2 Piyɛr 1:12 - Dɔnɔn kə̂ Siki: Tar kə̂ aw arə təbbə

¹² Mba yeenn bba, m-gərə to ə-gərəje nɛ̂njeenn le ngaâ aw ngəmje tar kə̂ tɔkɔrɔ kə̂ ingaje le kə majɛ̂ njaa, a mâ kole məse dɔɛ̂ tə̂ kə ndɔ tɔyn.

2 Piyɛr 1:12 Iomraidhean Croise

Kulaje 16:5

Egilisije aw sangəje ddəw mə-kunn tə̂ ngaâ kə ndɔ kâra kâra kɔr njê-mə-kunnje aw banya kə kete kete.

Pilipinyɛje 3:1

Bbasinɛn ngakɔnʼmje, maji karə ə-ddaje rɔ-nəəl, mba ə-ddaje mə-kâra kə Əbbə-dəwje. Ta karə muja tar kə̂ m-pa kete mban le makəturu tə̂ marəse bbay jɔkəm ang, mba a dda karə nɛ̂n yəkəse ang.

Kolosinyɛje 1:5

Mba aw undaje məse dɔ nɛ̂nje tə̂ kə̂ maji kə̂ Lubba ngəm mba tar ləse mə dara tə̂. Ndɔ kə̂ dila nɛ̂n mbər Tar kə̂ Maji kə̂ to tar kə̂ tɔkɔrɔ darəse njaa ooje nɛ̂n tar nɛ̂n kə̂ Lubba gɔl mba tar ləse mə dara tə̂ le.

Kolosinyɛje 2:7

Maji karə ə-maanje gɔlse dɔ Kristə tə̂ arəje ngəng, tokə lə kakə kə̂ ngirɛ̂ uwa nangə arə kətərə. Uwaje mə-kunn ləse arəje ngəng ddəw kâra baa kə nɛ̂n kə̂ n̂-tɔjuse, ta arəje wooyo Lubba nya nya mba maji kə̂ n̂-dda kə se.

1 Timɔte 4:6

Bbo ə-tɔju nɛ̂nje kə̂ m-pa mari nəənn njê-mə-kunnje a, â to nje-kula lə Jeju-Kristə kə̂ tɔkɔrɔ. Baann bba, â tɔju to ə-to dəw kə̂ aw ubba singa ddəw tar mə-kunn tə̂ ddəm ddəw nɛ̂n-tɔju tə̂ kə̂ tɔkɔrɔ kə̂ unn goe le ddəm.

2 Timɔte 1:6

Yeenn le bba maw mole məi ta karə ə-dda arə gusu kə̂ Lubba ari le nayn kə singa kə ndɔ tɔyn, gusu kə̂ inga kar tə̂ kə̂ mila jim dɔi tə̂ le.

Ebərəje 10:32

A maji karə oleje məse dɔ nɛ̂n tə̂ kə̂ ingase ləw. Go kəmse tə̂ kə̂ Lubba dda arə uja le, ə-maanje gɔlse nangə̂ ə-ddaje nɛ̂n ddɔ arəje ngəng.

Ebərəje 13:9

Maji karə inyaje arə nɛ̂n-tɔjuje kə̂ dang dang ddaje arə ə-ndəəmje ddəw ang. Maji karə ingaje singa ddəw mə-maji tə̂ lə Lubba bbo ddəw nduje tə̂ kə̂ dɔ nɛ̂n-kusaje tə̂ ang. Mba dəwje kə̂ aw ngəmje ndujeenn le ingaje marə nɛ̂n kâra ddəwe tə̂ ang.

1 Piyɛr 5:10

A kooje ndoo mba gɔju kar bbay. A Lubba kə̂ to nje-dda mə-maji nya kə̂ bbarse ddəw tə̂ lə Jeju-Kristə karə ingaje piti kə̂ to kə ndɔ kə ndɔ le, a dda karə ə-təlje ə-ddeeje maji uta, nâ karə gɔlse uwa nangə, nâ karə ubbaje singa ngaâ nâ karə marə nɛ̂n yəkəse ang.

1 Piyɛr 5:12

Silas kə̂ mooe to ngokɔnje kə̂ asə karə munda məm dɔɛ̂ tə̂ â marə dda marə tarje nəənn makəturu tə̂ karə mula nɛ̂n marəse, mba ndəjə nɛ̂n se ddəm mba pa nɛ̂n karəse to mə-maji lə Lubba kə̂ tɔkɔrɔ njaa â ə-naynje ddəwe tə̂ənn ddəm.

2 Piyɛr 1:13

Moo a, to kə dɔgɔlɛ̂ njaa karə bbo m-nayn kəm baa bbay a, mole məse mba ndol nɛ̂n dɔse.

2 Piyɛr 1:15

A mâ dda karə gom tə̂ kara, ingaje ddəw ta kole məse dɔ nɛ̂n-tɔjuje tə̂ nəənn kə kar tɔyn.

2 Piyɛr 3:1

Ngakɔnʼmje kə̂ m-ndikise nya, ooje, makəturu kə̂ to joo laa ngaa â mula nɛ̂n marəse nəənn. Mə makəturuje tə̂ le joo kəm, m-ndiki ta kole məse dɔ marə nɛ̂nje tə̂, mba ndol nɛ̂n dɔse karə kəjə ləse to kə majɛ̂.

2 Piyɛr 3:17

Yeenn a, see ngakɔnʼmje kə̂ m-ndikise nya, ə-gərəje mban: Maji karə arje dɔ gɔlse tə̂. Arəje njê-nɛ̂n-ddaje kə̂ maji ang ərəse arə ə-ndəəmje ddəw ang ngaâ ə-tusuje mə-kunn ləse le inyaje ang.

1 Jan 2:21

Ə-gərəje tar kə̂ tɔkɔrɔ mban ngaâ ə-gərəje to ngəm in mə tar kə̂ tɔkɔrɔ tə̂ ang. Mba yeenn bba, m-dda makəturu nəənn marəse.

2 Jan 1:2

mba tar kə̂ tɔkɔrɔ le to məje tə̂ ngaâ a nayn kə je kə ləw.

Judə 1:17

A see ngakɔnʼmje kə̂ m-ndikise, maji karə oleje məse dɔ tar tə̂ lə njê-kaw-kulaje lə Əbbəjeje Jeju-Kristə kə̂ paje arəse ləw.

Judə 1:3

Ngakɔnʼmje, m-ndiki nya ta dda makəturu karəse ɔju dɔ kaji kə̂ Lubba ajije tɔyn kâra baa. A bbasinɛn, moo maji ta kula kə makəturu nəənn mba karə arəse singa, karə ə-ddaje ddɔ mba ngəm nɛ̂n tar mə-kunn kə̂ Lubba arəje nyɔm le.

Judə 1:5

Ə-gərəje tar nɛ̂nje nəənn le tɔyn kə majɛ̂ kete mban, a m-ndiki ta kole məse dɔɛ tə̂ bbay: Əbbə-dəwje aji dəwje laa nangə tə̂ kə̂ Ejipitə bba goe tə̂ a, narə dəwje kə̂ ooje məde tə̂ saa ang oyje.