2 Timɔte 2:12 - Dɔnɔn kə̂ Siki: Tar kə̂ aw arə təbbə

¹² Bbo juwaje jarə ngəng a, ja kɔnje mbay saa tɔ. Bbo n-mbəteje a, ne njaa kara nâ mbətəje tɔ.

Maketuru le Lubba ke tar kabba

¹² Toke juwaje jare ngeng a, ja kɔnje tɔku-mbay saa. Toke n̂-mbeteje a, ne njaa kara na mbeteje tɔ.

2 Timɔte 2:12 Iomraidhean Croise

Matiye 10:33

A dəw kə̂ mayn tar ləm kəm dəwje tə̂ nan: ‹M-gərə Jeju ang› a, əman kara mâ mayn tar laa nɔn Bɔy tə̂ kə̂ darâ nan: ‹Dəw nəənn to dəw ləm ang› tɔ.»

Matiye 26:35

Piyɛr pa arɛ̂ nan: «Le asə ta koy səi kara, karə m-pa nan m-gəri ang, mâ pa baann ndɔ kâra ang.» Njê-njaje goe tə̂ tɔyn paje tokə baann tɔ.

Matiye 26:75

Piyɛr ole məɛ̂ dɔ tar tə̂ kə̂ Jeju pa arɛ̂ nan: «Kete bba karə kuran nɔn, â mayn tar ləm pa nan ə-gərəm ang gɔl mota» le. Ngaâ n̂-tee ddaka n̂-nɔn nya.

Marke 10:33

«Ooje, jaw jawje kə Jerujalɛm. Dəwje a kilaje Ngonn lə dəw ji mbayje tə̂ lə njê-poloje Lubba kə ji njê-gərəje-Ndu tə̂. Dâ gangə sariya-yo dɔɛ̂ tə̂ ngaâ dâ kilɛ̂ ji dəwje tə̂ kə̂ gərəje Lubba ang.

Marke 8:38

Dəw kə̂ dda rɔ-kul ləm kə rɔ-kul tar ləm kəm dəwje tə̂ kə̂ bbokənɛn nəənn, Ngonn lə dəw a dda rɔ-kul laa ndɔ tə̂ kə̂ nâ ddee kə anjəje laa kə̂ majije tɔyn mə piti tə̂ lə Bɔɛ̂je. Mba dəwje kə̂ bbasinɛn nəənn le toje to njê-nɛ̂n-ddaje kə̂ maji ang ddəm dəwje kə̂ pa-nja ləde to kə dannâ ang ddəm.»

Luku 12:9

A dəw kə̂ mayn tar ləm kəm dəwje tə̂ nan: ‹M-gərə Jeju ang›, əman kara mâ mayn tar laa kəm anjəje tə̂ lə Lubba pa nan: ‹Dəw nəənn to dəw ləm ang› tɔ.

Luku 22:29

Mba yeenn bba, mâ karəse Bbe-kɔn le tokə Bɔmje arəm le,

Luku 22:30

mba karə usaje nɛ̂n ddəm ayje nɛ̂n ddəm dɔ tabələ tə̂ ləm mə Bbe-kɔn tə̂ ləm ngaâ karə isije ngende-mbayje tə̂, mba gangə sariya dɔ gəl-kuju ngann Ijarayɛlje tə̂ kə̂ dɔku gire joo.»

Luku 9:26

Tɔkɔrɔ, dəw kə̂ dda rɔ-kul ləm kə rɔ-kul tar ləm a, Ngonn lə dəw a dda rɔ-kul laa ndɔ tə̂ kə̂ nâ ddee kə piti laa kə piti lə bɔɛ̂je kə lə anjəje kə̂ maji tɔyn.

Kulaje 14:22

Mə bbeje tə̂ənn, n̂-ndəjəje njê-mə-kunnje karə duwaje mə-kunn ləde darə ngəng. N̂-paje nan: «Maji karə joo ndoo nya mba kandə nɛ̂n mə Bbe-kɔn tə̂ lə Lubba.»

Rɔmɛnje 5:17

Tɔkɔrɔ, yo aw ubba singa dɔ dəwje tə̂ mba dəw kâra kə majang lə dəw kâra. A ddəw tə̂ lə dəw kâra kə̂ to Jeju-Kristə, dəwje ingaje nɛ̂n uta dɔɛ̂. Bbo baann a, ddi bba a kɔku ddəw karə dede tɔyn kə̂ Lubba dda kə de mə-maji nya ddəm dda arə n̂-ddeeje gatə gatə kəmɛ̂ tə̂ ddəm, disije kə təbbə ngaâ dɔnje mbay ddəw tə̂ lə Kristə wa?

Rɔmɛnje 8:17

Yeenn a, bbo n-toje to ngannɛ̂ a, ja kingaje nɛ̂nje kə̂ maji kə̂ Lubba unn ndue ta karə dəwje laa. Ja kingaje nɛ̂nje le naan tə̂ kâra baa kə Kristə. Mba bbo jaw jooje ndoo saa a, ja kingaje piti saa tɔ.

