2 Timɔte 4:8 - Dɔnɔn kə̂ Siki: Tar kə̂ aw arə təbbə

⁸ Bbasinɛn, Lubba ngəm nɛ̂n kə̂ maji mbam to kuka ləm, nɛ̂n kə̂ maji kə̂ to mba dəwje kə̂ gatə gatə. Əbbə-dəwje kə̂ to nje-gangə sariya kə̂ gatə gatə a karəm nɛ̂n kə̂ maji le ndɔ gangə sariya tə̂. Nâ karəm kə karəm baa ang, nâ karə dəwje tɔyn kə̂ aw ndikije tar ddee laa le tɔ.

Maketuru le Lubba ke tar kabba

⁸ Bbasine Lubba ngem ejɔkudɔ wɔju dɔm, ejɔkudɔ ke to wɔju dɔ dewje ke gate gate. Ebbe-dewje ke to nje-gange sariya ke gate gate a karem ejɔkudɔ le ndɔ gange sariya te. Na karem ke karem baa ang, na kare dewje tɔyn ke aw ngebbeje ndɔ ddee laa tɔ.

2 Timɔte 4:8 Iomraidhean Croise

Matiye 24:36

«Dəw kâra gərə ndɔ wase kar kə̂ nɛ̂njeenn le a toje nɛ̂n ang. Anjəje kə̂ darâ wase Ngonn le kara gərə ang. Bɔ kə karɛ̂ baa â gərə.

Matiye 7:22

Ndɔ gangə sariya a, dəwje nya a paje karəm nan: ‹Əbbə-dəwje! Əbbə-dəwje! Jila mbər tar ləi, n-tubba ndilje kə̂ maji ang ddəm n-dda nɛ̂n-mɔrije nya kə rii ang wa?›

Luku 10:12

M-pa marəse, ddutu ndɔ a, sariya kə̂ dɔ bbe tə̂ənn a ngəng kuta sariya kə̂ dɔ Sɔdɔm tə̂ ləw.»

Rɔmɛnje 2:5

A məi kətərə arə ə-ndiki ta turu ddəw ləi ang. Aw mbɔn wungu lə Lubba dɔi tə̂ mba nginan nɛ̂n ndɔ kə̂ Lubba a gangə nɛ̂n sariya laa kə̂ gatə gatə dɔ dəwje tə̂.

Rɔmɛnje 8:23

Nɛ̂nje tɔyn kə̂ Lubba dda kə karəde baa njaa aw nɔnje rɔde ang. Jeje kə̂ jingaje Ndil-mə-nda to dɔngɔr nɛ̂n-karə-baa lə Lubba njaa kara jaw nɔnje rɔje məje tə̂ tɔ. Jaw nginanje karə Lubba arə n-ddeeje to ngannɛ̂ ngaâ karə naji da-rɔje tɔ.

1 Kɔrɛntinyɛje 2:9

Ddəw kâra baa tokə Makəturu lə Lubba pa tarɛ̂ nan: «Nɛ̂n kə̂ kəm dəw oo ang ddəm mbi dəw oo ang ddəm Nɛ̂n kə̂ dəw əjə ndɔ kâra ang, Lubba gɔl mba dəwje kə̂ ndikeje.»

1 Kɔrɛntinyɛje 3:13

kula lə dəw kâra kâra a tee kə ddaka kəm dəwje tə̂ ndɔ gangə sariya tə̂. Dâ nan kula lə dəw kâra kâra kə puru ta gərə.

1 Kɔrɛntinyɛje 9:25

Dəwje tɔyn kə̂ aw gɔlje rɔde mba kayn ngɔru aw sangəje rɔde marə nɛ̂nje tə̂ nya. Daw ddaje baann, mba kinga nɛ̂n kuka kə̂ a tuju marə ndɔ. A jeje jaw ddaje tokə baann, mba kinga nɛ̂n kuka kə̂ a tuju ang ndɔ kâra ang.

2 Kɔrɛntinyɛje 5:2

A jaw sɔmje nya mə kəy-kam tə̂ nəənn le, jaw ndiki ta kula da-rɔ kə̂ siki tokə lə kubbu dɔ ye tə̂ kə̂ nangə̂ nəənn le. Da-rɔ kə̂ siki le to kəy ləje kə̂ to darâ le.

