2 Piyɛr 3:11 - Dɔnɔn kə̂ Siki: Tar kə̂ aw arə təbbə

¹¹ Nɛ̂njeenn tɔyn a gotoje, yeenn a, maji karə nɛ̂n-yərəw ɔru pa-nja ləse ang ngaâ ə-ngəmje rɔse mba Lubba.

2 Piyɛr 3:11 Iomraidhean Croise

Matiye 8:27

Dede tɔyn njaa məde unda dɔ binya ngaâ n̂-paje nan: «Dəw nəənn to dəw ddi bba ləl kə maann kara ooje tɛɛ̂ nəənn wa?»

Rɔmɛnje 13:11

Yeenn a, maji karə ə-ddaje tokə baann. Mba ə-gərəje kar kə̂ jee tə̂ nəənn kə majɛ̂. Bbasinɛn to kar kə̂ ta karə ə-ndolje, mba kar kə̂ Lubba a kaji nɛ̂n je le nayn ngɔsi baa nya kə je uta kar kə̂ jooje nɛ̂n məje tə̂.

Rɔmɛnje 13:12

Ta lo-karɛ ngaa. Yeenn a, maji karə jinyaje nɛ̂n-ddaje kə̂ dəwje aw ddaje lo ndul tə̂ ta julaje nɛ̂n-ddɔje kə̂ dəwje aw ddaje nɛ̂n ddɔ dann karâ rɔje tə̂.

2 Kɔrɛntinyɛje 1:12

Nɛ̂n kə̂ jaw junda nɛ̂n guje to kəjə ləje kə̂ aw ɔru naji ləje pa-nja tə̂ ləje dɔ nangə tə̂ nəənn, uta tɔyn, pa-nja ləje horose tə̂. Lubba dda arə n-nja horose tə̂ kə mə-nda kayn ddəm jula nɛ̂n naan tə̂ ang ddəm. Nɛ̂ɛnn le to ddəw kəm-karɛ tə̂ lə dəwje ang, to ddəw mə-maji tə̂ lə Lubba.

Pilipinyɛje 1:27

A maji karə pa-nja ləse dda mə-kâra kə Tar kə̂ Maji lə Kristə le. Baann bba karə bbo m-ddee ta koose wase mee horose tə̂ ang njaa kara, moo tamse. Maji karə dəwje paje arəm nan aw uwaje arəje ngəng ddəw kəjə tə̂ kə kâra baa. Ngaâ məse to kâra baa bba aw ddaje nɛ̂n ddɔ tokə dəwje kə̂ kâra baa, mba mə-kunn kə̂ ddee ddəw Tar tə̂ kə̂ Maji le.

Pilipinyɛje 3:20

A jeje, bbe ləje to darâ. Jeje jaw ngəbbə Əbbə-dəwje Jeju-Kristə kə̂ to Nje-kajije kə̂ a kin darâ ddee.

1 Tesalonisinyɛje 1:5

mba Tar kə̂ Maji kə̂ jila mbəre bbeê ləse le, to tarje kə̂ baa ang. Jila mbər le kə singa-mɔngu kə̂ Ndil-mə-nda arəje ngaâ n-gərə to tar kə̂ jaw pa jarəse le to tar kə̂ tɔkɔrɔ. Ə-gərəje ddəw kə̂ jisi nɛ̂n horose tə̂ le kə majɛ̂, n-dda baann mba maji ləse.

1 Timɔte 3:16

Tɔkɔrɔ njaa, tar mə-kunn kə̂ n̂-tee kə gəle kə ddaka le to nɛ̂n kə̂ ngəng nya. Tarɛ̂ le tokə be: Kristə unn da-rɔ dəw, Ndil-mə-nda pa tar-naji laa nan n̂-to gatə gatə, anjəje ooeje, dəwje ilaje mbər tar laa horo gəl-dəwje tə̂, dəwje kə̂ dɔ nangə tə̂ unnje məde arɛ̂, Lubba unnɛ̂ aw saa darâ lo piti tə̂ laa.

1 Timɔte 4:12

Maji karə dəw ooi to ngonn baa kəmɛ̂ tə̂ ang. A maji karə njê-mə-kunnje ooije to nɛ̂n-kɔju-marɛ̂ ddəw tar tə̂ kə̂ tai tə̂, ddəw kula-ddai tə̂, ddəw ndiki tə̂ kə̂ ə-ndiki dəwje, ddəw məi tə̂ kə̂ unn arə Jeju kə ddəw rɔi tə̂ kə̂ aw ngəm kə majɛ̂.

