2 Piyɛr 1:8 - Dɔnɔn kə̂ Siki: Tar kə̂ aw arə təbbə

⁸ Mba bbo nɛ̂njeenn toje məse tə̂ ngaâ nɛ̂nje le ujuje nya nya a, a dda karə ə-ddaje kula bbo karə isije baa ang ngaâ â gərəje Əbbəjeje Jeju-Kristə kə kete kete.

2 Piyɛr 1:8 Iomraidhean Croise

Matiye 13:22

A marə dəwje toje tokə nangə kə̂ konnje ubbaje tə̂ le. Dooje tar le kə majɛ̂, a kəjə-tarje mba nɛ̂nje kə̂ nangə̂ nəənn kə bbo nɛ̂n-kingaje kə̂ aw ərəde ore dɔ tar le kə nangə̂ arə tar le andə ang.

Matiye 20:3

Tee gɔl kar jikara tə̂ kə əndɔɔ a, n̂-tee ddaka ngaâ noo marə njê-kulaje kə̂ ingaje kula ta dda ang kə̂ arje natâ.

Matiye 20:6

Nje-ndɔɔ le təl tee ddaka kə gɔl kar min kə̂ lo-kul tə̂ bbay a, oo marə njê-kulaje arje lo tə̂ənn le bbay ngaâ pa arəde nan: ‹Mba ddi bba arje nəənn kə əndɔɔ baa ndərəng kar be nəənn, a ə-ddaje nɛ̂n kâra ang wa?›

Matiye 25:26

Əbbeeje le ilɛ̂ tə̂ nan: ‹Nje-kula kə̂ maji ang, nje-dabbə. Ə-gərə to lo kə̂ m-dubbu nɛ̂n tə̂ ang kara maw muja nɛ̂n tə̂. Lo kə̂ m-tila kandə-ko tə̂ ang kara, maw muja kandə-ko tə̂.

Tar kə̂ Maji kə̂ Jan dda makəturu tə̂ 15:2

Barkəm-rɔje tɔyn kə̂ toje rɔm tə̂, a andəje ang, naw tuka kə ddang. A naw gangə dɔ barkəm-rɔje tɔyn kə̂ aw andəje karə dandəje uta ye kə̂ kete bbay.

Tar kə̂ Maji kə̂ Jan dda makəturu tə̂ 17:3

Təbbə kə̂ to kə ndɔ kə ndɔ le, to karə n̂-gərije, əi kâra baa kə̂ ə-to Lubba kə̂ tɔkɔrɔ ddəm Jeju-Kristə kə̂ ulɛ̂ ddəm.

Tar kə̂ Maji kə̂ Jan dda makəturu tə̂ 5:42

M-gərəse. Ndiki lə Lubba to məse tə̂ ang.

Rɔmɛnje 12:11

Maji karə bbo kula lə Əbbə-dəwje ddase nya, bbo ə-dabbəje ang, undaje kəjə ləse kula tə̂ le kə mə-kâra.

1 Kɔrɛntinyɛje 15:58

Yeenn a, ngakɔnʼmje kə̂ m-ndikise nya, uwaje arə ngəng, arəje nɛ̂n yəkəse ang. Ə-ddaje arə kula lə Əbbə-dəwje aw kə kete kete bbo inyaje ddəwe ang, mba ə-gərəje kə majɛ̂ to kula kə̂ aw ddaje ddəw mə-kâra tə̂ kə Əbbə-dəwje a to baa ang.

2 Kɔrɛntinyɛje 13:5

Maji karə sese njaa ə-tənnje rɔse ooje se ə-naynje ddəw mə-kunn tə̂ ləse wa? Ə-gərəje kə majɛ̂ to Jeju-Kristə to məse tə̂ ang wa? Baann ang a, yeenn tɔju to rɔse kə̂ ə-tənnje le tɔjuse to ə-naynje ddəw mə-kunn tə̂ ləse ang.

2 Kɔrɛntinyɛje 8:2

Nɛ̂n kəm-to-ndooje nya ingajede njaa, a rɔde nəəlde nya. N̂-ndooje nya njaa, a darəje nɛ̂n kə nangə̂ baa.

2 Kɔrɛntinyɛje 8:7

Nɛ̂nje tɔyn toje rɔse tə̂ nya mban. Nɛ̂nje tokə lə mə-kunn, gusu pa tar, nɛ̂n-gərə dang dang, bbo kula kə ndiki kə̂ ə-ndikijeje. Yeenn a, maji karə ə-ddaje kula mə-maji nəənn le nya nya tɔ.

2 Kɔrɛntinyɛje 9:14

Dâ tɔjuje ndiki kə̂ n̂-ndikise ddəw duju tə̂ kə̂ daw dujuje Lubba mba tar ləse, mba mə-maji kə̂ Lubba dda kə se tokə bo nya le.

Pilipinyɛje 1:9

Maw duju Lubba karə n̂-dda narə ndiki ləse aw kə kete kete, narə ə-gərəje nɛ̂n kə̂ gatə gatə ngaâ karə narə kəmse ɔru.

