2 Timɔte 3:3 - Dɔnɔn kə̂ Siki: Tar kə̂ aw arə təbbə

³ Nɛ̂n kâra njaa osode tə̂ ang, dâ kooje kəm-to-ndoo lə dəw ang, dâ nanɛnje kə dəwje, dâ tɔje bbo kə̂ da-rɔde tə̂ ang, bbo dda dəw maji ang dɔrɔ â a ddade, dâ ndikije nɛ̂n kə̂ maji ang.

Maketuru le Lubba ke tar kabba

³ mede a ketere, da kooje kem-to-ndoo le dew ang, da tujuje ri dewje, da ddaje ne ke dɔgɔle ang, da keeje ke bbo dda dew maji ang, da toje to nje-baanji le nje-ne-ddaje ke maji,

2 Timɔte 3:3 Iomraidhean Croise

Matiye 10:21

«Dəwje a kila ngakɔnde ji dəwje tə̂ karə n̂-tɔlde. Bɔ ngannje a ddaje tokə baann kə ngannde tɔ. Ngannje a təlje to njê-baanje lə bɔdede kə lə kɔndede ngaâ dâ karə n̂-tɔlde.

Matiye 4:1

Goe tə̂ a, Ndil aw kə Jeju mə kɔr tə̂ mba karə Əsu nɛɛ̂n.

Luku 10:16

Jeju pa bbay nan: «Dəw kə̂ oo tar ləse a, to əman â noo tar ləm. Dəw kə̂ mbətəse a, to əman â n̂-mbətəm. Dəw kə̂ mbətəm a, ne kə̂ nulam â n̂-mbəte.»

Luku 16:14

Parijinyɛje kə̂ ndikije narɛ nya ooje tarjeenn le tɔyn a, aw kokoje Jeju.

Tar kə̂ Maji kə̂ Jan dda makəturu tə̂ 6:70

Jeju ilade tə̂ nan: «Əman â m-mbərəse, see njê-kaw-kulaje kə̂ dɔku gire joo nəənn ang wa? A marə dəw horose tə̂ to marə əsu.»

Rɔmɛnje 1:29

Nɛ̂nje kə̂ gatə gatə ang, majang, mə-majang kə kəm-nda uta dɔde. Mə uta dɔde, n̂-toje to njê-tɔlje dəwje, n̂-toje to dəwje kə̂ ndikije kɔl. N̂-toje to njê-kərəje njê-marədeje, daw ddaje nɛ̂n to ngar, daw paje tar kə̂ ddəkərə dɔ njê-marədeje tə̂.

Rɔmɛnje 1:31

N̂-toje to njê-dɔ-gotoje, nɛ̂n kə̂ dunnje ndude ta dda, a n̂-ddaje ang. Nɛ̂n kâra njaa osode tə̂ ang, dooje kəm-to-ndoo lə dəw ang.

1 Kɔrɛntinyɛje 7:5

Maji karə ɔkuje naan rɔse ang. Bbo ooje ta naan mba marə kar ta duju Lubba a, goe tə̂, ə-təlje rɔ naan tə̂ nan Satan a kin nanse, mba â gərəje ta tɔ bbo kə̂ da-rɔse tə̂ ang.

1 Kɔrɛntinyɛje 7:9

Bbo dasəje ta tɔ bbo kə̂ da-rɔ tə̂ ang a, maji karə n̂-taaje dɛnɛ̂n wase n̂-taaje ngaw. Yeenn maji uta karə bbo kə̂ da-rɔ tə̂ ɔnde to puru.

1 Tesalonisinyɛje 4:8

Yeenn bba bbo dəw kə̂ mbətə nduje nəənn a, to dəw â n̂-mbəte ang, Lubba kə̂ arəse Ndil-mə-nda laa â n̂-mbəte.

1 Timɔte 3:11

Maji karə dɛnɛ̂n njɛɛ̂je kara ulaje gəl rɔde naan tə̂ ang, n̂-toje to njê-nanɛnje ang, n̂-gərəje dɔ jide. N̂-toje to dɛnɛ̂nje kə̂ toje gatə gatə ddəw nɛ̂nje tə̂ tɔyn.

