2 Timɔte 3:2 - Dɔnɔn kə̂ Siki: Tar kə̂ aw arə təbbə

² Dəwje a toje to njê-nɛ̂n-ndikije, dâ ndikije narɛ nya, dâ boroje ngaâ dâ kooje rɔde bo, dâ tajije Lubba, dâ ddaje dɔ-ngəng kə njê-kujujede, dâ gərəje maji kə̂ n̂-dda kə de ang, dâ bbəəlje nɛ̂n lə Lubba ang.

Maketuru le Lubba ke tar kabba

² Yeenn a, dewje a toje to nje-ne-ndikije, da ndikije nare nya, da boroje ngaa da kooje rɔde bo, da tajije ri Lubba, da ddaje dɔ-ngeng ke nje-kujujede, da gereje go maji ke n̂-dda ke de ang, da bbelje ne le Lubba ang,

2 Timɔte 3:2 Iomraidhean Croise

Matiye 15:6

dəw le a kasə ta wal bɔɛ̂je wase kɔɛ̂nje le ang ngaa. Baann â aw tujuje nɛ̂n nɛ̂n lə Lubba mba nɛ̂n-ji-bbeje ləse.

Luku 12:15

Goe tə̂ a, Jeju pa arəde tɔyn nan: «Ə-ngəmje rɔse arə bbo nɛ̂n-kingaje ddase nya nya ang. Mba le dəw to tɔkə nje-nɛ̂n-kinga kara, nɛ̂n-kingaje laa le â nâ kisi nɛ̂n kə təbbə ang!»

Luku 16:14

Parijinyɛje kə̂ ndikije narɛ nya ooje tarjeenn le tɔyn a, aw kokoje Jeju.

Luku 6:35

A maji karə ə-ndikije njê-baanje ləse, ə-ddaje maji, bbo arəje nɛ̂n dəw tunan a, undaje məse dɔ marə nɛ̂n tə̂ goe tə̂ ang. Baann bba kuka ləse a bo nya ngaâ â toje to ngann lə Nje-kisi ddutu dara tə̂. Mba Ne kə̂ ddutu dara tə̂ n̂-dda maji kə dəwje kə̂ arəje wooyo ndɔ kâra ang ddəm njê-mə-majangje ddəm.

Kulaje 5:36

Mba mə ndɔje tə̂ nəənn, joo Tədas kə̂ oo rɔɛ̂ to dəw kə̂ ngəng nya unda lo tee. Dəwje asə nɛ̂n kə̂ kɔr sɔ unnje goe. A dəwje tɔlɛ̂ ngaâ njê kə̂ unnje goe le sanrɛje naan arə dəw kâra nayn ang.

Rɔmɛnje 11:18

Mba yeenn bba, to tar ləi ta kunda gui pa nan əi uta barkəm kakəje le ang! Ə-ndiki ta kunda gui wa? Əi â oto ngira kakə le dɔi tə̂ ang, ngira kakə le â otoi dɔɛ̂ tə̂.

2 Kɔrɛntinyɛje 5:15

Noy mba dəwje tɔyn bba karə dəwje kə̂ isije kəm baa, isije kəm baa mba tar ləde njaa ang, a disije kəm baa mba dəw kə̂ oy ngaâ ndol mbade.

Pilipinyɛje 2:21

Kəsə dəwje tɔyn aw əjəje kə dɔ nɛ̂nje tə̂ ləde njaa bbo dəjəje dɔ nɛ̂nje tə̂ lə Jeju-Kristə ang.

Kolosinyɛje 3:5

Mba yeenn bba, maji karə arəje bbo nɛ̂nje kə̂ nangə̂ nəənn oy rɔse tə̂ kə ddang. Nɛ̂nje tokə: Kaya, nɛ̂n-yərəw, dda bbo nɛ̂n karə uta dɔɛ̂, dda bbo nɛ̂nje kə̂ maji ang, kunda kəm-nda kə̂ to ddəw kâra baa kə polo kɔr.

2 Tesalonisinyɛje 2:4

Ne le, nâ kin ta mbətə nɛ̂nje tɔyn kə̂ dəwje aw poloje kə nɛ̂n tɔyn kə̂ daw bbar nan lubba. Nâ kaw ndərəng kaw kisi mə Kəy-polo Lubba tə̂ ngaâ nâ dda rɔɛ̂ to Lubba njaa.

1 Timɔte 1:20

Imene de kə Alɛkəjandərə deeje horo dəwje tə̂ənn le. Minyade mə ji Satan tə̂ karə ta n̂-ndoje ta təl taji Lubba ang ngaa.

1 Timɔte 1:9

N-gərə to dəw kə̂ gatə gatə â Ndu to mbɛɛ̂ ang. Ndu to mba njê-kaalje-ta, njê-dɔ-ngəngje kə njê kə̂ mbətəje Lubba, njê-nɛ̂n-ddaje kə̂ maji ang kə njê kə̂ bbəəlje Lubba ang ddəm bbəəlje nɛ̂n lə Lubba ang ddəm njê-tɔlje bɔdede wase kɔndede kə njê-tɔlje ngamarədeje,

1 Timɔte 3:3

Maji karə n̂-to bbərə lə koto ang, n̂-to nje-ddɔ kə dəwje ang, n̂-to dəw kə̂ wul pee, n̂-to dəw kə̂ ndiki kɔl ang, n̂-to dəw kə̂ ndiki narɛ nya ang.

1 Timɔte 6:10

Mba, bbo narɛ â to ngira nɛ̂nje kə̂ maji ang tɔyn. Marə dəwje kə̂ isije kə bbo narɛ inyaje mə-kunn ləde ddəw əw. Yeenn bba dede njaa n̂-darje dɔde nɛ̂n kəm-to-ndooje tə̂ dang dang.

