2 Piyɛr 1:16 - Dɔnɔn kə̂ Siki: Tar kə̂ aw arə təbbə

¹⁶ Kar tə̂ kə̂ n-tɔjuse tar ddee kə̂ Əbbəjeje Jeju-Kristə a ddee kə singa-mɔngu le, jar dɔ tarje tə̂ kə̂ kura kura kə̂ dəwje əjəje kə dɔde baa bba n-tɔju nɛ̂n se ang. Joo tɔkə-mbangə laa kə kəmje njaa.

2 Piyɛr 1:16 Iomraidhean Croise

Matiye 16:27

Mba Ngonn lə dəw a ddee mə piti tə̂ lə Bɔɛ̂je kə anjəje laa. Nâ kuka dəw kâra kâra asə kula-ddɛɛ̂.

Matiye 16:28

Tɔkɔrɔ njaa, m-pa marəse: Marə dəwje horo dəwje tə̂ kə̂ arje nəənn a koyje ang ndərəng dâ kooje Ngonn lə dəw kə̂ a ddee ta kɔn-mbay.»

Matiye 17:1

Ndɔ misan goe tə̂ a, Jeju jin Piyɛr, Jakə kə Jan kə̂ to ngokɔn Jakə ngaâ aw kə de dɔ ddingiri tə̂ ddəw əw.

Matiye 24:27

Ngonn lə dəw a ddee tokə ndi kə̂ təəl kə̂ ndoko laa in kəm kar tə̂ ndərəng uru lo kə̂ kar aw andə tə̂.

Matiye 24:3

Jeju isi dɔ ddingiri Olibəje tə̂. A njê-njaje goe tə̂ ddeeje kə karəde baa dujeje nan: «Ndɔ kə̂ dda bba nɛ̂njeenn a toje wa? Ddi bba ja gərə nɛ̂n kar ddee ləi ddəm ddutu ndɔ le ddəm wa?»

Matiye 28:18

Jeju ddee ngɔsi kə de, pa arəde nan: «Lubba arəm singa tɔyn darâ ddəm nangə̂ ddəm.

Marke 13:26

Yeenn ngaâ â kooje Ngonn lə dəw a ddee mə mum tə̂ kə singa-mɔngu laa tɔyn ddəm kə piti ddəm.

Marke 14:62

Jeju ilɛ̂ tə̂ nan: «Ye njaann, m-to Ngonnɛ̂. Â kooje Ngonn lə dəw kə̂ isi dɔ ji-kɔl Lubba tə̂ kə̂ Nje-singa-mɔngu. Nâ kin darâ mə mum tə̂ ta ddee.»

Luku 9:43

Dɔ dəwje tɔyn ayn mba tɔkə-mbangə lə Lubba kə̂ dooje le. Nɛ̂nje kə̂ Jeju aw dda le dum dɔ dəwje, a n̂-pa narə njê-njaje goe tə̂ nan:

Tar kə̂ Maji kə̂ Jan dda makəturu tə̂ 1:14

Tar le təl to dəw ngaâ dda bbe horoje tə̂. Mə-maji laa kə tar kə̂ tɔkɔrɔ laa uta dɔɛ̂. Joo piti laa kə̂ in rɔ Lubba tə̂.

Tar kə̂ Maji kə̂ Jan dda makəturu tə̂ 17:2

Mba arə Ngonni singa dɔ dəwje tə̂ tɔyn, karə dəwje kə̂ ungude mə jia tə̂ le, narəde təbbə kə̂ to kə ndɔ kə ndɔ.

Rɔmɛnje 1:4

A ddəw tə̂ lə Ndil-mə-nda, Lubba undɛ̂ to Ngonnɛ̂ kə̂ narɛ̂ singa-mɔngu ddəw ndol tə̂ kə̂ noy a, n̂-ndole. N̂-to Əbbəjeje Jeju-Kristə.

1 Kɔrɛntinyɛje 1:17

Mba Kristə ulam karə m-dda dəwje batɛm ang. Nulam karə mila mbər Tar kə̂ Maji, a karə munn tar kəm-karɛ lə dəwje mila nɛ̂n mbər Tar kə̂ Maji le ang. Baann bba koy lə Kristə dɔ kakə-dəsə tə̂ a təl to nɛ̂n kə̂ baa ang.

1 Kɔrɛntinyɛje 1:23

A jeje, jaw jila mbər tar lə Kristə kə̂ n̂-tɔlɛ̂ kakə-dəsə tə̂. Jiipije ooje tar le to tar-kɔbbu, a Gɛrɛkəje ooje to tar mbə.

1 Kɔrɛntinyɛje 1:7

Yeenn bba nɛ̂n-karə-baa lə Lubba kâra duse ang, see njê kə̂ aw ngəbbəje ndɔ təl lə Əbbəjeje Jeju-Kristə le.

1 Kɔrɛntinyɛje 2:1

Ngakɔnʼmje, ndɔ tə̂ kə̂ m-tee nɛ̂n rɔse tə̂ mba kila mbər tar nɛ̂n kə̂ Lubba ndiki ta dda kə̂ nayn lo-kiyɛ̂ tə̂ bbay le, tarje kə̂ toje to ngɔɛ̂ ngɔɛ̂ wase tar kəm-karɛ â mila nɛ̂n mbər le marəse ang.

