2 Timɔte 4:1 - Dɔnɔn kə̂ Siki: Tar kə̂ aw arə təbbə

¹ Maw duji kəm Lubba tə̂ kə kəm Jeju-Kristə tə̂ kə̂ a gangə sariya dɔ dəwje tə̂ kə̂ isije kəm baa ddəm dəwje tə̂ kə̂ oyje ddəm, maw duji kə ri Kristə kə̂ a təl ddee kɔn-mbay,

Maketuru le Lubba ke tar kabba

¹ Maw m-duji kem Lubba te, ke kem Jeju Kiriste te ke a gange sariya dɔ dewje te ke isije kem baa, ke dɔ dewje te ke oyje. Maw m-duji ke ri Kiriste ke a tel ddee, ke ri tɔku-mbay laa ke na kɔn,

2 Timɔte 4:1 Iomraidhean Croise

Matiye 16:27

Mba Ngonn lə dəw a ddee mə piti tə̂ lə Bɔɛ̂je kə anjəje laa. Nâ kuka dəw kâra kâra asə kula-ddɛɛ̂.

Luku 19:12

Yeenn le bba n̂-pa nan: «Marə dəw aw aw kə marə bbe tə̂ ddəw əw ta karə dula mbay dɔɛ̂ tə̂ bba ta təl. N̂-to dəw kə̂ njê kə̂ gəle tə̂ to dəwje kə̂ bo.

Luku 19:15

«Dula mbay le dɔɛ̂ tə̂ ngaâ n̂-təl bbeê laa le. Nula n̂-bbar njê-kulaje laa kə̂ narəde kandə narɛ le, ta gərə se baânn â dəw kâra kâra inga dɔ marɛ̂ tə̂ wa?

Luku 23:42

N̂-pa narə Jeju nan: «Jeju, ole məi dɔm tə̂ ndɔ tə̂ kə̂ â təl ddee kɔn-mbay.»

Kulaje 10:42

Nunn ndu narəje karə jila mbər Tar kə̂ Maji jarə dəwje, ta n-pa jarəde to Lubba undɛ̂ to nje-gangə sariya dɔ dəwje tə̂ kə̂ isije kəm baa ddəm dɔ dəwje kə̂ oyje ddəm.

Kulaje 17:31

Mba nɔju ndɔ kə̂ nâ karə dəw kə̂ n̂-mbəre gangə nɛ̂n sariya kə̂ to gatə gatə dɔ dəwje tə̂ tɔyn kə̂ dɔ nangə tə̂. Narə dəw le oy, a ndol bba ta tɔju karə dəwje tɔyn to ne njaa n̂-mbəre.»

Rɔmɛnje 2:16

Nɛ̂ɛnn a tee kə ddaka kəm dəwje tə̂ dɔ ndɔ tə̂ kə̂ Lubba a karə Jeju-Kristə gangə sariya dɔ nɛ̂nje tə̂ kə̂ dəwje aw ddaje lo-kiyɛ̂ tə̂ tokə Tar kə̂ Maji kə̂ maw mila mbəre pa.

Kolosinyɛje 3:4

Kar kə̂ Kristə kə̂ to təbbə le unda lo tee a, sese kara â kundaje lo tee saa tɔ ta kinga piti laa saa.

2 Tesalonisinyɛje 2:8

Yeenn ngaâ nâ tɔju rɔɛ̂ kə ddaka ngaâ Əbbə-dəwje Jeju a tɔlɛ̂ kə ləl tɛɛ̂, nâ tuje kə ndoko laa kə̂ nâ ddee nɛ̂n.

1 Timɔte 5:21

M-duji nya kəm Lubba tə̂ kə kəm Jeju-Kristə tə̂ kə kəm anjəje tə̂ kə̂ n̂-mbərəde, karə ə-dda nɛ̂n kə turu nduje kə̂ mari. Ɔru kəm dəw ang, ə-dda kə dəwje tɔyn ddəw kâra baa.

2 Timɔte 1:10

N̂-tɔju mə-maji laa le bbasinɛn ddəw tə̂ lə Nje-kajije Jeju-Kristə kə̂ ddee. Jeju njaa guru singa yo ngaâ tɔju təbbə kə̂ to kə ndɔ kə ndɔ kə ddaka ddəw Tar kə̂ Maji tə̂.