1 Timɔte 6:4

n̂-to dəw kə̂ oo rɔɛ̂ bo ngaâ gərə nɛ̂n kâra ang. N̂-to dəw kə̂ rɔ-to mayn tar to rɔɛ̂ tə̂ ngaâ n̂-to dəw kə̂ aw kɔl mba marə kandə tarje. Nɛ̂nje kə̂ baann aw ddee kə kunda-mə kə naan, mayn-tar, nɛ̂n-taji, koo naan kə kəm kə̂ maji ang,

2 Timɔte 3:4

Dâ toje to njê-kunnje dɔ dəwje, dâ toje njê-wunguje, koo-rɔ-bo a dda karə dooje lo ang, rɔ-nəəl kə̂ nangə̂ nəənn â dâ ndikije bbo dâ ndikije Lubba ang.

Jakə 2:8

Tɔkɔrɔ, bbo ə-ddaje kula kə ndu kə̂ Mbay-dɔ-mbayje unn makəturu tə̂ nan: «Maji karə ə-ndiki nje-mari tokə da-rɔi njaa», a yeenn ə-ddaje nɛ̂n kə̂ maji.

Jakə 4:16

A aw ɔsuje rɔse ngaâ aw undaje guse. Kɔsu-rɔ kə̂ baann tɔyn to nɛ̂n kə̂ maji ang.

Jakə 4:6

A Lubba dda kə je mə-maji arə uta dɔɛ̂, mba Makəturu laa pa nan: «Lubba mbətə tar lə dəwje kə̂ ooje rɔde bo, a n̂-dda mə-maji kə dəwje kə̂ ddaje rɔde tɛn baa.»

1 Piyɛr 5:5

Ddəw kâra baa, basanje, maji karə ooje ta dəwje kə̂ dɔ Egilisi tə̂. Sese tɔyn, ə-ddaje rɔse ngaji arəje naan, mba Makəturu lə Lubba pa nan: Lubba mbətə tar lə dəwje kə̂ ooje rɔde bo, a n̂-dda mə-maji kə dəwje kə̂ dda rɔde ngaji.

2 Piyɛr 2:10

Uta tɔyn, nâ gangə sariya dɔ njê kə̂ aw ddaje nɛ̂n ddəw bboje tə̂ kə̂ da-rɔde tə̂, a ooje singa-mɔngu lə Lubba to nɛ̂n ang. Njê-nɛ̂n-tɔjuje kə̂ tɔkɔrɔ ang nəənn le əjəje to dasəje ta dda nɛ̂n tɔyn ngaâ daw dundaje gude nya nya. Ndilje kə̂ darâ kə̂ aw ingaje piti njaa kara n̂-bbəəlje ta tajide ang.

2 Piyɛr 2:12

A dede le, daw ddaje nɛ̂n tokə lə daje kə̂ kəjə ləde goto. Lubba ddade karə duwade n̂-tɔlde. Daw tajije nɛ̂n kə̂ n̂-gərəje ang. Lubba a tɔlde tokə daw tɔl daje.

2 Piyɛr 2:18

Mba daw paje tarje kə̂ ngəng ngəng, a to tarje kə̂ baa daw dərəje nɛ̂n dəwje kə̂ bbasinɛn bbay njaa aynje ji dəwje tə̂ kə̂ ndəəmje ddəw. Dərəde ddəw bbo dda lo-to-majang tə̂,

2 Piyɛr 2:3

Bbo nɛ̂n-kinga a ddade nya ngaâ dâ kərəjese taa nɛ̂n nɛ̂nje ləse. A sariya kə̂ dɔde tə̂ to ngɔsi ngɔsi ləw baa ngaâ mbɔr ang a, dâ kubbaje tuju.

Judə 1:16

Dede le, n̂-toje to dəwje kə̂ rɔde nəəlde ndɔ kâra ang. Daw dəmje rɔde kə ndɔ tɔyn. Bbo nɛ̂n kə̂ to məde tə̂ dɔrɔ â n̂-ddaje. Tam-tɔnde to ngəm dɔrɔ. Daw dɔsuje gaji dəwje mba kinga nɛ̂n nɛ̂n jide tə̂.

Apokalisi 13:1

Goe tə̂ a, moo marə da in mə ba-katə tə̂ tee. Gajɛ̂ ee dɔku, a dɔɛ̂ ee siri. Əjɔkudɔ dɔku toje dɔ gajɛ̂je tə̂ le kâra kâra ngaâ n̂-dda rije kə̂ toje to ri taji Lubba dɔɛ̂je tə̂ le kâra kâra tɔyn.

Apokalisi 16:11

N̂-tajije ri Lubba kə̂ darâ mba ndoo kə̂ daw dooje ddəm mba do kə̂ maji ang kə̂ oso rɔde tə̂ le ddəm. A n̂-tusuje kula-ddadeje kə̂ maji ang dinyaje ang.

Apokalisi 16:21

Kɔjuje kə̂ ngɔnguje nya ngaâ ɔɔyje asə nɛ̂n kə̂ kilo dɔsɔ inje darâ gaynje dɔ dəwje tə̂ ngaâ dəwje le tajije ri Lubba mba nɛ̂n ndoo kə̂ kɔju le dda kə̂ de le, mba to nɛ̂n kəm-to-ndoo kə̂ to bbəəl nya.

Apokalisi 16:9

Puru kar kə̂ tunga nya le ɔn dəwje le. N̂-tajije ri Lubba kə̂ ee kə singa dɔ nɛ̂n kəm-to-ndooje tə̂ nəənn tɔyn le. A n̂-turuje məde mba kɔsu gajɛ̂ ang.