2 Piyɛr 2:6 - Dɔnɔn kə̂ Siki: Tar kə̂ aw arə təbbə

⁶ Goe tə̂ a, dəwje kə̂ Sɔdɔm kə Gɔmɔr, Lubba gangə sariya-yo dɔde tə̂ ngaâ narə n̂-ro bbeje le darə ddee to bu. Yeenn to nɛ̂n-kɔju-marɛ̂ mba njê-nɛ̂n-ddaje kə̂ maji ang kə̂ ndɔ tə̂ kə̂ bara.

2 Piyɛr 2:6 Iomraidhean Croise

Matiye 10:15

M-pa tar kə̂ tɔkɔrɔ marəse. Ndɔ gangə sariya a, sariya kə̂ dɔ dəwje tə̂ kə̂ dɔ nangə tə̂ənn a ngəng kuta sariya kə̂ dɔ bbeje tə̂ kə̂ Sɔdɔm kə Gɔmɔr.»

Matiye 11:23

«A əi Kapɛrnawum, dâ kunni kə taar ndərəng darâ wa? Dâ təl səi bəər ndərəng lo tə̂ lə dəwje kə̂ oyje. Mba nɛ̂n-mɔrije kə̂ m-dda bbe ləi, bbo m-dda Sɔdɔm a, bbe le a nayn baa bbay ndərəng bbokənɛn.

Rɔmɛnje 9:29

Ejayi le njaa pa ləw tɔ nan: «Bbo Əbbə-dəwje kə̂ Nje-singa-mɔngu inya marə dəwje kə̂ gəlje tə̂ ang a, ja koyje tɔyn tokə dəwje kə̂ Sɔdɔm kə Gɔmɔr.»

1 Kɔrɛntinyɛje 10:11

Nɛ̂njeenn ingaje kajejedede karə ddee to nɛ̂n-kɔju-marɛ̂. N̂-dda tarɛ̂ makəturu tə̂ ta ndəjə nɛ̂n jeje kə̂ n-ddee ngɔsi kə ddutu ndɔ.

Ebərəje 4:11

Mba yeenn bba, maji karə n-ddaje singa ta tee lo kuwa-rɔ tə̂ le. Baann bba dəw kâra horoje tə̂ a koso tokə lə kajejedede kə̂ ddaje dɔ-kətərə le ang.

Judə 1:15

mba gangə sariya dɔ dəwje tə̂ tɔyn kə̂ duninya tə̂ ngaâ nâ dda karə dəwje kə̂ ddaje majang gərəje majangje ləde ngaâ karə njê-nɛ̂n-ddaje kə̂ maji ang gərəje go tarje kə̂ maji ang kə̂ paje dɔɛ̂ tə̂.»

Judə 1:7

Oleje məse dɔ tar tə̂ lə dəwje kə̂ bbeje tə̂ kə̂ Sɔdɔm kə Gɔmɔr kə lə dəwje kə̂ mə bbeje tə̂ kə̂ mbɔrde tə̂. N̂-ddaje maji ang tokə lə anjəje le tɔ. Dunnje rɔde dilaje kula kaya tə̂. N̂-ndikije ta dda nɛ̂n kə̂ asə karə dəw dda ang. Yeenn bba, Lubba gangə sariya dɔde tə̂ arə puru kə̂ to kə ndɔ kə ndɔ aw ɔnde. N̂-təlje to nɛ̂n-kɔju-marɛ̂ horo dəwje tə̂.