2 Jan 1:10 - Dɔnɔn kə̂ Siki: Tar kə̂ aw arə təbbə

¹⁰ Bbo dəw ddee rɔse tə̂ ngaâ tɔjuse marə nɛ̂n-tɔju kə̂ dang a, ə-ddɛɛ̂je lapiya ang ddəm ə-tɛɛ̂je kə kəy ləse ang ddəm.

2 Jan 1:10 Iomraidhean Croise

Kulaje 15:23

Tar kə̂ n̂-ddaje makəturu tə̂ darəde le tokə be: «Jee njê-kaw-kulaje, dəwje kə̂ dɔ Egilisi tə̂ kə ngakɔnse, n-dda lapiya ngakɔnjeje kə̂ toje to Jiipije ang kə̂ eeje Antiyos nangə tə̂ kə̂ Siri kə Silisi.

1 Kɔrɛntinyɛje 16:22

Bbo marə dəw to nam Əbbə-dəwje ang a, maji karə ndu-ndɔɔl to dɔɛ̂ tə̂! Maranata.

1 Kɔrɛntinyɛje 5:11

Baann ang. M-dda makəturu le marəse karə ta bbo marə dəw oo rɔɛ̂ to ngokɔnje ddəw mə-kunn tə̂ mban bba aw dda kaya, aw unda kəm-nda, aw polo kɔr, aw nanɛn kə dəw, ddee to bbərə lə koto, ddee to nje-bboko a, maji karə nɛ̂n kara usaje saa ang.

2 Tesalonisinyɛje 3:14

Bbo marə dəw mbətə ta dda nɛ̂n kə turu ndu kə̂ jarəse makəturu tə̂ nəənn a, ɛɛ̂je kə majɛ̂, ə-ddaje saa mə-kâra ang arəje rɔɛ̂ wul.

2 Tesalonisinyɛje 3:6

Ngakɔnje, n-dujuse nya kə ri Əbbəjeje Jeju-Kristə karə aynje ngakɔnje kə̂ toje to njê-dabbəje, kə̂ aw ddaje nɛ̂nje kə̂ toje dang kə nɛ̂nje kə̂ n-tɔjuse.

Titə 3:10

Maji karə ə-ndɔru mbi dəw kə̂ aw tin njê-mə-kunnje. Ə-ndɔru gɔl kâra, gɔl joo, â bbo noo ang a, ilɛ̂ ddaka.

2 Jan 1:11

Dəw kə̂ ddɛɛ̂ lapiya, dda saa mə-kâra dɔ kula-ddɛɛ̂ tə̂ kə̂ maji ang le.

3 Jan 1:10

Yeenn a, ndɔ kə̂ m-tee horose tə̂ a, mâ kole məse dɔ kula-ddɛɛ̂ tə̂, mba Diyoterepə le tuju rije. Dɔɛ̂ tə̂ bbay, n̂-təl n̂-mbətə ta kuwa ngakɔnjeje kə̂ mə Kristə tə̂ kə rɔɛ̂ tə̂. Nɔku ddəw dəwje kə̂ ndiki ta kuwade kə rɔde tə̂ ddəm n̂-tubbade lo mbɔn-naan tə̂ ddəm.