2 Timɔte 4:2 - Dɔnɔn kə̂ Siki: Tar kə̂ aw arə təbbə

² karə ila mbər tar lə Lubba, ə-təl dɔɛ̂ tə̂ kə kar tɔyn kə kar kə̂ maji ddəm maji ang ddəm. Maji karə ə-tɔjude majang ləde, ə-ndangəde, ə-dda arə dubbaje singa. Maji karə ə-tɔ wuri ddəwe tə̂ ta arə bbo nɛ̂n-tɔju ddai.

Maketuru le Lubba ke tar kabba

² ta kare ila mber tar le Lubba, e-tel dɔe te ke kare tɔyn, ke kare ke maji ddem ke kare ke maji ang ddem. Maji kare e-tɔjude majang lede, e-ndangede, e-tɔ wuri e-ndejede ngaa ee ke bbo ne-tɔju.

2 Timɔte 4:2 Iomraidhean Croise

Luku 7:23

Maji arə dəw kə̂ əman â, mâ to nje-dda karə mə-kunn laa oso ang.»

Luku 7:4

Dawje rɔ Jeju tə̂ ngaâ n̂-ddaje rɔde to ndoo rɔɛ̂ tə̂ nan: «Dingaw nəənn asə karə ə-dda nɛ̂n kə̂ n̂-duji le arɛ̂,

Luku 9:60

A Jeju ilɛ̂ tə̂ nan: «Inya yoje arə dubbuje yoje ləde. A əi, aw pa tar kɔn-mbay lə Lubba arə dəwje.»

Kulaje 13:5

N̂-teeje bbe tə̂ kə̂ Salaminn a, n̂-paje tar lə Lubba darə dəwje kəy mbɔn-naan tə̂ lə Jiipije. Jan-Markə ee tə̂ənn aw umande.

Kulaje 16:13

Ndɔ-kuwa-rɔ tə̂ lə Jiipije, jin mə bbe tə̂ le n-tee jaw kar maann tə̂, mba jəjə to lo duju Lubba lə Jiipije a to lo tə̂ənn. Jisi nangə̂ ngaâ n-pa tar jarə dɛnɛ̂nje kə̂ mbɔnje naan lo tə̂ənn le.

Kulaje 20:7

N-mbɔn naan kə ndɔ-kuwa-rɔ ta kɔn muru mə-kâra a, Pɔl pa tar arə njê-mə-kunnje ndərəng lo mɔngu, mba lo-karɛ̂ a, nâ ta kɔtu.

Kulaje 28:16

N-tee Rɔm a, darə ddəw Pɔl karə uwa kəy laa dang. Dunn marə mbamba kâra karə ngəmɛ̂.

Rɔmɛnje 10:15

Bbo dula dəw karə ila mbər tar laa ang a, dəw le a pa tar laa tokə baânn wa? Ddəw kâra baa tokə Makəturu lə Lubba pa tɔ nan: To nɛ̂n kə̂ kura nya ta koo dəwje kə̂ ddeeje kə Tar kə̂ Maji.

Rɔmɛnje 12:12

Maji karə ə-ddaje rɔ-nəəl mba nɛ̂n kə̂ aw undaje məse dɔɛ̂ tə̂. Maji karə ə-tɔje wurse mə nɛ̂n kəm-to-ndooje tə̂ kə̂ aw ingajese, ə-dujuje Lubba kə ndɔ tɔyn.

Galatəje 6:6

Maji karə dəw kə̂ daw tɔjɛ̂ Tar lə Lubba kayn dəbbə nɛ̂n-kingaje laa tɔyn arə dəw kə̂ aw tɔjɛ̂ Tar le.

Kolosinyɛje 1:25

Egilisi le â m-ddee to nje-kulɛ̂ mba Lubba â inya kula le jim tə̂ karə mila mbər tar laa tɔyn marəse.

