2 Timɔte 3:5 - Dɔnɔn kə̂ Siki: Tar kə̂ aw arə təbbə

⁵ Dâ ddaje nɛ̂n tokə nje-mə-kunn, a dâ mbətəje singa-mɔngu mə-kunn le. Maji karə ə-turu girii arə dəwjeenn le tɔ.

Maketuru le Lubba ke tar kabba

⁵ da ddaje rɔde to nje-bbelje Lubba, a da mbeteje singa-mɔngu ke dew inga ddew bbel Lubba te. Maji kare e-turu girii are dewjeenn le tɔ.

2 Timɔte 3:5 Iomraidhean Croise

Matiye 7:15

«Aaje rɔse rɔ njê-kilaje mbər tar kə̂ tɔkɔrɔ ang tə̂. Dulaje ngira batə bba n̂-ddeeje nɛ̂n rɔse tə̂. A məde tə̂ nu, n̂-toje to ənjakəmnjarje kə̂ aw uwaje nɛ̂n aw usaje.

Epɛjinyɛje 4:14

Baann bba ja toje tokə lə ngannje ang ngaâ ləl nɛ̂n-tɔjuje tɔyn njaa a yəkəje ang ddəm a kuwaje kaw nɛ̂n kə yo kə nəənn tokə lə to kə̂ ləl aw yəkə dɔ maann tə̂ ang ddəm. Dəwje a ddaje gusu kərə nɛ̂n je karə n-ndəəm ddəw ang.

2 Tesalonisinyɛje 3:14

Bbo marə dəw mbətə ta dda nɛ̂n kə turu ndu kə̂ jarəse makəturu tə̂ nəənn a, ɛɛ̂je kə majɛ̂, ə-ddaje saa mə-kâra ang arəje rɔɛ̂ wul.

2 Tesalonisinyɛje 3:6

Ngakɔnje, n-dujuse nya kə ri Əbbəjeje Jeju-Kristə karə aynje ngakɔnje kə̂ toje to njê-dabbəje, kə̂ aw ddaje nɛ̂nje kə̂ toje dang kə nɛ̂nje kə̂ n-tɔjuse.

1 Timɔte 4:7

Maji karə ə-mbətə əsu ngəmje kə̂ dəwje aw ɔruje kə̂ toje dang kə nɛ̂n-tɔju lə njê-mə-kunnje. Ə-sangə ddəw ta kunn rɔi karə Lubba.

1 Timɔte 4:8

Kunn rɔ kila ndam-singa tə̂ to nɛ̂n kə̂ dda maji njaa, a dda maji ddəw nɛ̂nje tə̂ nya ang. A kunn rɔ karə Lubba to nɛ̂n kə̂ dda maji ddəw nɛ̂nje tə̂ tɔyn. Kunn rɔ karə Lubba le ndu-kunn mba kisi nɛ̂n kə təbbə kə̂ to ndɔ tə̂ kə̂ bbokonɛn ddəm ndɔ tə̂ kə̂ aw ddee ddəm to tə̂.

1 Timɔte 5:8

Bbo marə nje-mə-kunn aa lo kə dɔ nujuje tə̂ laa ang, uta tɔyn bbo naa lo kə dɔ dəwje tə̂ kə̂ mə kəy tə̂ laa ang a, ninya mə-kunn laa mban ngaâ n̂-maji ang nuta dəw kə̂ unn məɛ̂ ang.

1 Timɔte 6:5

mayn tar kə̂ kɔnyɛ̂ goto horo dəwje tə̂ kə̂ kəjə ləde to kə dɔgɔlɛ̂ ddəm tar kə̂ tɔkɔrɔ goto tade tə̂ ddəm. Dooje kunn-mə karə Lubba to ddəw nɛ̂n-kinga ləde.

2 Timɔte 2:16

Ayn kunda bulaje kə̂ baa kə̂ aw tila kəm tar mə-kunn, mba dəwje kə̂ aw undaje bula baa baa le aw awje ddəw əw kə Lubba jann jann.

2 Timɔte 2:23

A ə-mbətə mayn-tar kə̂ baa kə mayn-tar mbə. Ə-gərə to mayn-tar kə̂ baann aw uju kɔl.

Titə 1:16

N̂-paje nan n̂-gərəje Lubba, a kula-ddade tɔju to n̂-gərəje Lubba ang. N̂-majije ang, n̂-toje to njê-dɔ-ngəngje, dasəje ta dda kula kə̂ maji kâra ang.

Titə 3:10

Maji karə ə-ndɔru mbi dəw kə̂ aw tin njê-mə-kunnje. Ə-ndɔru gɔl kâra, gɔl joo, â bbo noo ang a, ilɛ̂ ddaka.