1 Timɔte 6:11

A əi dəw lə Lubba, ə-mbətə nɛ̂njeenn ddəw əw ta ə-sangə ddəw ta to gatə gatə, ta bbəəl Lubba, ta kuwa mə-kunn karə ngəng, ta ndiki ngamarije, ta tɔ wuri ngaâ ta ə-ddee to dəw kə̂ wul pee kə dəwje.

1 Timɔte 6:3

Bbo dəw tɔju nɛ̂nje kə̂ to kə dɔgɔlɛ̂ ang kə̂ to dang kə tarje lə Əbbəjeje Jeju-Kristə kə̂ to tar kə tɔkɔrɔ le ddəm to dang kə tar mə-kunn a,

1 Timɔte 6:6

Bbo dəw unda məɛ̂ kə dɔ nɛ̂n tə̂ kə̂ to jia tə̂ njaa a, kunn-mə karə Lubba le to nɛ̂n-kinga kə̂ bo nya tɔkɔrɔ njaa.

Ebərəje 13:5

Maji karə bbo narɛ dɔrɔ â to mə nɛ̂n-ddaje tə̂ ləse ang. Maji karə undaje məse kə dɔ nɛ̂n tə̂ kə̂ to jise tə̂ njaa. Mba Lubba pa nan: «Mâ kinyai ang ddəm mâ mbəti ang ddəm.»

Jakə 1:24

ngaâ goe tə̂, nɔtu a, kəmɛ̂ le təl ike njangə baa.

Jakə 3:13

Nân horose tə̂ â to nje-kəm-karɛ kə nje-nɛ̂n-gərə wa? Maji karə n̂-tɔju kəm-karɛ kə nɛ̂n-gərə laa ddəw pa-nja tə̂ kə̂ maji kə̂ tɔju to n̂-dda kulaje laa ddəw kəm-karɛ tə̂ ddəm kə mə ngonn-kasə ddəm.

1 Piyɛr 1:15

Lubba kə̂ bbarse le maji tɔyn. Yeenn a, sese njaa kara, maji karə ə-majije tɔyn mə pa-nja tə̂ ləse tɔyn tɔ.

1 Piyɛr 2:12

Arəje pa-nja ləse to kə majɛ̂ horo dəwje tə̂ kə̂ gərəje Lubba ang. Yeenn bba karə, bbo daw dundaje tar dɔse tə̂ baa mba marə nɛ̂n a, dâ kooje kula-ddase kə̂ maji ngaâ dâ kɔsuje nɛ̂n gaji Lubba ndɔ tə̂ kə̂ nâ tee dɔde tə̂.

2 Piyɛr 1:3

Ddəw singa-mɔngu tə̂ lə Lubba, Lubba le arəje nɛ̂n tɔyn karə n-naynje nɛ̂n kəm baa bba karə junn rɔje jarɛ̂. Narə n-gəre ne kə̂ n̂-bbarje karə jinga piti laa ddəm n-dda nɛ̂n-ddaje laa kə̂ maji ddəm.

2 Piyɛr 1:6

Nɛ̂n-gərə le, ilaje tɔ-bbo kə̂ da-rɔ tə̂ dɔɛ̂ tə̂, tɔ-bbo kə̂ da-rɔ tə̂ le, ilaje kuwa karə ngəng dɔɛ̂ tə̂, kuwa karə ngəng le, ilaje ngəm-rɔ mba Lubba dɔɛ̂ tə̂,

2 Piyɛr 3:10

Ndɔ lə Əbbə-dəwje a ddee tokə ddee lə nje-bboko. Ndɔɛ̂ tə̂ənn le, dara a kɔtu. Kar kɔtu laa a, kɔrɛ̂ a bbar kə singa nya. Puru a kɔn nɛ̂nje kə̂ mə dara tə̂ ngaâ nangə kə nɛ̂nje kə̂ dɔ nangə tə̂ a gotoje.

2 Piyɛr 3:12

Maji karə ə-nginanje ddee le ndɔ lə Lubba le ta ə-ddaje arəje ndɔ le ddee njangə. Mba ndɔɛ̂ le puru a kɔn dara, puru a kɔn nɛ̂nje kə̂ darâ ngaâ a lɛɛnje.