Kolosinyɛje 4:3

Maji karə ə-dujuje Lubba mba tar ləje tɔ, karə nɔru ddəw narə n-pa tar laa. Baann bba karə mila mbər tar lə Kristə kə̂ to lo-kiyɛ̂ tə̂ le. Mba nɛ̂ɛnn le â dilam kəy-kula tə̂ mbɛɛ̂.

1 Tesalonisinyɛje 1:6

Sese le, ə-ddaje nɛ̂n tokə jeje ddəm ə-ddaje nɛ̂n tokə lə Əbbə-dəwje ddəm mba mə nɛ̂n-singaje tə̂ kə̂ ingase, ə-taaje tar le kə rɔ-nəəl kə̂ Ndil-mə-nda arəse.

1 Tesalonisinyɛje 5:14

Ngakɔnje, n-dujuse nya karə ə-ndɔruje mbi dəwje kə̂ aw ddaje nɛ̂nje kə̂ to kə dɔgɔlɛ̂ ang. Maji karə ə-ddaje arəje dəwje kə̂ rɔde oy njururu təl ubbaje singa. Ngaâ umanje dəwje kə̂ mə-kunn ləde sangə ang bbay ddəm ə-tɔje wurse arəje dəwje tɔyn ddəm.

1 Tesalonisinyɛje 5:20

Maji karə ə-mbətəje mbər tarje lə Lubba kə̂ daw dila le ang.

1 Timɔte 4:13

Maji karə ə-tura makəturu nya arə dəwje lo mbɔn-naan tə̂ ə-nginan nɛ̂n ndɔ ddee ləm. Arəde ndəjə ngaâ ə-tɔjude nɛ̂n.

1 Timɔte 5:20

A bbo dəw dda majang a, ə-ndangɛ̂ kəm dəwje tə̂ tɔyn. Baann bba kəsə dəwje a bbəəlje ta dda majang.

2 Timɔte 2:21

D əw kə̂ inya nɛ̂n-ddaje kə̂ maji ang kə̂ m-pa tarɛ̂ nəənn a, nâ to sambe kə̂ daw ngəm mba ndɔ kusu, dâ kundɛ̂ dang mba kula lə Lubba. Əbbə-dəwje a kunnɛ̂ mba dda nɛ̂n kula, nâ to ngɔsi mba dda kulaje tɔyn kə̂ maji.

2 Timɔte 2:25

Maji karə n̂-tɔju ddəw dəwje kə̂ aw maynje saa tar kə gɔsu kə̂ wul pee. A du ang, Lubba a dda karə n̂-turuje məde mba gərə tar kə̂ tɔkɔrɔ.

2 Timɔte 3:10

A əi, ə-gərə nɛ̂n-tɔjuje ləm, pa-nja ləm, nɛ̂nje kə̂ bboe to məm tə̂ ta dda, mə-kunn ləm, kore-wur ləm, ndiki kə̂ m-ndiki dəwje kə kuwa kə̂ muwa marə ngəng.

Titə 1:13

Tar laa le to tar kə̂ tɔkɔrɔ njaa. Mba yeenn bba, maji karə ə-ndangəde kə singa, mba karə mə-kunn ləde to gatə gatə.

Titə 2:15

Maji karə ə-pa tar tokə baann, arə ndəjə arə dubbaje nɛ̂n singa ta ə-ndangəde kə ndu kə̂ mɔngu. Ə-dda arə dəw kâra dabbi ang.

Ebərəje 13:22

Ngakɔnʼmje, m-dujuse karə ə-tɔje wurse ooje nɛ̂n ndəjəje nəənn. Mba makəturu kə̂ mula nɛ̂n marəse nəənn ngal ang.

Apokalisi 3:19

Dəwje tɔyn kə̂ m-ndikide, maw təl kə de ddəw tə̂ kə̂ maji ddəm maw tundade ddəm. Yeenn bba, maji karə ə-dda kula le kə mə-kâra ta ə-turu məi.