2 Timɔte 4:7 - Dɔnɔn kə̂ Siki: Tar kə̂ aw arə təbbə

⁷ M-dda ddɔ kə̂ maji, mayn ngɔru m-tee mban, m-ngəm mə-kunn ləm.

Maketuru le Lubba ke tar kabba

⁷ M-dda ddɔ ke maji, mayn ngɔru m-tee mban, m-ngem me-kunn lem.

2 Timɔte 4:7 Iomraidhean Croise

Luku 11:28

A Jeju ilɛ̂ tə̂ nan: «Uta tɔyn, maji arə dede kə̂ dooje tar lə Lubba a, ngəmje.»

Luku 8:15

Kandə-ko kə̂ gayn dɔ nangə tə̂ kə̂ maji le tɔju njê kə̂ ooje tar lə Lubba kə mə kə̂ maji kə mə kə̂ gatə gatə, a n̂-ngəmje tar le, duwaje darə ngəng ngaâ n̂-naynje daw dandəje kandə.»

Tar kə̂ Maji kə̂ Jan dda makəturu tə̂ 17:6

M-dda marə dəwje kə̂ ə-mbərəde horo marɛ̂je tə̂ duninya tə̂ ungude mə jim tə̂ le gərije. N̂-toje to dəwje ləi â ungude mə jim tə̂ ngaâ n̂-ddaje nɛ̂n kə turu ndui.

Tar kə̂ Maji kə̂ Jan dda makəturu tə̂ 4:34

Jeju pa arəde nan: «Nɛ̂n-kusa ləm to ənga dda nɛ̂n kə̂ mə Lubba kə̂ ulam ndiki, ta dda kula kə̂ narəm le tunga.

Kulaje 13:25

Kar kə̂ kula lə Jan-Batisi a ta kunda ngangɛ̂ a, naw pa nan: ‹Əjəje to m-to nân wa? M-to dəw kə̂ aw ngəbbeje le ang. Ooje, marə dəw kə̂ masə ta tutu kula nɛ̂n-gɔl laa ang aw ddee gom tə̂.›

Kulaje 20:24

Moo təbbə ləm to nɛ̂n kəmʼm tə̂ ang. Nɛ̂n kə̂ m-ndiki njaa to ənga dda kula kə̂ Əbbə-dəwje Jeju inya jim tə̂ ndərəng kɔsu kɔnyɛ̂. Kula le to kula kila mbər Tar kə̂ Maji kə̂ to mə-maji lə Lubba.

Galatəje 2:2

Maw nunn, mba Lubba â pa arəm karə maw. Lo tə̂ənn, mɔru gəl Tar kə̂ Maji kə̂ maw mila mbəre marə dəwje kə̂ toje to Jiipije ang le. Mɔru gəle marə tɔkəje kə̂ dɔ Egilisi tə̂ marə mbɔn-naan tə̂ kə̂ m-dda kə de dang tɔ. M-dda baann mba m-ndiki karə kulaje ləm kə̂ takənɛn kə yəje kə̂ bbokənɛn kara toje to kulaje kə̂ baa ang.

Pilipinyɛje 1:30

Ndoo le to ddɔ kə̂ aw ddaje tokə m-dda le ngaâ m-nayn tɛɛ̂ tə̂ baa bbay arə aw ooje tarɛ̂ le.

1 Timɔte 1:18

Ngonnəm Timɔte, ndu kə̂ maw minya mə jii tə̂ nəənn, ar dɔ tar tə̂ kə̂ njê-kilaje mbər tar lə Lubba paje dɔi tə̂ ləw le. Maji karə tarje nəənn ari singa arə ə-dda nɛ̂n ddɔ kə̂ maji,

1 Timɔte 6:12

Maji karə ə-dda ddɔ kə̂ maji mba ngəm nɛ̂n mə-kunn ləi ta uwa təbbə kə̂ to kə ndɔ kə ndɔ kə̂ Lubba bbari mbɛɛ̂ le, kar tə̂ kə̂ ə-pa kə tai nɔn njê-tar-najije tə̂ kə̂ banya to unn məi arə Jeju-Kristə le.

1 Timɔte 6:20

Timɔte, maji karə ə-ngəm nɛ̂n kə̂ Lubba inya mə jii tə̂ le kə majɛ̂. Ə-mbətə bulaje kə̂ baa baa kə̂ aw tila kəm tar lə Lubba. Nɛ̂njeenn le inje ddəw nɛ̂n-gərə tə̂ kə̂ dəwje ooje to nɛ̂n-gərə kə̂ tɔkɔrɔ.

2 Timɔte 1:14

Maji karə ə-ngəm nɛ̂nje kə̂ maji kə̂ Lubba inya mə jii tə̂ le ddəw singa tə̂ lə Ndil-mə-nda kə̂ isi məje tə̂.

2 Timɔte 3:10

A əi, ə-gərə nɛ̂n-tɔjuje ləm, pa-nja ləm, nɛ̂nje kə̂ bboe to məm tə̂ ta dda, mə-kunn ləm, kore-wur ləm, ndiki kə̂ m-ndiki dəwje kə kuwa kə̂ muwa marə ngəng.

Apokalisi 3:10

Ə-ngəm ndəjə ləm kə̂ mari karə uwa arə ngəng le. Yeenn bba, əman njaa kara mâ ngəmi kar tə̂ kə̂ nɛ̂n-nanje a ddeeje mba nan mə dəwje tɔyn kə̂ dɔ nangə tə̂.

Apokalisi 3:8

N̂-pa nan: M-gərə kula-ddai. M-gərə to singai to nya ang njaa. A ə-ngəm tar ləm bbo ə-mbətəm ang. Mba yeenn bba, oo, mɔru ta-kəy nɔin tə̂, a dəw kâra a kasə kutu ta-kəy le ang.

Apokalisi 6:11

Yeenn ngaâ darəde tɔkə kubbu kə̂ nda, kə̂ ngal kâra kâra tɔyn. Ngaâ, n̂-pa darəde karə n̂-nginanje ngaji, karə kɔr nje-kula marədeje kə kɔr ngakɔndeje utu naan bba. Mba dede kara dâ tɔlde tokə ləde tɔ.