2 Piyɛr 1:7 - Dɔnɔn kə̂ Siki: Tar kə̂ aw arə təbbə

⁷ ngəm-rɔ mba Lubba le, ilaje ndiki naan tokə ngakɔn-naan njaa dɔɛ̂ tə̂. Ndiki naan tokə ngakɔn-naan le, ilaje ndiki dəwje tɔyn dɔɛ̂ tə̂.

2 Piyɛr 1:7 Iomraidhean Croise

Rɔmɛnje 12:10

Nɛ̂n kə̂ ɔju dɔ ndiki naan, maji karə ə-ndikije naan tokə ngakɔn-naan njaa. Maji karə ə-walje naan.

Galatəje 6:10

Yeenn a, kar kə̂ jee kə ddəw bbay nəənn, maji karə n-ddaje maji kə dəwje tɔyn. Uta tɔyn, n-dda maji kə ngakɔnje njê-mə-kunnje.

Kolosinyɛje 3:14

A uta tɔyn, maji karə ndiki to rɔse tə̂ tokə lə kubbu. To nɛ̂n kə̂ a tɔse naan tə̂ kuta nɛ̂n tɔyn.

1 Tesalonisinyɛje 3:12

Maji karə Əbbə-dəwje dda arə ndiki kə̂ aw ndikije naan kə ndiki kə̂ aw ndikije nɛ̂n dəwje tɔyn aw kə kete kete, tokə ndiki kə̂ jaw ndikise le tɔ.

1 Tesalonisinyɛje 5:15

Aaje kə majɛ̂ arə dəw kâra ila barə majang kə̂ dəw dda saa ang. A, maji karə ə-sangəje ddəw ta dda maji horose tə̂ ddəm ta dda maji kə dəwje tɔyn ddəm.

Ebərəje 13:1

Maji karə ə-naynje ddəw ndiki naan tə̂ tokə ngakɔn-naan njaa.

1 Piyɛr 1:22

Maji karə ə-ddaje nɛ̂n ddəw tar tə̂ kə̂ tɔkɔrɔ, arəje nɛ̂n-yərəw ɔruse ang mba ndiki nɛ̂n ngakɔnse tokə tɔkɔrɔ tə̂ njaa. Yeenn a, maji karə ə-ndikije naan kə mə-kâra kə ndɔ tɔyn.

1 Piyɛr 2:17

Maji karə ə-walje dəwje tɔyn, ə-ndikije ngakɔnse, ə-bbəəlje Lubba, ə-walje tɔkə mbay.

1 Piyɛr 3:8

Ta kutu nɛ̂n dɔ tar ləm a, maji karə kəjə ləse to kâra baa ddəm ooje kəm-to-ndoo lə naan ddəm. Maji karə ə-ndikije naan to ngakɔn-naan njaa, ə-ddaje maji kə naan, ə-ddaje rɔse ngaji.

1 Jan 3:14

Jeje n-ndikije ngakɔnje, mba yeenn â n-gərəje to n-teeje ta yo tə̂ ngaâ jingaje təbbə mban. Dəw kə̂ ndiki ngokɔɛ̂n ang nayn mə yo tə̂ bbay.

1 Jan 3:16

Nɛ̂n kə̂ tɔju ndiki le â nəənn: Jeju unn təbbə laa ila kɔrɔ̂ mbaje. Baann a, maji karə jeje kara jarəje təbbə ləje mba ngakɔnje tɔ.

1 Jan 4:21

Ndu kə̂ Kristə arəje â nəənn: Maji karə dəw kə̂ ndiki Lubba ndiki ngokɔɛ̂n tɔ.