2 Timɔte 4:18 - Dɔnɔn kə̂ Siki: Tar kə̂ aw arə təbbə

¹⁸ Əbbə-dəwje a kɔrum ta nɛ̂nje tə̂ kə̂ maji ang tɔyn ngaâ nâ kajim karə mandə mə Bbe-kɔn tə̂ laa darâ. Maji karə piti to laa kə ndɔ kə ndɔ. Amɛnn.

Maketuru le Lubba ke tar kabba

¹⁸ Ebbe-dewje a kɔrum ta neje te ke maji ang tɔyn ngaa na kajim kare mande me bbe-kɔn te laa darâ. Maji kare piti to laa bbal ke bbal. Amem.

2 Timɔte 4:18 Iomraidhean Croise

Matiye 13:43

A kar tə̂ənn, dəwje kə̂ toje gatə gatə kə Lubba a ndokoje tokə lə kar mə Bbe-kɔn tə̂ lə Bɔdede. Dəw kə̂ mbia to a, maji karə oo tar nəənn!»

Matiye 25:34

Yeenn ngaâ tɔkə mbay le a pa karə njê kə̂ dɔ ji-kɔlɛ̂ tə̂ nan: ‹Sese kə̂ Bɔmje bbar tar kə̂ maji dɔse tə̂ le, ə-ddeeje. Ə-taaje Bbe-kɔn kə̂ Lubba gɔl mba tar ləse ləw baa kə̂ duninya to le.

Matiye 6:13

Inya arə marə nɛ̂n nanje ang. A ɔruje ji Nje-mə-majang tə̂. [Mba əi njaa kɔn-mbay, singa-mɔngu kə piti toje to ləi kə ndɔ kə ndɔ! Amɛnn.]

Luku 11:4

Ɔru tar majang ləje dɔje tə̂, mba jeje kara jaw jɔru tar dɔ dəwje tə̂ kə̂ ddaje majang kə je tɔ. Inya arə marə nɛ̂n nanje ang.› »

Luku 12:32

Sese kə̂ ə-toje tokə lə nɛ̂n-kuulje kə̂ banya ang le ə-bbəəlje ang, mba Bɔsese oo maji ta karəse Bbe-kɔn le.»

Luku 22:29

Mba yeenn bba, mâ karəse Bbe-kɔn le tokə Bɔmje arəm le,

Tar kə̂ Maji kə̂ Jan dda makəturu tə̂ 17:15

Maw duji karə ɔrude duninya tə̂ nəənn kə ddang ang. A ta karə ə-ngəmde bba karə Nje-mə-majang le dda marə nɛ̂n kə de ang.

Rɔmɛnje 11:36

Tɔkɔrɔ, nɛ̂nje tɔyn inje rɔɛ̂ tə̂, nɛ̂nje tɔyn toje to laa ngaâ nɛ̂nje tɔyn toje ddəw tə̂ laa. Maji karə piti to laa kə ndɔ kə ndɔ Amɛnn!

Rɔmɛnje 16:27

Lubba kâra baa â to nje-kəm-karɛ, piti to laa ddəw tə̂ lə Jeju-Kristə kə ndɔ kə ndɔ! Amɛnn!

1 Kɔrɛntinyɛje 1:21

Lubba dda ddəw kəm-karɛ tə̂ laa arə dəwje kə̂ duninya tə̂ nəənn asəje ta gəre ddəw kəm-karɛ tə̂ ləde njaa ang. Yeenn bba Lubba oo maji ta kaji dəwje kə̂ unnje məde ddəw tar tə̂ kə̂ jaw jila nɛ̂n mbər kə̂ to tokə tar mbəjeenn le.

1 Kɔrɛntinyɛje 10:13

Nɛ̂n-nanje kə̂ nanse to nɛ̂nje kə̂ aw ingaje dəwje. Lubba to gatə gatə, nâ kinya ddəw karə nɛ̂n nanse uta singase ang. Bbo nɛ̂n-nan to a, nâ karəse singa karə uwaje arə ngəng ngaâ nâ karəse ddəw karə ə-teeje məɛ tə̂ kə ddang.

1 Kɔrɛntinyɛje 15:50

Ngakɔnʼmje, nɛ̂n kə̂ m-ndiki ta pa â nəənn: Da-rɔ dəw a kasə ta kandə mə Bbe-kɔn tə̂ lə Lubba ang. Nɛ̂n kə̂ aw oy a kasə ta nayn kə təbbə kə̂ to kə ndɔ kə ndɔ ang.

2 Kɔrɛntinyɛje 1:10

Ne â n̂-tee kə je ta yo tə̂ arə nâ təl tee kə je ta yo tə̂ kə̂ baann bbay. Baann njaa, junda məje dɔɛ̂ tə̂ to nâ tee kə je tɛɛ tə̂ bbay.

Galatəje 1:5

Maji karə dəwje piteje kə ndɔ kə ndɔ. Amɛnn.

1 Tesalonisinyɛje 5:23

Maji karə Lubba njaa kə̂ to nje-karə mə-wul-lɔm dda arə ə-ddeeje maji tɔyn. Maji karə n̂-ngəm da-rɔse tɔyn, kəjə ləse, kəwn ləse kə rɔse, narə ndɔ ddee lə Əbbə-dəwje Jeju-Kristə a, tar kâra to dɔse tə̂ ang.