Titə 1:8

A maji karə n̂-gərə ngəm njê-mbaje ngaâ kəjə dda nɛ̂n kə̂ maji dɔrɔ â to məɛ̂ tə̂. Maji karə n̂-to dəw kə̂ dda nɛ̂n kə ddəwe, n̂-to gatə gatə, n̂-to dəw kə̂ ndiki nɛ̂n-yərəw ang ngaâ n̂-gərə ta tɔ bbo kə̂ da-rɔ tə̂.

Titə 2:3

Ddəw kâra baa, ə-pa arə dɛnɛ̂nje kə̂ tɔkəje ngəmje pa-nja ləde to dəwje kə̂ unnje rɔde dang mba dda kula lə Lubba. Maji karə n̂-toje to njê-nanɛnje ang ddəm n̂-toje to bbərəje lə koto ang ddəm. Maji karə nɛ̂n kə̂ maji â n̂-tɔjuje.

Jakə 2:6

A sese, aw ooje nje-ndoo to dəw ang kəmse tə̂. Njê-nɛ̂n-kingaje â aw ddaje singa kə se ang wa? Dede â daw dawje kə se nɔn gɔl njê-gangəje sariya tə̂ ang wa?

2 Piyɛr 2:14

Kəmde to kə dɔ lo-to-majang tə̂ dɔrɔ ngaâ maal majang oy rɔde tə̂ ndɔ kâra ang, daw dərəje kəm dəwje kə̂ sangəje kə majɛ̂ ang, məde ərə ddəw dda bbo nɛ̂n tə̂ lə dəwje, n̂-toje to dəwje kə̂ ndu-ndɔɔl to dɔde tə̂.

2 Piyɛr 2:19

ngaâ dunnje ndude darə dəwje le nan, dâ kɔrujede kɔ bbərə tə̂. A dede njaa kara n̂-toje to bbərəje lə bboje kə̂ da-rɔ tə̂ kə̂ aw tuju dəwje. Mba dəw kâra kâra to bbərə lə nɛ̂n kə̂ bboe uta dɔɛ̂.

2 Piyɛr 3:3

Dɔngɔr nɛ̂n, maji karə ə-gərəje to ddutu ndɔje tə̂ a, dəwje kə̂ aw njaje ddəw bbo tə̂ kə̂ da-rɔde tə̂ a kundaje lo teeje. Dâ kɔjujese koko nɛ̂n.

Judə 1:16

Dede le, n̂-toje to dəwje kə̂ rɔde nəəlde ndɔ kâra ang. Daw dəmje rɔde kə ndɔ tɔyn. Bbo nɛ̂n kə̂ to məde tə̂ dɔrɔ â n̂-ddaje. Tam-tɔnde to ngəm dɔrɔ. Daw dɔsuje gaji dəwje mba kinga nɛ̂n nɛ̂n jide tə̂.

Judə 1:18

N̂-paje darəse nan: «Ddutu ndɔ a, â kooje dəwje kə̂ toje to njê-kokoje dəwje ngaâ aw ddaje nɛ̂n ddəw bbo kə̂ da-rɔde tə̂.»

Apokalisi 13:15

Darɛ̂ singa karə nula kəwn mə ətaar tə̂ kə̂ ndaji da kə̂ unn da-rɔ da kə̂ in mə maann tə̂ tee le. Ətaar kə̂ ndaji da le a pa tar ngaâ a dda karə n̂-tɔl dəwje tɔyn kə̂ a mbətəje ta kɔsu məkəjə-gɔlde nangə̂ nɔɛ̂n tə̂.

Apokalisi 13:17

Dəw kə̂ əndaji le to rɔɛ̂ tə̂ ang a, a kasə ndoko nɛ̂n ang ddəm a kasə labbə nɛ̂n ang ddəm. Əndaji le to ri da le, ang a, nimɔrɔ ria.

Apokalisi 16:6

N̂-kaynje məsə dəwje ləi ddəm məsə njê-kilaje mbər tar ləi ddəm. Mba yeenn bba arəde məsə karə dayje. Nɛ̂ɛnn â asə ta dda kə de.»

Apokalisi 17:6

Moo dɛnɛ̂n le a, məsə dəwje lə Lubba kə məsə njê-tar-najije lə Jeju kə̂ nay le aw ddɛɛ̂ tokə lə koto. Koo kə̂ mooe a, məm unda dɔ binya nya.