1 Kɔrɛntinyɛje 2:4

Tarje ləm kə nɛ̂n-tɔjuje ləm to tokə lə dəwje kə̂ aw unnje tar kəm-karɛ lə dəwje bba aw buje nɛ̂n njê-marədeje ang. Lubba â tɔju ddəw singa-mɔngu tə̂ lə Ndil-mə-nda to tarje ləm toje to tar kə̂ tɔkɔrɔ.

1 Kɔrɛntinyɛje 5:4

Ndɔ kə̂ uwaje dɔ naan a, ndilim a to kə se kâra baa ngaâ kə ri Əbbəjeje Jeju kə singa-mɔngu laa,

2 Kɔrɛntinyɛje 2:17

Mba dəwje nya ddaje tar lə Lubba to nɛ̂n-kinga narɛ ləde. A jeje n-toje tokə ləde ang. Jula nɛ̂n naan tə̂ ang. Lubba â ulaje arə jaw pa tar le nɔn Lubba tə̂, ddəw mə-kâra tə̂ kə̂ n-dda kə Kristə.

2 Kɔrɛntinyɛje 4:2

Jaw mbətə nɛ̂n-rɔ-kulje kə̂ toje lo-kiyɛ̂ tə̂. Jaw jərə dəwje ang ddəm jaw turu tar lə Lubba ang ddəm. Jaw tɔju tar kə̂ tɔkɔrɔ bba karə kəm Lubba tə̂, dəwje tɔyn undaje kəjə ləde dɔje tə̂.

Epɛjinyɛje 4:14

Baann bba ja toje tokə lə ngannje ang ngaâ ləl nɛ̂n-tɔjuje tɔyn njaa a yəkəje ang ddəm a kuwaje kaw nɛ̂n kə yo kə nəənn tokə lə to kə̂ ləl aw yəkə dɔ maann tə̂ ang ddəm. Dəwje a ddaje gusu kərə nɛ̂n je karə n-ndəəm ddəw ang.

Pilipinyɛje 3:21

Ne â nâ turu da-rɔje kə̂ to ndoo karə unn da-rɔɛ̂ kə̂ to nɛ̂n-piti. Nâ dda baann ddəw singa-mɔngu tə̂ kə̂ nee nɛ̂n mba kɔn nɛ̂n dɔ nɛ̂nje tɔyn.

1 Tesalonisinyɛje 2:19

Sese â jaw junda məje dɔse tə̂, sese â ja kinga rɔ-nəəl mbase, sese tɔ â, â toje to nɛ̂n-piti ləje nɔn Əbbə-dəwje Jeju tə̂ ndɔ tə̂ kə̂ nâ ddee.

2 Tesalonisinyɛje 2:9

Satan a karə singa-mɔngu nje-mə-majang le bba a ddee nɛ̂n. Nâ dda nɛ̂n-mɔrije dang dang tɔyn kə nɛ̂nje kə̂ dum dɔ koo ta kərə nɛ̂n dəwje.

1 Timɔte 1:4

Ə-pa arə njê-nɛ̂n-tɔjuje kə̂ tɔkɔrɔ ang le arə dinya ddəw kunda kəjə ləde dɔ gəl nɛ̂nje tə̂ kə̂ ləw kə̂ to kə ddəwe ang kə kɔru gəl-kuju kadede kə̂ kɔnyɛ̂ goto. Nɛ̂njeenn aw ddeeje kə mayn naan tar baa, bbo dda nɛ̂n kə̂ Lubba gɔl mbaje ang. Ddəw mə-kunn tə̂ bba dəw gərə nɛ̂n nɛ̂n kə̂ Lubba gɔl le.

1 Timɔte 4:7

Maji karə ə-mbətə əsu ngəmje kə̂ dəwje aw ɔruje kə̂ toje dang kə nɛ̂n-tɔju lə njê-mə-kunnje. Ə-sangə ddəw ta kunn rɔi karə Lubba.

Titə 1:14

Ə-ndangəde arə daaje lo kə tar ngəmje tə̂ kə̂ ləw kə̂ Jiipije aw turaje ang ddəm daaje lo kə nduje tə̂ lə dəwje kə̂ turuje giride arə tar kə̂ tɔkɔrɔ le ang ddəm.

2 Piyɛr 2:3

Bbo nɛ̂n-kinga a ddade nya ngaâ dâ kərəjese taa nɛ̂n nɛ̂nje ləse. A sariya kə̂ dɔde tə̂ to ngɔsi ngɔsi ləw baa ngaâ mbɔr ang a, dâ kubbaje tuju.

1 Jan 4:14

Jooe kə kəmje ngaâ n-pa tar-naji laa jarə dəwje nan Lubba kə̂ Bɔ ula Ngonnɛ̂ to Nje-kaji-dəwje kə̂ duninya tə̂.

Judə 1:14

Enɔkə kə̂ to kajeje kə̂ to siri laa go kajeje Adam tə̂, ila mbər tar dɔde tə̂ nan: «Ooje, Əbbə-dəwje kə anjəje laa doro doro dâ ddeeje,

Apokalisi 1:7

Ooje, naw ddee mə mum tə̂! Dəwje tɔyn a kooeje. Njê kə̂ ɔsɛ̂je kə ninga njaa kara a kooeje tɔ. Gəl-dəwje tɔyn a nɔnje mbɛɛ̂. A to tokə baann njaa! Amɛnn.