2 Piyɛr 2:2 - Dɔnɔn kə̂ Siki: Tar kə̂ aw arə təbbə

² Dəwje nya a kunnje gode ddəw lo-to-majang tə̂ kə̂ daw ddaje ngaâ dâ tajije ddəw tar kə̂ tɔkɔrɔ mbade.

2 Piyɛr 2:2 Iomraidhean Croise

Matiye 22:16

Dulaje marə njê-njaje gode tə̂ kə dəwje kə̂ unnje go Erodə rɔ Jeju tə̂ le karə n̂-paje darɛ̂ nan: «Nje-nɛ̂n-tɔju, n-gərə to aw pa tar kə̂ tɔkɔrɔ, aw tɔju ddəw lə Lubba tokə tɔkɔrɔ njaa ddəm aw bbəəl kəm dəw ang ddəm. Dəw kə̂ bo wase dəw kə̂ tɛn kara osoi tə̂ ang.

Matiye 24:24

Mba kristəje kə̂ tɔkɔrɔ ang kə njê-kilaje mbər tar kə̂ tɔkɔrɔ ang a ddeeje. Dâ ddaje nɛ̂n-mɔrije kə nɛ̂nje kə̂ dum dɔ dəwje, ta bbo ddəw to a, njê kə̂ Lubba mbərəde kara dâ kərəjede tɔ.

Matiye 7:14

A ta-ddəw kə̂ ta kandə nɛ̂n bba ta kinga təbbə tatə ang, to njol njol baa. Dəwje kə̂ ingaje ta-ddəw le banyaje ang.»

Marke 12:14

N̂-ddee n̂-paje darəje Jeju le nan: «Nje-nɛ̂n-tɔju, n-gərə to aw pa tar kə̂ tɔkɔrɔ, aw tɔju ddəw lə Lubba ddəw tar tə̂ kə̂ tɔkɔrɔ. Aw bbəəl kəm dəw ang ddəm dəw kə̂ bo wase dəw kə̂ tɛn kara osoi tə̂ ang. Ə-pa arəje joo: Ndu arəje ddəw karə juka lambo jarə tɔkə mbay kə̂ Rɔm wase ta kuka ang wa? Ta juka wase juka ang wa?»

Marke 13:22

Mba kristəje kə̂ tɔkɔrɔ ang kə njê-kilaje mbər tar kə̂ tɔkɔrɔ ang a ddeeje. Dâ ddaje nɛ̂n-mɔrije kə nɛ̂nje kə̂ dum dɔ dəwje, bbo ddəw to a, njê kə̂ Lubba mbərəde kara dâ kərəjede tɔ.

Tar kə̂ Maji kə̂ Jan dda makəturu tə̂ 14:6

Jeju ilɛ̂ tə̂ nan: «M-to ddəw, m-to tar kə̂ tɔkɔrɔ, m-to təbbə. Dəw kâra a kasə tee rɔ Bɔ tə̂ kə ddəw kə̂ dang ang, ddəw tə̂ ləm kâra baa.

Kulaje 13:10

pa arɛ̂ nan: «Əi, nje-ngəm kə nje-kula dəwje naan tə̂, ngonn lə Əsu, əi kə̂ ə-ndiki nɛ̂n kə̂ gatə gatə ang, ndɔ kə̂ dda bba â kunda ngangə turu nɛ̂nje kə̂ ndɔju kə̂ Əbbə-dəwje gɔl wa?

Kulaje 14:2

A Jiipije kə̂ mbətəje ta koo məde tə̂ le aw tulaje dəwje kə̂ toje to Jiipije ang karə dəjəje kəjə kə̂ maji ang dɔ Pɔl de kə Barnabas tə̂.

Kulaje 16:17

Nunn goje, jeje kə Pɔl ngaâ naw nuru əkii n̂-pa nan: «Dəwje nəənn toje to njê-kulaje lə Lubba kə̂ nje-kisi ddutu dara tə̂. Daw tɔjujese ddəw kinga kaji.»