2 Tesalonisinyɛje 3:3

A Əbbə-dəwje aw dda nɛ̂n kə turu ndue. Nâ karə ubbaje singa ngaâ nâ ngəmse karə Nje-mə-majang le ɔruse ang.

1 Timɔte 1:17

Asə karə dəwje tɔyn ndɔyje ri tɔkə mbay kə̂ nje-kisi kə ndɔ kə ndɔ ngaâ piteje, ne kə̂ noy ang, ne kə̂ kəm dəw ooe ang, Lubba kə̂ kâra baa, Amɛnn.

1 Timɔte 6:16

Lubba kə̂ nje-kisi kə ndɔ kə ndɔ, ne kə̂ nisi lo tə̂ kə̂ ndoko kə̂ dəw tee tə̂ ang. Dəw kâra ooe ang ddəm dəw kâra asə ta kooe ang ddəm. Maji karə piti kə singa-mɔngu toje to laa kə ndɔ kə ndɔ. Amɛnn.

2 Timɔte 1:12

Gəle kə̂ nəənn le bba maw moo nɛ̂n ndoo. A rɔ-kule ddam ang, mba m-gərə dəw kə̂ munn məm marɛ̂ le kə majɛ̂ ngaâ m-gərə kə majɛ̂ to nee kə singa ta ngəm nɛ̂n kə̂ ninya mə jim tə̂ ndərəng ddutu ndɔ tə̂.

2 Timɔte 4:1

Maw duji kəm Lubba tə̂ kə kəm Jeju-Kristə tə̂ kə̂ a gangə sariya dɔ dəwje tə̂ kə̂ isije kəm baa ddəm dəwje tə̂ kə̂ oyje ddəm, maw duji kə ri Kristə kə̂ a təl ddee kɔn-mbay,

Ebərəje 11:16

A kə̂ tɔkɔrɔ njaa, daw ndikije ta kinga marə bbe kə̂ maji uta ye kə̂ kete le. To bbe kə̂ darâ. Mba yeenn bba, bbo dəw bbar Lubba to Lubba ləde a, rɔ Lubba wul ang. Tɔkɔrɔ njaa n̂-gɔl marə bbe mba tar ləde.

Ebərəje 12:22

A sese, ə-ddeeje ngɔsi kə ddingiri kə̂ Sinyɔ, kə̂ to bbe lə Lubba kə̂ nje-kisi kəm baa, Jerujalɛm kə̂ darâ, kə̂ anjəje toje tə̂ doro doro.

Ebərəje 13:21

Maji karə ne Lubba le narə ingaje singa ta dda nɛ̂n nɛ̂nje tɔyn kə̂ maji, bba karə ə-ddaje nɛ̂n nɛ̂n kə̂ məɛ̂ ndiki. Nɛ̂n kə̂ nəəl kəmɛ̂ tə̂ â maji karə n̂-dda məje tə̂ ddəw tə̂ lə Jeju-Kristə. Ne Jeju kə̂ piti to laa kə ndɔ kə ndɔ. Amɛnn!

Jakə 2:5

Ngakɔnʼmje kə̂ m-ndikise nya, ooje tar nəənn: Lubba mbərə dəwje kə̂ dəwje kə̂ duninya tə̂ nəənn oojede to njê-ndooje, ta karə n̂-ddeeje to njê-nɛ̂n-kingaje ddəw mə-kunn tə̂ ddəm ta karə Bbe-kɔn kə̂ Lubba unn ndue ta karə dəwje kə̂ ndikeje le ddee to ləde ddəm.

1 Piyɛr 1:5

sese kə̂ naw ngəmse ddəw singa-mɔngu tə̂ laa mba mə-kunn ləse karə ingaje kaji nəənn le. Ddutu ndɔje tə̂ a, nâ tɔju kaji kə̂ najise le kə ddaka karə dəwje tɔyn ooje.

1 Piyɛr 5:11

Maji karə singa-mɔngu to laa kə ndɔ kə ndɔ Amɛnn!

2 Piyɛr 1:11

Baann bba Lubba a kɔru ddəw karə tatə karə andəje nɛ̂n mə Bbe-kɔn tə̂ kə̂ a to kə bbal kə bbal, kə̂ to Bbe-kɔn lə Jeju-Kristə kə̂ to Əbbəjeje ddəm Nje-kajije ddəm.

2 Piyɛr 3:18

A maji karə ə-sangəje kə kete kete ddəw mə-maji tə̂ lə Əbbəjeje kə̂ Nje-kajije Jeju-Kristə ddəm ddəw gərə tə̂ kə̂ ə-gəreje ddəm. Maji karə piti to laa, bbasinɛn nəənn nyɔm kə ləw. Amɛnn!

Judə 1:1

Əman Judə ngokɔn Jakə kə̂ m-to bbərə-kula lə Jeju-Kristə, m-dda makəturu nəənn marə dəwje kə̂ Lubba bbarde kə ddaka, dəwje kə̂ Lubba kə̂ Bɔ ndikide nya ngaâ ngəmde mba Jeju-Kristə.