2 Timɔte 2:24 - Dɔnɔn kə̂ Siki: Tar kə̂ aw arə təbbə

²⁴ Maji karə nje-kula lə Əbbə-dəwje to nje-kɔl kə dəw ang. A maji karə n̂-to dəw kə̂ dəwje ndiki tar laa, maji karə nasə ta tɔju nɛ̂n ngaâ daw pa saa a, n̂-tɔ wure.

Maketuru le Lubba ke tar kabba

²⁴ Maji kare nje-kula le Ebbe-dewje kɔl ke dew ang. A maji kare dewje tɔyn ndikeje, maji kare nase ta tɔju ne ngaa daw n̂-pa saa a, n̂-tɔ wure.

2 Timɔte 2:24 Iomraidhean Croise

Matiye 12:19

Nâ kɔl kə dəw kâra ang ddəm Nâ kuru əkii ang ddəm. Dəw kâra a koo ndue go ddəw tə̂ ang.

Tar kə̂ Maji kə̂ Jan dda makəturu tə̂ 6:52

Yeenn ngaâ Jiipije aw maynje naan tar kə singa singa nan: «Dingaw nəənn a karəje taal-rɔɛ̂ karə jusa tokə baânn wa?»

Kulaje 15:2

Pɔl de kə Barnabas n̂-mbətəje nɛ̂n-tɔju ləde le ngaâ n̂-maynje kə de tar. Yeenn bba, njê-mə-kunnje unnje ndu karə Pɔl de kə Barnabas kə marə njê-mə-kunnje dawje Jerujalɛm daw dingaje njê-kaw-kulaje kə dəwje kə̂ dɔ Egilisi tə̂ mba tar nəənn le.

Kulaje 23:9

Tɔkə bula in horode tə̂. Marə njê-gərəje-Ndu kə̂ toje to Parijinyɛje inje taar ngaâ paje tar kə singa nan: «Joo marə nɛ̂n kâra kə̂ asə karə jundaje nɛ̂n tar dɔ dingaw tə̂ nəənn ang. To marə ndil wase marə anjə â pa saa tar a, n-gərə wa?»

Kulaje 7:26

Ndɔ kâra goe tə̂ a, Mɔyijə oo ngann Ijarayɛlje joo kə̂ aw ddɔje naan. N̂-ndiki ta dda karə ddekeke to horode tə̂. N̂-pa narəde nan: ‹Ngakɔnʼmje, ə-toje to ngakɔn-naan, a mba ddi bba aw ddaje naan maji ang wa?›

2 Kɔrɛntinyɛje 10:1

Əman Pɔl, maw dujuse marə nɛ̂n kə ri Kristə kə̂ wul pee ddəm to nje-mə-maji ddəm. Aw paje nan, bbo misi horose tə̂ a m-wul, â bbo misi ddəw əw kə se a, maw nya dɔse tə̂ nya.

2 Kɔrɛntinyɛje 10:4

Mba nɛ̂n-ddɔje kə̂ jaw ddɔje nɛ̂n toje to nɛ̂n-ddɔje kə̂ dəw â dda ang. Singa nɛ̂n-ddɔje le in rɔ Lubba tə̂ mba guru nɛ̂n ndokoje kə̂ ngəng, jaw tujuje kəjəje kə̂ toje kə dɔgɔlɛ̂ ang.

2 Kɔrɛntinyɛje 6:4

A mə nɛ̂nje tə̂ tɔyn, n-tɔju to n-to njê-kulaje lə Lubba njaa. Juwa jarə ngəng mə nɛ̂n kəm-to-ndooje tə̂, mə nɛ̂n-singaje tə̂ kə mə nɛ̂n-bbəəlje tə̂.

Galatəje 5:22

A nɛ̂nje kə̂ Ndil-mə-nda aw ddee nɛ̂n to: Ndiki naan, rɔ-nəəl, mə-wul-lɔm, tɔ-wur, mə-maji, dda maji kə dəwje, mə-kunn,

Epɛjinyɛje 4:2

Maji karə ə-ddaje rɔse ngaji, ə-wulje pee, ə-tɔje wurse ə-nginanje. Ə-tɔje wurse arəje naan ddəw ndiki naan tə̂.

Pilipinyɛje 2:14

Nɛ̂n tɔyn njaa kə̂ aw ddaje a, maji karə ə-ddaje ddəw kəm-rɔ tə̂ ang ddəm ddəw mayn-tar tə̂ ang ddəm.

Pilipinyɛje 2:3

Ə-ddaje nɛ̂n to nɛ̂n-dda kuta nɛ̂n naan ang ddəm to nɛ̂n-kɔsu rɔ ang ddəm. A maji karə ooje rɔse ngaji ta ooje njê-marəseje to dəwje kə̂ utajese.