Kulaje 18:26

Naw pa tar mə kəy mbɔn-naan tə̂ lə Jiipije kə bbəəl ang. Go tar tə̂ laa tɔyn kə̂ Pirisil kə Akilas dooje a, n̂-bbarɛ̂je kə rɔde tə̂ ngaâ n̂-təl n̂-tɔjɛ̂je tar kə̂ tɔkɔrɔ kə̂ dɔ ddəw lə Lubba tə̂ le kə majɛ̂ uta ye kə̂ kete.

Kulaje 19:9

A mə marɛ̂je kətərə ngaâ n̂-ndikije tar tə̂ lə Pɔl le ang. Darje kə kəm dəwje tə̂ kə̂ banya le njaa daw paje tar «ddəw lə Əbbə-dəwje» daw kokoje nɛ̂n. Yeenn bba, Pɔl tusude inyade, a mbɔn kəsə njê-njaje go Əbbə-dəwje tə̂ aw kə de kəy nɛ̂n-ndo tə̂ lə Tiranos aw pa tar arəde kə ndɔ kə ndɔ.

Kulaje 22:4

M-dda singa kə dəwje kə̂ unnje ‹ddəw lə Əbbə-dəwje› ndərəng marə dingaje yo. Marə duwa dingawje kə dɛnɛ̂nje n̂-tɔde dungude kəy-kula tə̂.

Kulaje 24:14

Nɛ̂n kə̂ m-gərə goe â nəənn: Maw polo Lubba lə kajeje kə ‹ddəw› kə̂ siki. Əman le m-ndiki tə̂ kə nɛ̂n tɔyn kə̂ n̂-dda Makəturu-Ndu tə̂ kə nɛ̂n tɔyn kə̂ njê-kilaje mbər tar lə Lubba paje njaa. A dede n̂-paje nan to ‹ddəw› kə̂ to kə dɔgɔlɛ̂ ang.

Rɔmɛnje 2:24

Mba yeenn bba, Makəturu lə Lubba pa nan: «Kəsə gəl-dəwje aw tajije ri Lubba ɔju dɔse.»

1 Timɔte 5:14

Yeenn bba m-ndiki karə dɛnɛ̂n-ndubbaje kə̂ naynje kə̂ singade bbay taaje ngaw, maji karə dujuje ngannje. N̂-tɔjuje ddəw kə̂ maji njê kə̂ mə kəy tə̂ ləde. Baann bba njê-baanje a kingaje ddəw ta nanɛn kə je ang.

Titə 2:5

darə n̂-ddaje nɛ̂n kə ddəwe, n̂-ngəmje rɔde, n̂-ddaje kula ngaw ləde, darə məde maji ngaâ dooje ta ngawdede. Baann bba dəwje a paje tar kə̂ maji ang dɔ tar tə̂ lə Lubba ang.

Titə 2:8

Maji karə tar-pa ləi to kə ddəwe bba karə dəw asə mayn səi ang. Baann bba karə rɔ-kul dda njê-baanje ləje, mba dâ kingaje marə nɛ̂n kə̂ maji ang tɛn ta pa dɔje tə̂ ang.

1 Piyɛr 2:12

Arəje pa-nja ləse to kə majɛ̂ horo dəwje tə̂ kə̂ gərəje Lubba ang. Yeenn bba karə, bbo daw dundaje tar dɔse tə̂ baa mba marə nɛ̂n a, dâ kooje kula-ddase kə̂ maji ngaâ dâ kɔsuje nɛ̂n gaji Lubba ndɔ tə̂ kə̂ nâ tee dɔde tə̂.

2 Piyɛr 2:12

A dede le, daw ddaje nɛ̂n tokə lə daje kə̂ kəjə ləde goto. Lubba ddade karə duwade n̂-tɔlde. Daw tajije nɛ̂n kə̂ n̂-gərəje ang. Lubba a tɔlde tokə daw tɔl daje.

2 Piyɛr 2:15

Dinyaje ddəw kə̂ ndɔju, a n̂-ndəəmje ddəw. Ddəw kə̂ Balaam kə̂ to ngonn lə Bosɔr unn â dunnje. Ne kə̂ n̂-ndiki tə̂ ta kinga kuka nɛ̂n-dda kə̂ gatə gatə ang le.

