2 Piyɛr 1:4 - Dɔnɔn kə̂ Siki: Tar kə̂ aw arə təbbə

⁴ Ddəw nɛ̂nje tə̂ənn le bba jingaje nɛ̂n nɛ̂nje kə̂ ngəng nya kə̂ Lubba unn ndue ta karəje le. Yeenn bba karə ddəw nɛ̂nje tə̂ənn le, ə-ddeeje tokə lə Lubba, mba aynje bbo nɛ̂nje kə̂ maji ang kə̂ dɔ nangə tə̂ nəənn kə̂ aw tuju dəwje.

2 Piyɛr 1:4 Iomraidhean Croise

Rɔmɛnje 9:4

N̂-toje to ngann Ijarayɛlje kə̂ Lubba arə n̂-ddeeje to ngannɛ̂. Lubba arə dooje piti laa, nɔsu dɔnɔn kə̂ de, narəde Ndu laa, narə n̂-toje to dəwje kə̂ aw poleje kə ddəwe ngaâ nunn ndue ta karəde nɛ̂nje.

2 Kɔrɛntinyɛje 1:20

Ddəw tə̂ lə Jeju le â Lubba pa nan «An än» ta karə nɛ̂n je nɛ̂nje tɔyn kə̂ ne njaa nunn ndue ta karəje le. Ddəw tə̂ laa tɔ a, jeje kara n-pa nan «Amɛnn» jarə Lubba ta kɔsu nɛ̂n gajɛ̂.

2 Kɔrɛntinyɛje 3:18

Jeje tɔyn kə̂ marə nɛ̂n ɔnn kəmje ang, ndoko lə Əbbə-dəwje aw təəl rɔje tə̂ tokə lə nɛ̂n-koo-rɔ. N̂-turuje narə n-to tokə laa, jaw ndoko kə kete kete tokə lə Əbbə-dəwje kə̂ to Ndil.

2 Kɔrɛntinyɛje 6:17

Mba yeenn bba, Əbbə-dəwje pa bbay nan: «Ə-teeje horode tə̂ kə ddang ta isije dang. Ɔruje nɛ̂n-yərəw kâra kə jise ang, a əman, mâ taase kə̂ rɔm tə̂.»

Galatəje 3:16

Abaraham kə Ngokɛɛ̂ â Lubba unn ndue ta karəde nɛ̂nje. Makəturu lə Lubba pa nan: «Ngakɛɛ̂» ang. Lubba unn ndue le arə dəwje kə̂ banya ang. Makəturu le nan: «Ngokɛɛ̂.» Yeenn pa nan nunn ndue le narə dəw kâra baa kə̂ to Kristə.

Galatəje 6:8

Dəw kə̂ dubbu nɛ̂n kə̂ bbo kə̂ da-rɔɛ̂ tə̂ ndiki a, nâ kuja nɛ̂n kə̂ bbo kə̂ da-rɔ tə̂ le aw ddee nɛ̂n: Nɛ̂n le to yo. Dəw kə̂ dubbu nɛ̂n kə̂ Ndil-mə-nda ndiki a, nâ kuja nɛ̂n kə̂ Ndil-mə-nda le aw ddee nɛ̂n: Nɛ̂n le to təbbə kə̂ to kə ndɔ kə ndɔ.

Epɛjinyɛje 4:13

N̂-dda baann ndərəng karə jeje tɔyn mə-kunn ləje to kâra baa ngaâ karə n-gərəje Ngonn lə Lubba. Ngaâ karə n-ddeeje to dəwje kə̂ sangəje kə majɛ̂ asə naan kə Kristə.

Kolosinyɛje 3:10

Ngaâ ulaje da-rɔ kə̂ siki arə ə-ddeeje to dəwje kə̂ siki. Lubba aw dda arə ə-ddeeje siki kə ndɔ tɔyn ngaâ aw undaje rɔ Lubba kə̂ nje-ddase le kə kete kete. Baann bba â gərəje Lubba le kə majɛ̂.

Ebərəje 12:10

Bɔjejedede aw undajeje mba tɔju nɛ̂n je ddəw kə kəjə ləde njaa mba marə gɔju kar. A Lubba aw undaje mba tɔju nɛ̂n je ddəw mba maji ləje bba karə n-ddeeje maji tɔyn tokə laa.

Ebərəje 9:15

Mba yeenn bba, Kristə to nje-gɔl-tar marə dɔnɔn kə̂ siki, bba karə dəwje kə̂ Lubba bbarde ingaje nɛ̂n-kingaje kə̂ a to kə ndɔ kə ndɔ, kə̂ nunn ndue ta karə dəwje laa. Dasəje ta kinga nɛ̂nje le, mba Kristə oy ta kɔru dəwje mə majangje tə̂ kə̂ n̂-ddaje kar tə̂ kə̂ n̂-naynje nɛ̂n kɔ dɔnɔn tə̂ kə̂ dɔngɔr le.

Jakə 1:27

Kə̂ kəm Lubba tə̂ kə̂ to Bɔjeje, dda kə Lubba tɔkɔrɔ tə̂ kə̂ nɛ̂n-yərəw ɔru ang, to kaw koo ngann-ndubbaje kə dɛnɛ̂n-ndubbaje lo-kisi ndoo tə̂ ləde ngaâ ta ngəm-rɔ ddəw kula yərəwje tə̂ kə̂ dɔ nangə tə̂ tɔ.

2 Piyɛr 1:1

Əman Simɔn Piyɛr kə̂ m-to bbərə-kula lə Jeju-Kristə ddəm nje-kaw-kula lə Jeju-Kristə ddəm m-dda makəturu nəənn marə dəwje kə̂ ingaje mə-kunn kə̂ ngəng kə̂ kâra baa kə̂ jinga le. Dingaje mə-kunn le ddəw nɛ̂n-dda tə̂ kə̂ gatə gatə lə Jeju-Kristə kə̂ to Lubba ləje ddəm Nje-kajije ddəm.

2 Piyɛr 3:13

A jeje, jaw nginanje dara kə̂ siki kə nangə kə̂ siki kə̂ Lubba unn ndue ta dda le. Nɛ̂n-dda kə̂ gatə gatə a to tə̂.

2 Piyɛr 3:9

Marə dəwje aw paje nan Əbbə-dəwje aw tila nya bba ta dda nɛ̂n kə̂ nunn ndue ta dda le. A nɛ̂ɛnn to tokə baann ang. Naw tɔ wure mbase, mba n̂-ndiki ta karə dəw kâra nayn kə kɔrɔ̂ ang. N̂-ndiki ta karə dəwje tɔyn njaa turuje ddəw ləde.

1 Jan 2:25

Ooje, nɛ̂n kə̂ Kristə unn ndue ta karəje â to təbbə kə̂ to kə ndɔ kə ndɔ.

1 Jan 3:2

Ngakɔnʼmje kə̂ m-ndikise, kə̂ bbasinɛn nəənn n-toje to ngann lə Lubba ngaa. Ndɔ kə̂ bara a, ja toje tokə baânn wa? Yeenn â n-gərəje ang bbay. A n-gərəje to ndɔ kə̂ Jeju-Kristə ddee a, ja toje tokə ne, mba ja kooeje se n̂-to tokə baânn wa!