Kolosinyɛje 3:13

Maji karə ə-tɔje wurse arəje naan. Bbo dəw dda marə nɛ̂n kə̂ maji ang kə nje-marɛ̂ a, ɔruje tar dɔ naan tə̂. Ddəw kâra baa tokə Əbbə-dəwje ɔru tar dɔse tə̂ le ə-ddaje tokə baann tɔ.

1 Tesalonisinyɛje 2:7

Kə tɔkɔrɔ tə̂, n-to njê-kaw-kulaje lə Kristə, yeenn a, jee kə ddəw ta nya dɔse tə̂ njaa. A n-dda bba n-wul pee horose tə̂, tokə lə kɔn ngannje kə̂ aw ngəm ngannɛ̂.

1 Timɔte 6:11

A əi dəw lə Lubba, ə-mbətə nɛ̂njeenn ddəw əw ta ə-sangə ddəw ta to gatə gatə, ta bbəəl Lubba, ta kuwa mə-kunn karə ngəng, ta ndiki ngamarije, ta tɔ wuri ngaâ ta ə-ddee to dəw kə̂ wul pee kə dəwje.

Titə 1:1

Əman Pɔl, m-to bbərə-kula lə Lubba ddəm nje-kaw-kula lə Jeju-Kristə ddəm. Lubba unnum to nje-dda karə dəwje kə̂ Lubba mbərəde unnje məde arɛ̂ ngaâ karə n̂-gərəje tar kə̂ tɔkɔrɔ bba ta n̂-ngəmje rɔde mba Lubba.

Titə 1:7

Dəw kə̂ dɔ Egilisi tə̂ to nje-ngəm nɛ̂n lə Lubba. Yeenn a, maji karə tar to dɔɛ̂ tə̂ kâra ang. Maji karə noo rɔɛ̂ bo ang, n̂-to nje-wungu ang, n̂-to bbərə lə koto ang, n̂-to nje-ddɔ kə dəw ang, maji karə bbo kinga narɛ kə dɔgɔlɛ̂ ang ddɛɛ̂ ang.

Titə 1:9

Maji karə n̂-nayn ddəw tar kə̂ tɔkɔrɔ tə̂ tokə ye kə̂ n̂-tɔjɛ̂ le njaa. Yeenn bba nâ kasə dda karə dəwje ubbaje singa ddəw nɛ̂n-tɔju tə̂ kə̂ maji tɔyn ngaâ dəwje kə̂ aw mbətəje nɛ̂n-tɔju laa, nâ kasə ta tɔjude nɛ̂n kə̂ ulade naan tə̂ le.

Titə 3:2

Maji karə n̂-tajije dəw ang, n̂-toje to njê-ddɔje kə dəw ang, maji karə n̂-toje to njê-mə-majije. Maji karə n̂-toje to dəwje kə̂ wul pee kə dəwje tɔyn kə ndɔ tɔyn.

Jakə 1:1

Əman, Jakə kə̂ m-to bbərə-kula lə Lubba ddəm Əbbə-dəwje Jeju-Kristə ddəm m-dda lapiya dəwje kə̂ toje to Jiipije kə̂ gəl-kujude dɔku gire joo kə̂ sarɛnje naan mə bbeje tə̂ dang dang.

Jakə 3:17

A kete njaa kara, kəm-karɛ kə̂ in darâ to nɛ̂n-yərəw ang, to kəm-karɛ kə̂ aw dda arə mə-wul-lɔm to horo dəwje tə̂, aw dda arə dəwje wulje pee, dəwje ooje ta naan, dəwje ddaje kula kə̂ maji. Kəm-karɛ le dda arə dəwje ɔruje kəm naan ang, dəwje ooje kəm-to-ndoo lə naan ddəm n̂-ddaje nɛ̂n mba kəm dəwje ang ddəm.

Jakə 4:2

Ə-ddaje bbo nɛ̂n ngaâ ingaje nɛ̂n le ang a, ə-tɔlje dəw. Mə ddase ngaâ asəje ta kinga nɛ̂n ang a, ə-ddaje ddɔ kə naan ngaâ ə-kɔlje naan. Ingaje nɛ̂n ang, mba ə-dujuje nɛ̂n Lubba ang.

1 Piyɛr 3:8

Ta kutu nɛ̂n dɔ tar ləm a, maji karə kəjə ləse to kâra baa ddəm ooje kəm-to-ndoo lə naan ddəm. Maji karə ə-ndikije naan to ngakɔn-naan njaa, ə-ddaje maji kə naan, ə-ddaje rɔse ngaji.

Judə 1:3

Ngakɔnʼmje, m-ndiki nya ta dda makəturu karəse ɔju dɔ kaji kə̂ Lubba ajije tɔyn kâra baa. A bbasinɛn, moo maji ta kula kə makəturu nəənn mba karə arəse singa, karə ə-ddaje ddɔ mba ngəm nɛ̂n tar mə-kunn kə̂ Lubba arəje nyɔm le.