2 Piyɛr 2:18

Mba daw paje tarje kə̂ ngəng ngəng, a to tarje kə̂ baa daw dərəje nɛ̂n dəwje kə̂ bbasinɛn bbay njaa aynje ji dəwje tə̂ kə̂ ndəəmje ddəw. Dərəde ddəw bbo dda lo-to-majang tə̂,

2 Piyɛr 2:21

Mba, gərə ddəw nɛ̂n-dda kə̂ gatə gatə ang maji uta ye kə̂ ta gərə ngaâ bba ta tusu Ndu lə Lubba kə̂ n̂-tɔjude le kinya.

2 Piyɛr 2:7

A naji Lotə kə̂ to nje-nɛ̂n-dda kə̂ gatə gatə. Dəwje kə̂ dɔ ndɔ tə̂ lə Lotə le, pa-nja ləde kə̂ to kə dɔgɔlɛ̂ ang kə lo-to-majang kə̂ daw dda le oso wur Lotə le nya.

Judə 1:10

Dəwjeenn le, nɛ̂nje kə̂ n̂-gərəje ang kara n̂-tajije. Nɛ̂nje kə̂ n̂-ngərəje kə dɔde baa tokə lə daje kə̂ muû le njaa kara təlje to nɛ̂nje kə̂ aw tujude kə kɔrɔ̂.

Judə 1:15

mba gangə sariya dɔ dəwje tə̂ tɔyn kə̂ duninya tə̂ ngaâ nâ dda karə dəwje kə̂ ddaje majang gərəje majangje ləde ngaâ karə njê-nɛ̂n-ddaje kə̂ maji ang gərəje go tarje kə̂ maji ang kə̂ paje dɔɛ̂ tə̂.»

Judə 1:4

Mba, marə dəwje kə̂ maji ang andəje horose tə̂ kə go ngəyn. Daw turuje mə tar mə-maji lə Lubba ləje mba kɔnn nɛ̂n dɔ nɛ̂n-ddaje kə̂ maji ang ləde. N̂-mbətəje Mbay ləje kə̂ kâra baa kə̂ to Əbbəjeje Jeju-Kristə le. Ləw baa, Makəturu lə Lubba pa tar sariya kə̂ dâ gangə dɔde tə̂.

Judə 1:7

Oleje məse dɔ tar tə̂ lə dəwje kə̂ bbeje tə̂ kə̂ Sɔdɔm kə Gɔmɔr kə lə dəwje kə̂ mə bbeje tə̂ kə̂ mbɔrde tə̂. N̂-ddaje maji ang tokə lə anjəje le tɔ. Dunnje rɔde dilaje kula kaya tə̂. N̂-ndikije ta dda nɛ̂n kə̂ asə karə dəw dda ang. Yeenn bba, Lubba gangə sariya dɔde tə̂ arə puru kə̂ to kə ndɔ kə ndɔ aw ɔnde. N̂-təlje to nɛ̂n-kɔju-marɛ̂ horo dəwje tə̂.

Apokalisi 12:9

Dunn tɔkə da le, ne li kə̂ ləw baa kə̂ daw bbarɛ̂ nan Əsu, Satan, ne nje-kərə dəwje kə̂ dɔ nangə tə̂ tɔyn le, ne kə anjəje laa le n̂-tutade n̂-tilade dɔ nangə tə̂.

Apokalisi 13:14

Nərə dəwje kə̂ dɔ nangə tə̂ ddəw nɛ̂n-mɔrije tə̂ kə̂ darɛ̂ singa karə n̂-dda dɔ kəm da tə̂ kə̂ in mə maann tə̂ tee le, narə dəwje le ddaje marə kɔr kə̂ unn da-rɔ da kə̂ inga do tɔkə kiya, a nayn kəm baa le.

Apokalisi 13:8

Dəwje tɔyn kə̂ dɔ nangə tə̂ a poloje da kə̂ in mə ba-katə tə̂ tee le. To njê kə̂ ləw baa kə̂ Lubba dda duninya, ride goto makəturu təbbə tə̂ lə Ngonn Batə kə̂ n̂-tɔlɛ̂ to nɛ̂n-polo le.