje arəje ndɔ le ddee njangə. Mba ndɔɛ̂ le puru a kɔn dara, puru a kɔn nɛ̂nje kə̂ darâ ngaâ a lɛɛnje.

2 Piyɛr 3:12 Iomraidhean Croise

Matiye 16:27

Mba Ngonn lə dəw a ddee mə piti tə̂ lə Bɔɛ̂je kə anjəje laa. Nâ kuka dəw kâra kâra asə kula-ddɛɛ̂.

Matiye 16:28

Tɔkɔrɔ njaa, m-pa marəse: Marə dəwje horo dəwje tə̂ kə̂ arje nəənn a koyje ang ndərəng dâ kooje Ngonn lə dəw kə̂ a ddee ta kɔn-mbay.»

Pilipinyɛje 1:6

Nɛ̂n kə̂ m-gərə â tokə be: Lubba kə̂ unn kutu kula kə̂ maji tɔyn nəənn ddəw tə̂ ləse a kaw nɛ̂n ndərəng karə tunga ndɔ tə̂ kə̂ Jeju-Kristə a təl.

Titə 2:13

N-ddaje tokə baann n-nginanje nɛ̂n ndɔ kisi kə rɔ-nəəl ləje kə̂ jundaje məje dɔɛ̂ tə̂ le. To ndɔ kə̂ tɔkə Lubba ləje kə̂ to Nje-kajije Jeju-Kristə a ddee kə piti laa.

2 Piyɛr 3:10

Ndɔ lə Əbbə-dəwje a ddee tokə ddee lə nje-bboko. Ndɔɛ̂ tə̂ənn le, dara a kɔtu. Kar kɔtu laa a, kɔrɛ̂ a bbar kə singa nya. Puru a kɔn nɛ̂nje kə̂ mə dara tə̂ ngaâ nangə kə nɛ̂nje kə̂ dɔ nangə tə̂ a gotoje.

2 Piyɛr 3:11

Nɛ̂njeenn tɔyn a gotoje, yeenn a, maji karə nɛ̂n-yərəw ɔru pa-nja ləse ang ngaâ ə-ngəmje rɔse mba Lubba.

2 Piyɛr 3:4

Dâ paje nan: «Jeju kə̂ unn ndue nan na təl ddee le ee dda wa? Mba kajejedede oyje, a ləw baa njaa nɛ̂nje tɔyn naynje kə lo-tode tokə ye kə̂ kunn-kutu nɛ̂nje tə̂ le.»

2 Piyɛr 3:7

A ddəw tar kə̂ tɛɛ̂ tə̂ ne Lubba le njaa naw ngəm nɛ̂n dara kə nangə kə̂ bbokənɛn nəənn ta nginan nɛ̂n ndɔ kə̂ puru a kɔnde. Dara kə nangə le a nginanje ndɔ kə̂ nâ gangə nɛ̂n sariya dɔ njê-nɛ̂n-ddaje tə̂ kə̂ maji ang kə ndɔ kə̂ nâ tuju nɛ̂n de nyɔm.

Judə 1:21

Ə-naynje ddəw ndiki tə̂ lə Lubba mba nginan nɛ̂n Əbbə-dəwje Jeju-Kristə. Ne kə̂ nâ dda kə je maji karə jingaje təbbə kə̂ to kə ndɔ kə ndɔ.