Pilipinyɛje 3:11

Yeenn bba munda məm to əman njaa kara moy a, mâ ndol tɔ.

Kolosinyɛje 1:5

Mba aw undaje məse dɔ nɛ̂nje tə̂ kə̂ maji kə̂ Lubba ngəm mba tar ləse mə dara tə̂. Ndɔ kə̂ dila nɛ̂n mbər Tar kə̂ Maji kə̂ to tar kə̂ tɔkɔrɔ darəse njaa ooje nɛ̂n tar nɛ̂n kə̂ Lubba gɔl mba tar ləse mə dara tə̂ le.

1 Tesalonisinyɛje 1:10

ngaâ aw nginanje Ngonnɛ̂ Jeju kə̂ oy, a n̂-ndole, ne kə̂ nâ kin darâ ta ddee. Ne ngonnɛ̂ kə̂ nɔruje ta wungu tə̂ lə Lubba kə̂ aw ddee le.

1 Tesalonisinyɛje 5:4

A see ngakɔnje, sese ə-naynje lo ndul tə̂ ang. Yeenn a, ndɔ le a kɔsuse busu tokə lə nje-bboko ang.

2 Tesalonisinyɛje 2:8

Yeenn ngaâ nâ tɔju rɔɛ̂ kə ddaka ngaâ Əbbə-dəwje Jeju a tɔlɛ̂ kə ləl tɛɛ̂, nâ tuje kə ndoko laa kə̂ nâ ddee nɛ̂n.

1 Timɔte 6:19

Baann bba dâ gɔlje nɛ̂n dam ləde kə̂ kura kə̂ gɔlɛ̂ kətərə, mba ndɔ kə̂ bara. Yeenn tɔ bba dâ kingaje təbbə kə̂ tɔkɔrɔ.

2 Timɔte 1:10

N̂-tɔju mə-maji laa le bbasinɛn ddəw tə̂ lə Nje-kajije Jeju-Kristə kə̂ ddee. Jeju njaa guru singa yo ngaâ tɔju təbbə kə̂ to kə ndɔ kə ndɔ kə ddaka ddəw Tar kə̂ Maji tə̂.

2 Timɔte 1:12

Gəle kə̂ nəənn le bba maw moo nɛ̂n ndoo. A rɔ-kule ddam ang, mba m-gərə dəw kə̂ munn məm marɛ̂ le kə majɛ̂ ngaâ m-gərə kə majɛ̂ to nee kə singa ta ngəm nɛ̂n kə̂ ninya mə jim tə̂ ndərəng ddutu ndɔ tə̂.

2 Timɔte 1:18

Maji karə Əbbə-dəwje oo kəm-to-ndoo laa ndɔ tə̂ kə̂ Lubba a gangə nɛ̂n sariya. Ə-gərə nɛ̂nje kə̂ maji tɔyn kə̂ n̂-dda səm Epɛjə le kə majɛ̂.

2 Timɔte 2:5

Ddəw kâra baa, dəwje kə̂ aw taje naan ddəw marə nɛ̂nje tə̂ tokə lə kayn ngɔru, dəw kə̂ ayn ngɔru le kə ddəwe bba a kinga kuka laa.

2 Timɔte 4:1

Maw duji kəm Lubba tə̂ kə kəm Jeju-Kristə tə̂ kə̂ a gangə sariya dɔ dəwje tə̂ kə̂ isije kəm baa ddəm dəwje tə̂ kə̂ oyje ddəm, maw duji kə ri Kristə kə̂ a təl ddee kɔn-mbay,

Titə 2:13

N-ddaje tokə baann n-nginanje nɛ̂n ndɔ kisi kə rɔ-nəəl ləje kə̂ jundaje məje dɔɛ̂ tə̂ le. To ndɔ kə̂ tɔkə Lubba ləje kə̂ to Nje-kajije Jeju-Kristə a ddee kə piti laa.

