2 Timɔte 3:13 - Dɔnɔn kə̂ Siki: Tar kə̂ aw arə təbbə

¹³ A dəwje kə̂ məde maji ang kə njê-kərə dəwje, dâ ddaje majang kə kete kete, dâ kərəje dəwje ngaâ dede njaa kara dəwje a kərəjede tɔ.

Maketuru le Lubba ke tar kabba

¹³ A dewje ke mede maji ang, ke dewje ke toje to nje-kuwaje lo le dewje taaje, da ddaje majang ke kete kete, da kereje dewje ngaa dede njaa kara da kerede tɔ.

2 Timɔte 3:13 Iomraidhean Croise

2 Kɔrɛntinyɛje 6:8

Dəwje aw waljeje ddəm daw dabbəjeje ddəm. Daw tajijeje ddəm daw dɔsuje gajije ddəm. Jaw pa tar kə̂ tɔkɔrɔ, a daw doojeje to njê-ngəmje.

1 Timɔte 4:1

Ndil-mə-nda pa kə majɛ̂ nan, ddutu ndɔje a, marə dəwje a kinyaje ddəw mə-kunn mba nayn go ndilje tə̂ kə̂ njê-ngəmje ngaâ dâ kunnje go nɛ̂n-tɔju lə ndilje kə̂ maji ang le.

2 Timɔte 3:8

Ləw, Janɛs de kə Jambɛrɛs n̂-mbətəje tar lə Mɔyijə, ddəw kâra baa, dəwje nəənn aw mbətəje tar kə̂ tɔkɔrɔ tokə baann tɔ. N̂-toje to dəwje kə̂ kəjə ləde tuju ngaâ mə-kunn ləde to nɛ̂n kâra ang.

Titə 3:3

Mba jeje njaa kara, ləw toje to mbəje, n-toje to njê-dɔ-ngəngje, n-ndəəmje ddəw, bbo nɛ̂nje kə rɔ-nəəlje dang dang uta dɔje. Jaw ddaje majang ngaâ məje aw maji ang dɔ njê-marəjeje tə̂, n-nəəl kəm dəwje tə̂ ang ngaâ n-mbətəje naan tɔ.

2 Piyɛr 2:20

Dəwje kə̂ gərəje Jeju-Kristə kə̂ to Əbbəjeje ddəm Nje-kajije ddəm teeje mə nɛ̂n-yərəwje tə̂ kə̂ duninya tə̂ nəənn kə ddang ngaa. A bbo n̂-təlje dulaje rɔde mə nɛ̂n-yərəw tə̂ le bbay darə taa singade a, kisi ləde kə̂ guku a maji ang kuta ye kə̂ kete bbay.

2 Piyɛr 3:3

Dɔngɔr nɛ̂n, maji karə ə-gərəje to ddutu ndɔje tə̂ a, dəwje kə̂ aw njaje ddəw bbo tə̂ kə̂ da-rɔde tə̂ a kundaje lo teeje. Dâ kɔjujese koko nɛ̂n.

Apokalisi 12:9

Dunn tɔkə da le, ne li kə̂ ləw baa kə̂ daw bbarɛ̂ nan Əsu, Satan, ne nje-kərə dəwje kə̂ dɔ nangə tə̂ tɔyn le, ne kə anjəje laa le n̂-tutade n̂-tilade dɔ nangə tə̂.

Apokalisi 13:14

Nərə dəwje kə̂ dɔ nangə tə̂ ddəw nɛ̂n-mɔrije tə̂ kə̂ darɛ̂ singa karə n̂-dda dɔ kəm da tə̂ kə̂ in mə maann tə̂ tee le, narə dəwje le ddaje marə kɔr kə̂ unn da-rɔ da kə̂ inga do tɔkə kiya, a nayn kəm baa le.

Apokalisi 18:23

Puru lambe a ndoko mə bbe tə̂ ləi ang ngaa ddəm dəw a koo ndu basan de kə ngonn mandə kə̂ n̂-taaje naan tokə siki bbeê ləi ang ngaa ddəm mba njê-nɛ̂n-labbəje kə̂ bbeê ləi toje to dəwje kə̂ ngəng kə̂ dɔ nangə tə̂ ngaâ ərə gəl-dəwje tɔyn kə nɛ̂n-kumanje ləi kə̂ aw dda arə n̂-ndəəmje ddəw.