Pilipinyɛje 1:28

Ə-bbəəlje njê-baanje le ang. Yeenn bba a tɔjujede to dunnje ddəw yo, a sese unnje ddəw kaji, mba nɛ̂ɛnn le in rɔ Lubba tə̂.

1 Timɔte 5:8

Bbo marə nje-mə-kunn aa lo kə dɔ nujuje tə̂ laa ang, uta tɔyn bbo naa lo kə dɔ dəwje tə̂ kə̂ mə kəy tə̂ laa ang a, ninya mə-kunn laa mban ngaâ n̂-maji ang nuta dəw kə̂ unn məɛ̂ ang.

Judə 1:4

Mba, marə dəwje kə̂ maji ang andəje horose tə̂ kə go ngəyn. Daw turuje mə tar mə-maji lə Lubba ləje mba kɔnn nɛ̂n dɔ nɛ̂n-ddaje kə̂ maji ang ləde. N̂-mbətəje Mbay ləje kə̂ kâra baa kə̂ to Əbbəjeje Jeju-Kristə le. Ləw baa, Makəturu lə Lubba pa tar sariya kə̂ dâ gangə dɔde tə̂.

Apokalisi 1:6

N̂-ddaje to dəwje kə̂ mə Bbe-kɔn tə̂ laa ddəm njê-poloje Bɔɛ̂je Lubba ddəm. Maji karə piti kə singa-mɔngu toje to laa, ndɔ kə ndɔ. Amɛnn.

Apokalisi 1:9

Əman ngokɔnse Jan, moo ndoo kə se kâra baa. Əman kə sese tɔyn n-ddeeje to dəwje kə̂ mə Bbe-kɔn tə̂ lə Jeju ngaâ jaw juwaje jarə ngəng ddəw tə̂ laa. Duwam dulam dɔ dərə-ba tə̂ kə̂ ria nan Patəmos mba tar lə Lubba kə̂ mila mbəre ddəm mba tar-naji lə Jeju kə̂ maw pa ddəm.

Apokalisi 2:13

M-gərə lo kə̂ ə-dda bbe tə̂ kə majɛ̂: Ngende-mbay lə Satan to tə̂ənn. A dɔ ndɔ tə̂ kə̂ n̂-tɔl nɛ̂n Antipas kə̂ to nje-tar-naji ləm kə̂ gatə gatə bbeê ləse kə̂ Satan dda bbe tə̂ le njaa kara ə-nayn gom tə̂ nyɔm bbo ə-tusu məi kə̂ unn arəm le inya ang.

Apokalisi 20:4

Goe tə̂ a, moo ngende-mbayje. Darə singa dəwje kə̂ isije dɔɛ̂ tə̂ karə n̂-gangəje sariya. Moo ndil dəwje kə̂ n̂-tɔlde mba tar-naji lə Jeju kə̂ n̂-paje ddəm mba tar lə Lubba ddəm. Moo ndil dede kə̂ n̂-mbətəje ta kɔsu məkəjə-gɔlde nɔn da tə̂ le ddəm nɔn ətaar tə̂ kə̂ ndaji da tə̂ le ddəm dɔsu əndaji əngo-nɔnde tə̂ ang ddəm mə jide tə̂ ang ddəm le tɔ. N̂-ndolje ngaâ dɔnje mbay kə Kristə asə bbal doro kâra (1 000).

Apokalisi 20:6

Maji arəde, de dəwje kə̂ dɔngɔr ndol lə dəwje kə̂ oyje, deeje horode tə̂. N̂-toje to dəwje lə Lubba njaa! Yo kə̂ gɔl joo laa ee kə singa dɔde tə̂ ang. Dâ toje to njê-poloje lə Lubba ddəm lə Kristə ddəm ngaâ dâ kɔnje saa mbay bbal doro kâra le.

Apokalisi 3:10

Ə-ngəm ndəjə ləm kə̂ mari karə uwa arə ngəng le. Yeenn bba, əman njaa kara mâ ngəmi kar tə̂ kə̂ nɛ̂n-nanje a ddeeje mba nan mə dəwje tɔyn kə̂ dɔ nangə tə̂.

Apokalisi 3:21

Dəw kə̂ tətə ddɔ a, mâ karɛ ddəw karə nisi səm dɔ ngende-mbay tə̂ ləm tokə m-tətə ddɔ ngaâ maw misi kə Bɔmje dɔ ngende-mbay tə̂ laa le.

Apokalisi 3:8

N̂-pa nan: M-gərə kula-ddai. M-gərə to singai to nya ang njaa. A ə-ngəm tar ləm bbo ə-mbətəm ang. Mba yeenn bba, oo, mɔru ta-kəy nɔin tə̂, a dəw kâra a kasə kutu ta-kəy le ang.

Apokalisi 5:10

Ə-ddade to dəwje kə̂ mə Bbe-kɔn tə̂ lə Lubba ddəm njê-poloje Lubba ddəm karə n̂-ddaje kula laa. Dâ kɔn-mbay dɔ nangə tə̂.»