Pilipinyɛje 2:5

Maji karə pa-nja ləse horo naan tə̂ to ddəw kâra baa kə pa-nja lə Jeju-Kristə:

Pilipinyɛje 3:8

Tɔkɔrɔ, moo nɛ̂njeenn le tɔyn to nɛ̂n kə̂ baa. Tɔkə nɛ̂n-kinga â to ta gərə Əbbəmje Jeju-Kristə. Minya nɛ̂nje tɔyn ɔju dɔ Kristə ngaâ moo nɛ̂n tɔyn tokə lə yərəw mba kinga Kristə le

Kolosinyɛje 1:10

Yeenn bba pa-nja ləse a to tokə ye kə̂ Əbbə-dəwje ndiki ngaâ â ddaje nɛ̂n kə̂ nəəle kə ndɔ tɔyn. Â ddaje kulaje kə̂ maji dang dang ngaâ â gərəje Lubba kə kete kete.

Kolosinyɛje 2:7

Maji karə ə-maanje gɔlse dɔ Kristə tə̂ arəje ngəng, tokə lə kakə kə̂ ngirɛ̂ uwa nangə arə kətərə. Uwaje mə-kunn ləse arəje ngəng ddəw kâra baa kə nɛ̂n kə̂ n̂-tɔjuse, ta arəje wooyo Lubba nya nya mba maji kə̂ n̂-dda kə se.

Kolosinyɛje 3:16

Maji karə tar lə Kristə kə̂ nɛ̂nje kə̂ maji to məɛ tə̂ nayn horose tə̂ nya nya. Maji karə ə-tɔjuje naan nɛ̂n ddəm ə-ndəjəje naan ddəm kə kəm-karɛ tɔyn. Ɔsuje paje dang dang kə məse tɔyn ə-walje nɛ̂n Lubba ddəw tə̂ lə Ndil-mə-nda mba majije kə̂ n̂-dda kə se.

1 Tesalonisinyɛje 3:12

Maji karə Əbbə-dəwje dda arə ndiki kə̂ aw ndikije naan kə ndiki kə̂ aw ndikije nɛ̂n dəwje tɔyn aw kə kete kete, tokə ndiki kə̂ jaw ndikise le tɔ.

1 Tesalonisinyɛje 4:1

Kəsə tar ləje tokə be: Ngakɔnje, n-tɔjuse ddəw kə̂ ta nja nɛ̂n karə nəəl kəm Lubba tə̂. To nɛ̂n kə̂ aw ddaje mban. A n-dujuse ddəm n-ndəjəse ddəm kə ri Əbbəjeje Jeju karə awje nɛ̂n kə kete kete.

2 Tesalonisinyɛje 1:3

Ngakɔnje, to tar ləje ta karə wooyo Lubba kə kar tɔyn mbase. To nɛ̂n kə to kə dɔgɔlɛ̂ njaa. Mba mə-kunn ləse aw bo kə kete kete ngaâ aw ndikije naan kə kete kete.

1 Timɔte 5:13

Tɔ bbay, mba dingaje kula ta dda ang le a, n̂-ndoje ta kasə lo kə ta-kəy kəy. Dɔɛ̂ tə̂, n̂-təlje to njê-kundaje bula. Tar kə̂ osode tə̂ ang kara dilaje tade tə̂ baa baa. Tar kə̂ asə ta pa ang kara daw paje.

Titə 3:14

Maji karə kəsə njê-mə-kunnje kara unnje rɔde tɔyn ddaje kulaje kə̂ maji. Yeenn bba bbo marə nɛ̂n du a, dâ kasəje ta karə nɛ̂nje njangə baa kuman nɛ̂n ngaâ dâ toje to dəwje kə̂ kari baa ang.

Pilemɔn 1:6

M-duju Lubba karə mə-kunn kə̂ kâra baa kə̂ əman je səi jee nɛ̂n le dda kula ngaâ dda arə dəwje gərəje nɛ̂nje tɔyn kə̂ maji kə̂ jasə ta dda mba Kristə.

Ebərəje 6:12

Arəje dabbə ddase ang, a ə-ndajije dəwje kə̂ unnje məde ngaâ tɔje wurde nginanje ngaâ ingaje nɛ̂nje kə̂ Lubba unn ndue ta karəde.

2 Piyɛr 1:2

Maji karə Lubba dda kə se mə-maji nya ddəm narə məse wul lɔm nya ddəm ddəw gərə tə̂ kə̂ aw gərəje Lubba ddəm Jeju kə̂ to Əbbəjeje ddəm kə kete kete.

2 Piyɛr 1:3

Ddəw singa-mɔngu tə̂ lə Lubba, Lubba le arəje nɛ̂n tɔyn karə n-naynje nɛ̂n kəm baa bba karə junn rɔje jarɛ̂. Narə n-gəre ne kə̂ n̂-bbarje karə jinga piti laa ddəm n-dda nɛ̂n-ddaje laa kə̂ maji ddəm.

2 Piyɛr 2:20

Dəwje kə̂ gərəje Jeju-Kristə kə̂ to Əbbəjeje ddəm Nje-kajije ddəm teeje mə nɛ̂n-yərəwje tə̂ kə̂ duninya tə̂ nəənn kə ddang ngaa. A bbo n̂-təlje dulaje rɔde mə nɛ̂n-yərəw tə̂ le bbay darə taa singade a, kisi ləde kə̂ guku a maji ang kuta ye kə̂ kete bbay.

2 Piyɛr 3:18

A maji karə ə-sangəje kə kete kete ddəw mə-maji tə̂ lə Əbbəjeje kə̂ Nje-kajije Jeju-Kristə ddəm ddəw gərə tə̂ kə̂ ə-gəreje ddəm. Maji karə piti to laa, bbasinɛn nəənn nyɔm kə ləw. Amɛnn!