2 Timɔte 2:14

Maji karə ole mə dəwje dɔ nɛ̂nje tə̂ənn tɔyn. Ə-dujude kəm Lubba tə̂ karə n̂-mbətəje ta kɔl naan dɔ marə kandə tarje tə̂. Kɔl dda marə nɛ̂n kâra arə dəw ang, kɔl aw tuju dəwje kə̂ aw tukaje mbide aw ooje.

2 Timɔte 4:18

Əbbə-dəwje a kɔrum ta nɛ̂nje tə̂ kə̂ maji ang tɔyn ngaâ nâ kajim karə mandə mə Bbe-kɔn tə̂ laa darâ. Maji karə piti to laa kə ndɔ kə ndɔ. Amɛnn.

2 Timɔte 4:8

Bbasinɛn, Lubba ngəm nɛ̂n kə̂ maji mbam to kuka ləm, nɛ̂n kə̂ maji kə̂ to mba dəwje kə̂ gatə gatə. Əbbə-dəwje kə̂ to nje-gangə sariya kə̂ gatə gatə a karəm nɛ̂n kə̂ maji le ndɔ gangə sariya tə̂. Nâ karəm kə karəm baa ang, nâ karə dəwje tɔyn kə̂ aw ndikije tar ddee laa le tɔ.

Titə 2:13

N-ddaje tokə baann n-nginanje nɛ̂n ndɔ kisi kə rɔ-nəəl ləje kə̂ jundaje məje dɔɛ̂ tə̂ le. To ndɔ kə̂ tɔkə Lubba ləje kə̂ to Nje-kajije Jeju-Kristə a ddee kə piti laa.

1 Piyɛr 1:7

Ndoo kə̂ aw ooje le to mba nan nɛ̂n mə-kunn ləse koo, tokə andə kə̂ to nɛ̂n kə̂ aw tuju, a n̂-nan kə puru doo. Baann bba karə mə-kunn ləse kə̂ to nɛ̂n kə̂ ngəng uta andə le a dda karə Lubba ɔsu gajise ddəm pitise ddəm walse ddəm ndɔ tə̂ kə̂ Jeju-Kristə a kunda nɛ̂n lo tee kəm dəwje tə̂.

1 Piyɛr 4:5

A dâ kɔru gəl nɛ̂n-ddaje ləde le nɔn Lubba tə̂ kə̂ to ngɔsi mba gangə sariya dɔ dəwje tə̂ kə̂ naynje kəm baa ddəm dəwje kə̂ oyje ddəm.

1 Piyɛr 5:4

A bbo ndɔ kə̂ Mbay kə̂ dɔ njê-ngəmje dəwje tə̂ lə Lubba tɔyn unda lo tee a, â kingaje əjɔkudɔ kə̂ a tuju ndɔ kâra ang kə̂ to nɛ̂n-piti.

2 Piyɛr 1:11

Baann bba Lubba a kɔru ddəw karə tatə karə andəje nɛ̂n mə Bbe-kɔn tə̂ kə̂ a to kə bbal kə bbal, kə̂ to Bbe-kɔn lə Jeju-Kristə kə̂ to Əbbəjeje ddəm Nje-kajije ddəm.

2 Piyɛr 1:17

Mba kar tə̂ kə̂ jee nɛ̂n saa dɔ ddingiri tə̂ kə̂ maji tɔyn le, Lubba kə̂ Bɔ pite ngaâ walɛ̂ kar tə̂ kə̂ ne Lubba kə̂ nje-tɔkə-mbangə n̂-pa mə piti tə̂ laa nan: Dəw nəənn to ngonnəm kə̂ m-ndike nya, minga rɔ-nəəl nya ddəw tə̂ laa. Ngaa ndu kə̂ in darâ le, jeje njaa joo kə mbije.

1 Jan 2:28

Baann a, ngannje kə̂ ngaji, maji karə ə-naynje ddəw mə-kâra tə̂ kə Kristə, mba karə ndɔ kə̂ n̂-ddee a, bbəəl ddaje ang ddəm karə ndɔ təl laa a, rɔ-kul uta dɔje ngaâ jarje ddəw əw saa ang ddəm.

Apokalisi 1:7

Ooje, naw ddee mə mum tə̂! Dəwje tɔyn a kooeje. Njê kə̂ ɔsɛ̂je kə ninga njaa kara a kooeje tɔ. Gəl-dəwje tɔyn a nɔnje mbɛɛ̂. A to tokə baann njaa! Amɛnn.