2 Timɔte 3:10 - Dɔnɔn kə̂ Siki: Tar kə̂ aw arə təbbə

¹⁰ A əi, ə-gərə nɛ̂n-tɔjuje ləm, pa-nja ləm, nɛ̂nje kə̂ bboe to məm tə̂ ta dda, mə-kunn ləm, kore-wur ləm, ndiki kə̂ m-ndiki dəwje kə kuwa kə̂ muwa marə ngəng.

Maketuru le Lubba ke tar kabba

¹⁰ A ei oo ne-tɔju ke m-tɔju, oo pa-nja ke m-nja, e-gere neje ke mee ke bbo ta dda, oo me-kunn lem ke munn, kore wur ke more wurum, oo ndiki ke m-ndiki dewje, ngaa oo kuwa ke muwa mare ngeng.

2 Timɔte 3:10 Iomraidhean Croise

Luku 1:3

Muru gəl nɛ̂njeenn le tɔyn ndərəng ngirɛ̂ tə̂ kə majɛ̂ ngaâ əman njaa kara moo maji ta kuja nɛ̂njeenn le kə goe goe makəturu tə̂ kari, əi dəw kə̂ bo Topil,

Kulaje 11:23

Barnabas le ddee tee ngaâ oo mə-maji kə̂ Lubba dda kə njê-mə-kunnje le a, inga rɔ-nəəl nya ngaâ ndəjəde karə dundaje məde tɔyn dɔ Əbbə-dəwje tə̂.

Kulaje 2:42

Njê-mə-kunnje le unnje rɔde tɔyn mba kaw koo nɛ̂n-tɔju lə njê-kaw-kulaje kə ndɔ tɔyn. Daw dulaje nuju naan tə̂, daw ddaje mə-kâra ddəw muru mə-kâra tə̂ ngaâ daw dujuje Lubba.

Kulaje 20:18

N̂-ddee dingɛ̂je ngaâ n̂-pa narəde nan: «Ə-gərəje ddəw kə̂ maw nja nɛ̂n horose tə̂ kə majɛ̂, unn kute dɔngɔr ndɔ tə̂ kə̂ m-tee nɛ̂n horose tə̂ nangə tə̂ kə̂ Aji.

Kulaje 26:4

«Jiipije tɔyn gərəje pa-nja ləm kə kasəm baa. N̂-gərəje kisi ləm horo dəwje tə̂ kə̂ bbeê ləm kə kisi ləm Jerujalɛm.

Rɔmɛnje 16:17

Ngakɔnʼmje, nɛ̂n kə̂ mâ dujuse â nəənn: Aaje rɔse rɔ dəwje tə̂ kə̂ aw ddaje arə njê-mə-kunnje aw tinje naan. Dâ paje tar kə̂ to dang kə nɛ̂n-tɔju kə̂ n-tɔjuse ngaâ dâ ddaje karə njê-mə-kunnje osoje mə majang tə̂. Aynjede,

2 Kɔrɛntinyɛje 1:17

Bbo m-ndiki ta dda tokə baann a, to nɛ̂n-dda ndam baa wa? Wase nɛ̂nje kə̂ m-ndiki ta dda le toje to nɛ̂nje kə̂ da-rɔ tə̂ bba karə m-təl m-pa nan: «An än» ddəm «Ân an» ddəm wa?

Epɛjinyɛje 4:14

Baann bba ja toje tokə lə ngannje ang ngaâ ləl nɛ̂n-tɔjuje tɔyn njaa a yəkəje ang ddəm a kuwaje kaw nɛ̂n kə yo kə nəənn tokə lə to kə̂ ləl aw yəkə dɔ maann tə̂ ang ddəm. Dəwje a ddaje gusu kərə nɛ̂n je karə n-ndəəm ddəw ang.

Pilipinyɛje 2:20

Ne kə karɛ̂ baa njaa naw nəjə dɔse tə̂. Marə dəw dang kə̂ kəjə laa to tokə ləm goto.

Pilipinyɛje 2:22

A ne Timɔte le ə-gərəje pa-nja laa kə majɛ̂. Nunn rɔɛ̂ nila kula tɔju Tar kə̂ Maji tə̂ səm tokə lə ngonn kə̂ aw uman bɔɛ̂je.

