2 Timɔte 4:10 - Dɔnɔn kə̂ Siki: Tar kə̂ aw arə təbbə

¹⁰ Mba Demas tusum inyam mba bbo nɛ̂nje kə̂ nangə̂ kə̂ bbokənɛn nəənn. Naw Tesalonikə. Keresan aw nangə tə̂ kə̂ Galasi ngaâ Titə aw nangə tə̂ kə̂ Dalmasi.

Maketuru le Lubba ke tar kabba

¹⁰ Mba Demase tusum inyam wɔju dɔ bbo neje ke nangê ke bbokone neenn. Naw bbe te ke Tesalonike. Keresanse aw nange te ke Galasi ngaa Tite aw nange te ke Dalmasi.

2 Timɔte 4:10 Iomraidhean Croise

Matiye 12:32

Bbo dəw pa tar kə̂ mbətə Ngonn lə dəw a, Lubba a kɔru tar dɔɛ̂ tə̂. A dəw kə̂ pa tar kə̂ mbətə Ndil-mə-nda, Lubba a kɔru tarɛ̂ dɔɛ̂ tə̂ bbokənɛn nəənn ang ddəm ndɔ kə̂ bara ang ddəm.»

Matiye 26:56

A nɛ̂njeenn tɔyn toje bba karə tar kə̂ njê-kilaje mbər tar lə Lubba paje Makəturu tə̂ le ddeeje to nɛ̂n kə̂ tɔkɔrɔ.» Yeenn ngaâ njê-njaje go Jeju tə̂ le tɔyn njaa aynje inyɛ̂je.

Luku 14:33

Yeenn le bba Jeju ila tə̂ nan bbo marə dəw horose tə̂ mbətə nɛ̂n-kingaje laa tɔyn ang a, nâ to nje-nja gom tə̂ ang.

Luku 16:13

«Nje-kula kâra asə dda bbərə lə əbbeejedede joo ang, mba nâ mbətə marɛ̂ kâra, a nâ ndiki marɛ̂ kâra wase nâ kunn rɔɛ̂ karə marɛ̂ kâra, a nâ dabbə marɛ̂ kâra. Asəje ta dda bbərə lə Lubba ddəm narɛ̂ ddəm ang.»

Luku 17:32

Oleje məse dɔ dɛnɛ̂n tə̂ lə Lotə.

Kulaje 13:13

Pɔl de kə njê-buwa-njaje laa dunnje to Papos ngaâ n̂-teeje Pɛrjə nangə tə̂ kə̂ Pampili. A Jan tusude inyade lo tə̂ənn a təl bbe tə̂ kə̂ Jerujalɛm.

Kulaje 15:38

A kəjə tə̂ lə Pɔl, to maji ta kunn Jan-Markə kə̂ tusude inyade ta kula tə̂ Pampili le kaw saa ang.

Kulaje 16:6

Pɔl kə Silas n̂-ndayje nangəje tə̂ kə̂ Piriji kə Galasi mba Ndil-mə-nda ɔkude ddəw karə n̂-tɔjuje tar lə Lubba nangə tə̂ kə̂ Aji.

Kulaje 17:1

Pɔl de kə Silas n̂-ndayje kə ddəw kə̂ bbe tə̂ kə̂ Ampipolis kə Apoloni ngaâ n̂-teeje Tesalonikə, lo kə̂ marə kəy mbɔn-naan lə Jiipije to tə̂.

Kulaje 17:11

Kəjə lə Jiipije kə̂ Bərə maji uta kəjə lə njê kə̂ Tesalonikə arə n̂-taaje tar le kə ngɔru baa. Ndɔ kâra kâra daw disaje makəturu lə Lubba ta gərə se tar kə̂ Pɔl aw pa le to kə dɔgɔlɛ̂ njaa wa?

Kulaje 17:13

Jiipije kə̂ Tesalonikə ooje nan Pɔl aw tɔju tar lə Lubba Bere tɔ a, n̂-ddeeje ta yəkə lo ngaâ ta kɔsu kutu dəwje kə̂ banya le.

Kulaje 18:23

N̂-dda ndɔ ngaji lo tə̂ənn ngaâ nin n̂-nday nangə Galasi kə Piriji tə̂, narə ndəjə njê-njaje go Əbbə-dəwje tə̂ tɔyn karə dingaje singa.

