2 Piyɛr 3:10 - Dɔnɔn kə̂ Siki: Tar kə̂ aw arə təbbə

¹⁰ Ndɔ lə Əbbə-dəwje a ddee tokə ddee lə nje-bboko. Ndɔɛ̂ tə̂ənn le, dara a kɔtu. Kar kɔtu laa a, kɔrɛ̂ a bbar kə singa nya. Puru a kɔn nɛ̂nje kə̂ mə dara tə̂ ngaâ nangə kə nɛ̂nje kə̂ dɔ nangə tə̂ a gotoje.

2 Piyɛr 3:10 Iomraidhean Croise

Matiye 24:35

«Dara kə nangə a ndayje, a tarje ləm a ndayje ang.»

Marke 13:31

Dara kə nangə a ndayje, a tarje ləm a ndayje ndɔ kâra ang.»

Luku 12:39

«Ə-gərəje kə majɛ̂, bbo nje-kəy gərə kar kə̂ nje-bboko a ddee nɛ̂n a, nâ kinya karə nandə kə̂y laa ang.

Rɔmɛnje 8:20

Mba nɛ̂nje kə̂ Lubba dda ddeeje to nɛ̂nje kə̂ baa. Nɛ̂nje le njaa ndikije tə̂ baann ang. Lubba njaa ndiki tə̂ tokə baann. A nɛ̂nje le a kasəje ta kunda məde dɔ marə nɛ̂n tə̂ bbay.

1 Kɔrɛntinyɛje 1:8

Lubba le njaa a karəse singa ndərəng ddutu ndɔ tə̂ karə ndɔ təl lə Əbbəjeje Jeju-Kristə a, tar to dɔse tə̂ ang.

1 Kɔrɛntinyɛje 5:5

maji karə inyaje dəw kə̂ baann ji Satan tə̂ arəje da-rɔɛ̂ tuju, a ta ndile inga kaji ndɔ tə̂ lə Əbbə-dəwje.

2 Kɔrɛntinyɛje 1:14

Mba ə-gərəje ngaji mban to n-to nɛ̂n-kunda guse, tokə sese â toje to nɛ̂n-kunda guje ndɔ tə̂ kə̂ Əbbəjeje Jeju a təl ddee le.

1 Tesalonisinyɛje 5:2

Mba sese njaa kara ə-gərəje kə majɛ̂: Ndɔ lə Əbbə-dəwje a ddee tokə ndɔ ddee lə nje-bboko til tə̂.

1 Tesalonisinyɛje 5:4

A see ngakɔnje, sese ə-naynje lo ndul tə̂ ang. Yeenn a, ndɔ le a kɔsuse busu tokə lə nje-bboko ang.

2 Piyɛr 3:11

Nɛ̂njeenn tɔyn a gotoje, yeenn a, maji karə nɛ̂n-yərəw ɔru pa-nja ləse ang ngaâ ə-ngəmje rɔse mba Lubba.

2 Piyɛr 3:12

Maji karə ə-nginanje ddee le ndɔ lə Lubba le ta ə-ddaje arəje ndɔ le ddee njangə. Mba ndɔɛ̂ le puru a kɔn dara, puru a kɔn nɛ̂nje kə̂ darâ ngaâ a lɛɛnje.

2 Piyɛr 3:7

A ddəw tar kə̂ tɛɛ̂ tə̂ ne Lubba le njaa naw ngəm nɛ̂n dara kə nangə kə̂ bbokənɛn nəənn ta nginan nɛ̂n ndɔ kə̂ puru a kɔnde. Dara kə nangə le a nginanje ndɔ kə̂ nâ gangə nɛ̂n sariya dɔ njê-nɛ̂n-ddaje tə̂ kə̂ maji ang kə ndɔ kə̂ nâ tuju nɛ̂n de nyɔm.

Judə 1:6

Oleje məse dɔ tar tə̂ lə anjəje kə̂ ngəmje lo ləde kə̂ Lubba arəde ang, a tusuje lo ləde inyaje le, Əbbə-dəwje tɔde ungude lo tə̂ kə̂ il biti biti nyɔm mba ngəbbə nɛ̂n tɔkə ndɔ sariya.

Apokalisi 16:15

Əbbə-dəwje pa nan: «Oo, maw ddee tokə lə nje-bboko. Maji arə dəw kə̂ isi kəm baa bbo tibbi ang ngaâ ngəm kubbu rɔɛ̂ tə̂. Baann bba nâ nja rɔɛ̂ baa karə dəw ooe a to nɛ̂n-rɔ-kul ang.»

Apokalisi 20:11

Goe tə̂ a, moo tɔkə ngende-mbay kə̂ nda kə dəw kə̂ isi dɔɛ tə̂. Nangə kə dara ɔtuje aynje nɔɛ̂n tə̂ kə ddang arə dəw təl oode ang ngaa.

Apokalisi 21:1

Goe tə̂ a, moo dara kə̂ siki kə nangə kə̂ siki. Mba dara kə̂ dɔngɔr kə nangə kə̂ dɔngɔr ikije ngaâ ba-katə goto ngaa.

Apokalisi 3:3

Maji karə ole məi dɔ tar tə̂ kə̂ n̂-pa darəse kə gusu kə̂ ooje nɛ̂n tar le. Ə-ngəm tar le ta ə-turu məi. Bbo ə-ndol ang a, mâ ddee kuwai dɔ jii tə̂ tokə lə nje-bboko. Â gərə gɔl kar kə̂ mâ ddee kɔsi nɛ̂n busu ang.

Apokalisi 6:14

Dara nday tokə rakə kə̂ daw kə. Ddingirije kə dɔ dərə-maannje gotoje loje tə̂ ləde.