Ebərəje 12:11

Tɔkɔrɔ njaa, bbo daw dunda dəw mba tɔjɛ̂ nɛ̂n ddəw a, to nɛ̂n rɔ-nəəl karɛ̂ tə̂ənn le njaa ang. A ndərəng goe tə̂ a, dəw kə̂ dundɛ̂ le ddee to dəw kə̂ gatə gatə ngaâ isi kə mə-wul-lɔm.

Ebərəje 9:28

Ddəw kâra baa, Kristə unn rɔɛ̂ arə to nɛ̂n-polo gɔl kâra baa ta kɔru nɛ̂n tar majang lə dəwje kə̂ banya. Nâ təl ddee kə̂ gɔl joo laa ta kaji dəwje kə̂ aw nginɛ̂nje, bbo ta kɔru tar majang ang ngaa.

Jakə 1:12

Maji arə dəw kə̂ ore wure mə nɛ̂n-nanje tə̂ dang dang, mba bbo n̂-nɛɛ̂n doo ngaâ nasə a, nâ kinga kuka. Kuka le kə̂ to təbbə kə̂ Əbbə-dəwje unn ndue ta karə dəwje kə̂ ndikeje.

1 Piyɛr 1:4

ta kinga nɛ̂nje kə̂ Lubba ngəm mba dəwje laa. To nɛ̂nje kə̂ a tujuje ang ddəm nɛ̂n-yərəw a kɔru ang ddəm ndoko ləde a goto ang ddəm. Lubba ngəm nɛ̂nje le arəse darâ,

1 Piyɛr 5:4

A bbo ndɔ kə̂ Mbay kə̂ dɔ njê-ngəmje dəwje tə̂ lə Lubba tɔyn unda lo tee a, â kingaje əjɔkudɔ kə̂ a tuju ndɔ kâra ang kə̂ to nɛ̂n-piti.

Apokalisi 1:7

Ooje, naw ddee mə mum tə̂! Dəwje tɔyn a kooeje. Njê kə̂ ɔsɛ̂je kə ninga njaa kara a kooeje tɔ. Gəl-dəwje tɔyn a nɔnje mbɛɛ̂. A to tokə baann njaa! Amɛnn.

Apokalisi 19:11

Goe tə̂ a, moo dara təəyn, a moo sunda kə̂ nda. Dəw kə̂ aal sunda le ria nan: «Dəw kə̂ aw dda nɛ̂n kə dɔgɔlɛ̂, Dəw kə̂ tɔkɔrɔ.» Naw gangə sariya ngaâ naw dda ddɔ ddəw nɛ̂n tə̂ kə̂ gatə gatə.

Apokalisi 2:10

 koo ndoo, a arə bbəəle ddai ang. Əsu a kila marə dəwje ləse kəy-kula tə̂ mba nan nɛ̂n se. Dâ dda singa kə se ndɔ dɔku. Maji karə uwa arə ngəng ndərəng oy nɛ̂n a, mâ kari təbbə kə̂ to kə ndɔ kə ndɔ to əjɔkudɔ.

Apokalisi 22:20

Dəw kə̂ pa tar-naji nɛ̂nje nəənn le, pa nan: «Tɔkɔrɔ, maw ddee ngɔsi baa.» Amɛnn! Ə-ddee, Əbbə-dəwje Jeju!

Apokalisi 4:10

tɔkəje kə̂ dɔjoo gire sɔ le ɔsuje məkəjə-gɔlde nɔɛ̂n tə̂, ne kə̂ nisi ngende-mbay tə̂ le, n̂-walɛ̂je nɛ̂n, ne kə̂ nisi kə ndɔ kə ndɔ le. Dunguje əjɔkudɔje ləde nɔn ngende-mbay tə̂ le ngaâ n̂-paje nan:

Apokalisi 4:4

Marə ngende-mbayje dɔjoo gire sɔ gukuje dɔ ngende-mbay le ngaâ tɔkəje dɔjoo gire sɔ isije dɔɛ tə̂ kâra kâra tɔyn. Dulaje kubbu kə̂ nda ngaâ dundaje əjɔkudɔ kə̂ n̂-dda kə andə-narɛ dɔde tə̂.