2 Piyɛr 1:5 - Dɔnɔn kə̂ Siki: Tar kə̂ aw arə təbbə

⁵ Mba yeenn bba, maji karə ə-ddaje singa mba kila nɛ̂n-dda kə̂ maji dɔ mə-kunn tə̂ ləse. Nɛ̂n-dda kə̂ maji le, ilaje nɛ̂n-gərə dɔɛ tə̂.

2 Piyɛr 1:5 Iomraidhean Croise

Luku 16:26

Dɔɛ tə̂ənn bbay, marə tɔkə buwa to horoje tə̂ kə sese, mba karə dəwje kə̂ ndikije ta kin nəənn kaw kə rɔse tə̂, asəje ta kaw ang ddəm mba karə dəw asə ta kin rɔse tə̂ nu ddee kə rɔje tə̂ ang ddəm.›

Luku 24:21

Jeje, junda məje to nɛ̂n â nâ kɔru Ijarayɛl kɔ bbərə tə̂. A nɛ̂ɛnn kə̂ to le, ndərəng bbokənɛn to ndɔ mota laa ngaa.

Tar kə̂ Maji kə̂ Jan dda makəturu tə̂ 6:27

Maji karə nɛ̂n-kusa kə̂ aw tuju â ə-ddaje kula mbɛɛ̂ ang. Maji karə ə-ddaje kula mba nɛ̂n-kusa kə̂ aw to kə ndɔ kə ndɔ ngaâ aw arə təbbə kə̂ to kə ndɔ kə ndɔ. Nɛ̂n-kusa kə̂ to kə ndɔ kə ndɔ le Ngonn lə dəw â, a karəse. Mba, ne â Lubba kə̂ Bɔ arɛ̂ singa.»

1 Kɔrɛntinyɛje 14:20

Ngakɔnʼmje, maji karə ə-paje tar tokə lə ngannje ang. Maji karə ə-ddeeje tokə lə ngannje kə̂ ngaji kə̂ gərəje ta dda majang ang. A ə-paje tar tokə njê kə̂ tɔkə.

Epɛjinyɛje 5:17

Yeenn a, maji karə isije to mbəje ang. A maji karə ə-sangəje ta gərə nɛ̂n kə̂ mə Əbbəjeje ndiki karə ə-ddaje.

Pilipinyɛje 1:9

Maw duju Lubba karə n̂-dda narə ndiki ləse aw kə kete kete, narə ə-gərəje nɛ̂n kə̂ gatə gatə ngaâ karə narə kəmse ɔru.

Pilipinyɛje 2:12

Yeenn a, ngakɔnʼmje kə̂ m-dikise nya, ooje ta Lubba kə majɛ̂ njaa, kar tə̂ kə̂ mee nɛ̂n horose tə̂. A maji karə ooje tɛɛ̂ uta nya bbay, kar tə̂ kə̂ bbasinɛn nəənn kə̂ m-goto horose tə̂ le. Maji karə ə-ddaje kula kaji kə̂ ingaje le kə bbəəl ddəm rɔ-kisa ddəm.

Pilipinyɛje 4:8

Ngakɔnʼmje, tar kə̂ mâ kutu nɛ̂n dɔɛ̂ â nəənn: undaje kəjə ləse kə dɔ nɛ̂nje tə̂ kə̂ tɔkɔrɔ, nɛ̂n kə̂ asə karə dəwje ooje to nɛ̂n kə̂ ngəng kəmde tə̂, nɛ̂n kə̂ gatə gatə, nɛ̂n kə̂ to nɛ̂n-yərəw ang, nɛ̂n kə̂ asə karə dəw ndiki, nɛ̂n kə̂ maji kə̂ dəwje asəje ta piti, nɛ̂n tɔyn kə̂ maji, nɛ̂n kə̂ asə ta kɔsu gajɛ̂.

Kolosinyɛje 1:9

Mba yeenn bba, jeje kara, unn kute ndɔ tə̂ kə̂ joo nɛ̂n tar le, jaw duju Lubba kə ndɔ tɔyn mba tar ləse. Ngaâ jaw duje karə narə ə-gərəje nɛ̂n kə̂ məɛ̂ ndiki narə ddususe, narə ingaje kəm-karɛ kə nɛ̂n-gərə dang dang kə̂ Ndil-mə-nda aw arə dəwje.

Kolosinyɛje 2:3

Lubba iya dam kəm-karɛ kə dam nɛ̂n-gərə rɔ Kristə tə̂.

Ebərəje 11:6

Bbo dəw unn məɛ̂ ang a, ddəw kə̂ nâ nəəl nɛ̂n kəm Lubba tə̂ goto. Maji karə dəw kə̂ aw ddee ngɔsi kə Lubba gərə to Lubba to ngaâ naw nuka dəwje kə̂ aw sangɛ̂je.

Ebərəje 12:15

Aaje kə majɛ̂ arəje marə dəw dda arə mə-maji lə Lubba due ang, bba karə dəw kâra ddee tokə marə kam kə̂ atə kə̂ aw ndu horo dəwje tə̂ ang. Dəw kə̂ baann le aw ddee kə tar horo dəwje tə̂ ddəm aw tuju dəwje ddəm.

Ebərəje 6:11

A nɛ̂n kə̂ n-ndiki to karə bbo kula nəənn le nayn məse tə̂, sese kâra kâra tɔyn ndərəng ɔsu kɔnyɛ̂. Yeenn bba â kingaje nɛ̂nje tɔyn kə̂ aw undaje məse dɔɛ tə̂.

1 Piyɛr 3:7

See dingawje, sese kara, maji karə kisi tə̂ ləse kə dɛnɛ̂nje ləse, ə-gərəje to dɛnɛ̂n to tokə ka kə̂ tɔ laa ɔn ang. Maji karə ə-waljede, mba dâ kingaje kə se təbbə kə̂ tɔkɔrɔ kə̂ Lubba a karəse kə mə-maji laa le tɔ. Baann bba karə bbo aw dujuje Lubba a, marə nɛ̂n ɔku ddəwe ang.

2 Piyɛr 1:10

Mba yeenn bba, ngakɔnʼmje, maji karə ə-ddaje singa nya mba nayn ddəw bbar tə̂ kə̂ Lubba bbarse kə mbərə kə̂ n̂-mbərəse le kə majɛ̂. Bbo ə-ddaje tokə baann a, â kosoje mə majang tə̂ ndɔ kâra ang.

2 Piyɛr 1:11

Baann bba Lubba a kɔru ddəw karə tatə karə andəje nɛ̂n mə Bbe-kɔn tə̂ kə̂ a to kə bbal kə bbal, kə̂ to Bbe-kɔn lə Jeju-Kristə kə̂ to Əbbəjeje ddəm Nje-kajije ddəm.

2 Piyɛr 3:14

Mba yeenn bba, ngakɔnʼmje kə̂ m-ndikise nya, kar tə̂ kə̂ aw nginanje ndɔ le bbay le, maji karə ə-ddaje singa karə marə nɛ̂n-yərəw ɔruse ang ddəm karə marə tar to dɔse tə̂ ang ddəm ngaâ ta ə-naynje kə mə-wul-lɔm kə Lubba.

2 Piyɛr 3:18

A maji karə ə-sangəje kə kete kete ddəw mə-maji tə̂ lə Əbbəjeje kə̂ Nje-kajije Jeju-Kristə ddəm ddəw gərə tə̂ kə̂ ə-gəreje ddəm. Maji karə piti to laa, bbasinɛn nəənn nyɔm kə ləw. Amɛnn!