1 Tesalonisinyɛje 1:5

mba Tar kə̂ Maji kə̂ jila mbəre bbeê ləse le, to tarje kə̂ baa ang. Jila mbər le kə singa-mɔngu kə̂ Ndil-mə-nda arəje ngaâ n-gərə to tar kə̂ jaw pa jarəse le to tar kə̂ tɔkɔrɔ. Ə-gərəje ddəw kə̂ jisi nɛ̂n horose tə̂ le kə majɛ̂, n-dda baann mba maji ləse.

1 Timɔte 1:3

Maji karə ə-nayn Epɛjə ddəw ndu tə̂ kə̂ munn mari kar tə̂ kə̂ maw nɛ̂n kə Maseduwann le. Mə bbe tə̂ kə̂ Epɛjə le, marə dəwje aw tɔjuje nɛ̂n kə dɔgɔlɛ̂ ang. Maji karə ə-gangəde ddəwe tə̂.

1 Timɔte 4:6

Bbo ə-tɔju nɛ̂nje kə̂ m-pa mari nəənn njê-mə-kunnje a, â to nje-kula lə Jeju-Kristə kə̂ tɔkɔrɔ. Baann bba, â tɔju to ə-to dəw kə̂ aw ubba singa ddəw tar mə-kunn tə̂ ddəm ddəw nɛ̂n-tɔju tə̂ kə̂ tɔkɔrɔ kə̂ unn goe le ddəm.

1 Timɔte 6:11

A əi dəw lə Lubba, ə-mbətə nɛ̂njeenn ddəw əw ta ə-sangə ddəw ta to gatə gatə, ta bbəəl Lubba, ta kuwa mə-kunn karə ngəng, ta ndiki ngamarije, ta tɔ wuri ngaâ ta ə-ddee to dəw kə̂ wul pee kə dəwje.

2 Timɔte 2:22

Ayn nɛ̂nje kə̂ maji ang kə̂ bboe aw dda basanje. Ə-sangə ddəw ta to gatə gatə, uwa mə-kunn ləi arə ngəng, ə-ndiki dəwje, arə mə-wul-lɔm to hori tə̂ kə dəwje kə̂ aw dujuje Əbbə-dəwje kə mə-nda.

2 Timɔte 4:2

karə ila mbər tar lə Lubba, ə-təl dɔɛ̂ tə̂ kə kar tɔyn kə kar kə̂ maji ddəm maji ang ddəm. Maji karə ə-tɔjude majang ləde, ə-ndangəde, ə-dda arə dubbaje singa. Maji karə ə-tɔ wuri ddəwe tə̂ ta arə bbo nɛ̂n-tɔju ddai.

2 Timɔte 4:3

Mba marə kar aw ddee, karɛ̂ tə̂ənn le, nɛ̂n-tɔju kə̂ maji tɔyn a nəəl dəwje ang ngaa. Dâ kaaje lo kə bbo kə̂ da-rɔde tə̂, bbo koo tar kə̂ məde ndiki ta koo â a ddade kə ndɔ tɔyn ngaâ dâ bbarje njê-nɛ̂n-tɔjuje kə dɔ naan tə̂ dɔ naan tə̂.

2 Timɔte 4:7

M-dda ddɔ kə̂ maji, mayn ngɔru m-tee mban, m-ngəm mə-kunn ləm.

Titə 2:7

mə nɛ̂nje tə̂ tɔyn. Əi njaa kara, maji karə ə-to nɛ̂n-kɔju-marɛ̂ ddəw kula-ddai tə̂ kə̂ maji. Ə-tɔju nɛ̂n kə dɔgɔlɛ̂ ta ə-ndam nɛ̂n ang.

Ebərəje 13:9

Maji karə inyaje arə nɛ̂n-tɔjuje kə̂ dang dang ddaje arə ə-ndəəmje ddəw ang. Maji karə ingaje singa ddəw mə-maji tə̂ lə Lubba bbo ddəw nduje tə̂ kə̂ dɔ nɛ̂n-kusaje tə̂ ang. Mba dəwje kə̂ aw ngəmje ndujeenn le ingaje marə nɛ̂n kâra ddəwe tə̂ ang.

2 Piyɛr 3:11

Nɛ̂njeenn tɔyn a gotoje, yeenn a, maji karə nɛ̂n-yərəw ɔru pa-nja ləse ang ngaâ ə-ngəmje rɔse mba Lubba.