2 Kɔrɛntinyɛje 2:13

A wurum oso nangə̂ ang, mba minga ngokɔnʼm Titə ang. Yeenn bba minya dəwje kə̂ Torowas le a maw Maseduwann.

2 Kɔrɛntinyɛje 7:6

A Lubba kə̂ nje-wul mə dəwje kə̂ singade ɔru wul məje ddəw ddee tə̂ lə Titə.

2 Kɔrɛntinyɛje 8:16

Jarə wooyo Lubba kə̂ ila bbo kumanse mə Titə tə̂ tokə ləje le tɔ.

2 Kɔrɛntinyɛje 8:23

Titə to nje-buwa-nja ləm ddəm nje-kula marəm ddəm horose tə̂. A ngakɔnje kə̂ dannɛ̂je le toje to njê-kaw-kulaje kə̂ Egilisije â ulajede arə daw ddaje kula kə̂ aw arə piti Kristə.

2 Kɔrɛntinyɛje 8:6

Mba yeenn bba, n-duju Titə nya karə dda kula mə-maji kə̂ nunn kute bbeê ləse nəənn le ndərəng nɔsu kɔnyɛ̂.

Galatəje 1:2

Əman kə njê-mə-kunnje tɔyn kə̂ eeje səm nəənn n-dda makəturu nəənn jarəse, sese kə̂ Egilisije tə̂ kə̂ Galasi.

Pilipinyɛje 2:21

Kəsə dəwje tɔyn aw əjəje kə dɔ nɛ̂nje tə̂ ləde njaa bbo dəjəje dɔ nɛ̂nje tə̂ lə Jeju-Kristə ang.

1 Timɔte 6:10

Mba, bbo narɛ â to ngira nɛ̂nje kə̂ maji ang tɔyn. Marə dəwje kə̂ isije kə bbo narɛ inyaje mə-kunn ləde ddəw əw. Yeenn bba dede njaa n̂-darje dɔde nɛ̂n kəm-to-ndooje tə̂ dang dang.

1 Timɔte 6:17

Maji karə unn ndu arə njê-nɛ̂n-kingaje kə̂ bbokənɛn nəənn arə dɔsuje gaji rɔde baa ang. Maji karə dundaje məde kə dɔ nɛ̂n-kingaje tə̂ ang, mba to nɛ̂nje kə̂ a ndayje. A maji karə dundaje məde dɔ Lubba tə̂ kə̂ aw arəje nɛ̂n tɔyn arə uta dɔɛ̂ karə jisi nɛ̂n kə majɛ̂.

2 Timɔte 1:15

Ə-gərə maji to dəwje tɔyn kə̂ Aji tusumje Inyamje. Pijɛl de kə Ɛrmojɛnn kara dinyamje tɔ.

2 Timɔte 4:16

Ndɔ kə̂ mɔru nɛ̂n naji ləm lo sariya tə̂ to dɔngɔrɛ̂ le, dəw kâra umanʼm ang. Dede tɔyn n̂-tusumje dinyamje. Maji karə Lubba aa lo kə nɛ̂n tə̂ kə̂ n̂-ddajeenn ang.

Titə 1:4

Mula kə makəturu nəənn mari, əi Titə le kə̂ ə-to ngonnəm kə̂ tɔkɔrɔ ddəw mə-kunn tə̂ kə̂ mbɔnje naan tə̂. Maji karə Lubba kə̂ Bɔ kə Nje-kajije Jeju-Kristə, n̂-ddaje səi mə-maji ngaâ darəje məi wul lɔm.

Pilemɔn 1:24

Markə kə Aristarkə kə Demas de kə Luku kə̂ daw dumanʼmje kula tə̂, n̂-ddaije lapiya tɔ.

2 Piyɛr 2:15

Dinyaje ddəw kə̂ ndɔju, a n̂-ndəəmje ddəw. Ddəw kə̂ Balaam kə̂ to ngonn lə Bosɔr unn â dunnje. Ne kə̂ n̂-ndiki tə̂ ta kinga kuka nɛ̂n-dda kə̂ gatə gatə ang le.